فكرة لمكافحة احتراف التسول: قائمة بالمتسولين المحترفين

**nasroo** · 23-02-2009 11:18 AM

المشاركة الأصلية كتبت بواسطة abou_ruqi

هام جدا للاسكندرانية

واحد صاحبي كان راكب تاكسي وكان واقف في اشارة المعسكر الروماني وشارع ابو قير ، وكان في الست العجوزة الشحاتة اللي بتلبس اسود اللي مستعمرة الاشارة دي

فالسواق قال لصاحبي : عارف الست دي ؟ عندها عمارة في (كليوباترا)
صحبي : لا يا راجل متقولش كده ؟
السواق : يا باشا زي ما باقولك ! عندها عمارة وانا ساكن عندها !!!

فكرتني باعلام ميلودي " ياباشا عنده مطار الانفاق"

**M.Nasr** · 22-01-2011 09:22 PM

انا قعدت فترة من تجنيدى فى تجنيد القاهرة (الهايكستب) فى واحده شحاته هناك اسمها ام عادل ودى دايما تقول ساعدونى ياولادى بجرى على يتامى وانا مريضة ومش عارف ايه المهم الست دى واحد بيحلف لى انه كان بيشوف شقة واكتشف ان الست دى عندها عمارتين فى المرج بتوعها .

**Ralliart** · 22-01-2011 10:14 PM

ههه فكرتوني ايام ثانوي كان اللي بيحب يخرج من المدرسه يدفع نص جنيه لعم شحاته البواب
ولما الراجل مات والمدرسين راحو يعزو لقو العزاء في العماره بتاعته !!!!

الاشاره اللي عند كلية فنون تطبيقيه فيها شاب مش مريض ولا عنده اي حاجه بييجي يتنطط ادام العربيه ولو فاتح الشباك ممكن يبوس ايدك ويتحايل ويعيط لحد ما تديله حاجه اوالاشاره تفتح

**tifalol** · 22-01-2011 10:34 PM

لمنطقة دى شبه مقفرة والسيارت تمر بها بسرعة لكن الست دى من معالم المنطقة، لا ترى منها سوى ملاية سوداء وواقفة على طول على شمال الطريق فى الإتجاه من منطقة المدافن

انا الست دي بشوفها كتير قوي و بتقف جمب مطب كل لما اهدي عشان المطب ابصلها و تبصلي في عيني بمسكنه كده
مبتمشييييييييييييييييييش تعالى اي وقت هتشوفها
بس حلوه فكره الموضوع

**osama.m** · 22-01-2011 11:41 PM

جمب مجمع الكليات قدام بوابة حقوق .. حاجة مستفزة .. و عيال صغيرة بتتغابى .. مرة كنت خارج انا و اصحابي نلعب بلايستيشن . واد منهم مسك ايدي و مش عايز يسيبها ومصمم ياخد فلوس .. رحت ماسكة من كتفة و قلتله تعالى معايا على الظابط راح سايبني و قد يشتم

العيال دي لما بتشوف ولد ماشي مع بنت بيعملوا عليهم احسن شغل