رينو ميجان هاتش باك ولا برافو 120hp

**osamy** · 12-09-2010 03:28 AM

المشاركة الأصلية كتبت بواسطة mustafa_farouk

السلام عليكم،

بصراحة، أنا لو في مكانك، كنت حجيب السيات ليون وهي ب-155 ألف ووجهة نظري انها أحسن من الاثنين، فتيس 7 نقلات يعني فيه نوع من التوفير في البنزين + الموتور بتعها طبيعي وبيمشي معها 92 أو 95, وحجمها حلو أوي. يعني من جوا أكبر من البرافو
أنا سمعت والله أعلم إن التربو بيتحط فيها 95 عشان الأداء يكون أفضل. + الميجان فتيس 4 نقلات ومفيهاش فتحت سقف.

ايه دا هيه الليون اوسع؟

بس المشكله انها اغلى 10000 وانا بالعافيه هجيب 145000

**osamy** · 12-09-2010 03:35 AM

المشاركة الأصلية كتبت بواسطة ghazy12

انت محتار بشكل رهييييب فعلا, لكن انا عاذرك جداا, و ربنا معاك...

نقارن بشكل موضوعي من كل الجوانب...

موتور: البرافو
جيربوكس: الميجان (لان جيربوكس البرافو بالنسبه ليا غير مريح اطلاقاً)
نظام تعليق: الاثنين على بيم (و لو ان البرافو semi)
شكل خارجي: ده اذواق, و الاثنين شكلهم حلو جداا
شكل داخلي: ده اذواق بردو, لكن البرافو شكلها اجمل من جوه
اداء: البرافو هتقدملك اداء مميز اكتر من الميجان (نظرياً)
خامات داخليه: الميجان تتفوق في النقطه دي, و انزل قارن بنفسك
امان: البرافو تتفوق في عدد الاير باجز, و في الباقي زي بعض
المساحه الداخليه: الميجان اكبر شويه, خصوصاً مساحة الاقدام ورا
التوكيل: الميجان (توكيل رينو سمعته زي الذهب و الكل يشهد ليه بالاحترام)
التجهيزات: الميجان فيها حجات مش في البرافو... و العكس صحيح بردو
و لو هنحسمها... اعتقد البرافو تتفوق (لكن هي على حسب المتطلبات)

يبقى خلاصة المقارنه... البرافو تتفوق في نسبه كبيره من اوجه المقارنه

الميجان تتفوق من ناحية التوكيل, و الخامات, و بعض الكماليات اللي في صالحها
و مش هتكلم عن ان الجيربوكس اريح فيها لاني هعتبره رأي شخصي

قرر بنفسك, و ان شاء الله تقدر توصل لقرار نهائي, و ربنا يوفقك

تقبل تحياتي...

شكراااااااااااااااااااااا ااااااا

شكرا جدا انت بجد ردودك من الاخر وفيها المفيد

شكرا

**osamy** · 12-09-2010 03:35 AM

المشاركة الأصلية كتبت بواسطة amrseba

استاااذ و رئيس قسم و الله يا استاذ غازى مفيش موضوع غير لما تجيبه من الاخر و مفيش حد يرد بعديك بجد انت راجل عشره على عشره و ردودك مفيده جدا و جميله و مقنعه وواقعيه جدا جدا جدا و انا عن نفسى بثق فى ردودك جدا

يا استاذ جون

الفابيا و الفيستا و البولو و الكورسا مش عجبانى لا سعر ولا امكانيات و لا شكل و لا اى حاجه
و السيات و الحاجات ديه كلها تقارن بالبونتو ايفو و الجراند بونتو كوبيه

عايز تقارن مع البرافو بقى
ليون و الفوكاس و السوبارو امبريزا و و 308 و ستروين c4 و و السويفت انا مش عجبانى اوى ياعنى

و يا osamy

الميجان جميله و البرافو جميله بس البرافو هتتفوق على الميجان فى الماتور غير كده نفس المستوى الاتنين بنفس المستوى وشوف ايه الى خاماته احسن و اسعار قطع الغيار و الوسع و هكذا ياعنى و الاتنين مكسب و حلوين و ربنا يرزقك الخير ان شاء الله
و الاتنين شكلهم مميز جدا و حلوين ربنا يكرمك

