اقتباس المشاركة الأصلية كتبت بواسطة blazer مشاهدة المشاركة
ترقص !
ترقص مين ياعم الحج
انا باذن الله
اخرها تقوم تقف تسقف
انما لا هيبقى فيه رقص ولا اكل بالشوكه ولا البوس اللى بيحصل دا
مش عارف ازاى واحد يبوس مراته ولو حتى على جبهتها ادام الناس
صعب اوى انك تعمل الكلام دا
لانك متنساش ان فيه واحد بيدير الفرح وتلاقيه ساعة تقطيع التورتة يجيبلك حتة من قعرها وبتكون مألحفة كده (بالرغم من انك دافع فلوسها يعنى مش شحاتة) يوجيبهالك بالشوكة عشان انت وهى تاكلوها وبعدين هوب يخطفها منكم عشان بدل متاكلوا تبوسوا بعض
وحركة الشربات الكوباية اللى لازم يشربوا منها هما الاتنين خلاص يعنى الكبايات ضاقت فى الدنيا ميجيبوا كبايتين
حركات تعل والله
ولا اول مايدخلوا على القاعة تلاقيه واقف وعروسته انكجيه مستنين لغاية اسماء الله الحسنى ماتخلص وبعديها هاتك يارقص وتنطيط زى مايكونوا كانوا مربوطين واتفكوا

والراجل اللى بيدير الفرح مش حيسيبكوا هادين كده لازم ينططكوا ويخليكوا تعملوا شقلباظ وكل دا ومش حتقدر تقوله حاجة الا اذا طردته من الفرح ودا تقريبا الحل الوحيد