شكرا يا باشا

**osamy** · 12-09-2010 03:37 AM

المشاركة الأصلية كتبت بواسطة john_samy_1

أنا بس حاولت أكتب معظم الهاتش باك اللي أعرفه. أصل أستاذ osamy كان ناوي علي الevo في الأول وبعدين غير رأيه فأنا بس بحاول اقوله كل حاجة شبه الevo والbravo وهو يشوف. يمكن لما يشوف المنافسين كلهم يا يقتنع بالbravo يا إما يشوف حاجة تانية.خصوصا إنه لسة شاب صغير ومتجوز جديد وهيقسط معظم التمن على 5 سنين. أنا رأيي يشوف الحاجات الاصغر ويحط فلوس في جيبه أو يقلل مدة القسط أحسن. أنا نفس ظروفه تقريبا واخترت اقلل القسط واخلي مدته 3 سنين فـقلت أحاول انصحه.

بجد مشاركتك كانت زي الفل وفكرتني بحاجات كنت ناسيها

**osamy** · 12-09-2010 03:37 AM

المشاركة الأصلية كتبت بواسطة m.almaghraby

لو مش عاجباك البرافو او مقلق منها او مش قابلها لسبب ما .........

جرب تشوف عربيتين :

فورد فوكاس - سيات ليون

مفيش اي عربية تانية ممكن تنافس البرافو " بالسعر دا قصدي " الا دول .... انضف الهاتش باك في مصر

طبعا لو زودت يبقي اوبل استرا اكيد

لا الفوكس لا بس الليون جامده بس اغلى ب 10000

**Hegazio** · 12-09-2010 12:13 PM

رأيي المتواضع يا جماعة
لو الأداء مهم معاك يبقي البرافو ( انا شخصيا كنت حختارها ) غير كده الميجان اوسع و اثبت و خاماتها احسن و وكيلها افضل و اتبتت نفسها في السوق من أول الميجان 2
ممكن بس حد يأكد معلومة ان الميجان الجديدة مش نقلات خالص دي سي في تي .. زي مافي ناس قالت علي الفلوينس الخليجي؟
ايه حكاية فتيس البرافو ده ؟ اوعي تقولولي ديوال لوجيك زي اليايزي ترونيك بتاع اوبل .. ده يبقي لبوس

**yoko** · 12-09-2010 12:15 PM

المشاركة الأصلية كتبت بواسطة hegazio

رأيي المتواضع يا جماعة
لو الأداء مهم معاك يبقي البرافو ( انا شخصيا كنت حختارها ) غير كده الميجان اوسع و اثبت و خاماتها احسن و وكيلها افضل و اتبتت نفسها في السوق من أول الميجان 2
ممكن بس حد يأكد معلومة ان الميجان الجديدة مش نقلات خالص دي سي في تي .. زي مافي ناس قالت علي الفلوينس الخليجي؟
ايه حكاية فتيس البرافو ده ؟ اوعي تقولولي ديوال لوجيك زي اليايزي ترونيك بتاع اوبل .. ده يبقي لبوس

هو بس مفيهوش مشاكل الأوبل (فيات بتصنعة من أواخر التمنينات)

**yoko** · 12-09-2010 01:41 PM

المشاركة الأصلية كتبت بواسطة m.almaghraby

انا الي اعرفه ان الفا روميو اول شركة فالعالم نزلت عربية فالسوق بناقل حركة مشابه للايزي ترونيك " ال selespeed " فال 156

ما هو الديوال لوجيك عبارة عن تطوير السيلس سبيد

**Hegazio** · 12-09-2010 01:50 PM

بس بس ... بلا مطور بلا بتاع
جربته في البونتو الجديدة .. هو طبعا احسن من المانيوال .. بس ما تقدرش تقول انه في راحة و استجابة الاوتوماتيك
و عارف انه مش بيضيع عزم و كده .. بس برضه مش مريح
و يمكن محتاج فترة تعود طويلة

-

الموضوع: رينو ميجان هاتش باك ولا برافو 120hp

LinkBack

أدوات الموضوع

عرض

-

-

-

-

المواضيع المتشابهه

رينو ميجان هاتش باك موديل 2007 مواصفات خليجية

رينو ميجان هاتش باك للبيع

رينو ميجان هاتش باك بانوراما للبيع

للبيع: رينو ميجان هاتش باك 2006 بانوراما

رينو ميجان هاتش باك2005

الكلمات الدلالية لهذا الموضوع

المفضلات

المفضلات

ضوابط المشاركة