رينو ميجان هاتش باك ولا برافو 120hp

**osamy** · 08-09-2010 03:21 PM

معلش يا جماعه استحملوني

رينو ميجان هاتش باك الي ب 143000

ولا برافو 120hp الي ب145000

**blazer** · 08-09-2010 05:00 PM

برافو
وهختارها عشان الماتور والفتيس
انما باقى الحاجات فى العربيتين متساويين
العفشه فى الاتنين على تورشن بيم
كماليات متقاربه
توكيل رينو افضل من الفيات
شكلهم هما الاتنين جامد وان كانت الرينو افضل لانها لسه نازله السنه دى واقل انتشارا من البرافو

**KHALED AYMAN** · 08-09-2010 05:02 PM

بص يا باشا هقولك طريقه حلوه عشان تجيب عربيه على مزاجك
1-حدد سعر معين العربيه متزيدش عنه
2-حدد عاوز ايه من الاداء
3-حدد عاوز ايه من الكماليات
4-حدد عاوز هاتش ولا سيدان ولا مش فارقه
5-هتبيع بعد اد ايه تقريبا
قول الحاجات دى و ان شاء الله نقدر نقولك عربيه مناسبه ليك

**osamy** · 08-09-2010 10:48 PM

المشاركة الأصلية كتبت بواسطة blazer

برافو
وهختارها عشان الماتور والفتيس
انما باقى الحاجات فى العربيتين متساويين
العفشه فى الاتنين على تورشن بيم
كماليات متقاربه
توكيل رينو افضل من الفيات
شكلهم هما الاتنين جامد وان كانت الرينو افضل لانها لسه نازله السنه دى واقل انتشارا من البرافو

تمام يا باشا انت لخصت وجبت من الاخر

شكرا

**osamy** · 08-09-2010 10:53 PM

المشاركة الأصلية كتبت بواسطة khaled ayman

بص يا باشا هقولك طريقه حلوه عشان تجيب عربيه على مزاجك
1-حدد سعر معين العربيه متزيدش عنه
2-حدد عاوز ايه من الاداء
3-حدد عاوز ايه من الكماليات
4-حدد عاوز هاتش ولا سيدان ولا مش فارقه
5-هتبيع بعد اد ايه تقريبا
قول الحاجات دى و ان شاء الله نقدر نقولك عربيه مناسبه ليك

1- 145000
2- عاوز اداء كويس مش خارقز يعني ماتكونش بطه ومش لازم تبقى خارقهز بس تكون برضه بتشد حلو وبتجري كويس
3- تقريبا دي من اهم الحاجات علشان كده ديما باختار الفئه الاعلى
4- المهم يبقى شكلها رياضي وشبابي اوي بس برضه تكون واسعه (علشان انا متجوز من سنه)
5- 5 سنين وممكن 7 وممكن ممكن تزيد ل 10 بس مش اقل من 5 علشان انا هقسط على 5 سنين

شكرا ليك

**fares515** · 09-09-2010 12:17 AM

ممكن اسألك سؤال
انت ليه متردد من ناحيه البرافو؟تقريبا معظم الناس اختاروهالك وانت برده محتار رغم انك مصر تحطها في اي مقارنه يعني دايما العربيه التانيه متغيره مره اوبل مره رينو مره ميجان بس البرافو ثابته يعني واضح انك مصر عالبرافو بس فيه حاجه قافله قلبك من ناحيتها..ايه السر ياترى؟؟

**ecybrarian** · 09-09-2010 01:50 AM

رينو طبعا..على الاقل التوكيل عنده قطع غيارها

**fouady** · 09-09-2010 02:52 AM

Bravo

**osamy** · 09-09-2010 04:26 AM

المشاركة الأصلية كتبت بواسطة fares515

ممكن اسألك سؤال
انت ليه متردد من ناحيه البرافو؟تقريبا معظم الناس اختاروهالك وانت برده محتار رغم انك مصر تحطها في اي مقارنه يعني دايما العربيه التانيه متغيره مره اوبل مره رينو مره ميجان بس البرافو ثابته يعني واضح انك مصر عالبرافو بس فيه حاجه قافله قلبك من ناحيتها..ايه السر ياترى؟؟

مش كله اختار برافو

بس الي مخليني مقلق شويه حبه المواضيع الي طلعت فجأه عليها خش منتدى فيات وشوف

انا حاببها جدا وحاسس ان مافيش ليها منافس اصلا
بس برضه انا هدفع 145000 مش قليل
فممكن يكون في حاجه احسن وانا مش واخد بالي.
صح ولا ايه ؟

**John_Samy_1** · 09-09-2010 05:01 AM

يا باشا لو متردد عندك Leon و Fucas هاتش باك و Megane هاتش باك و Tida هاتش باك و 308 و Impriza هاتش باك و Swift هاتش باك ( بتعجبني شكلها فيه واحدة بتركن جنبي ) و في نص 2011 فيه الكروز الهاتش باك ( هتكون أخت الاسترا وشكلها هتبقي حكاية ) و كل دول فرق الأداء مابينهم ومابين الBravo ثانية أو اتنين بالكتير قوي في التسارع مش حاجة يعني
طبعا أنا مجبتش سيرة الGolf ولا الAstra ولا ال116 عشان سعرهم.
و ممكن تحط فلوس في جيبك و تبص على الCorsa الجديدة و الPolo الجديدة أو الIbiza ال1.6 (وديه هتثبت مع البرافو) وال Mazda 2 وفيه Fabia أو الFiesta كل دول عربية محترمة ومبقوش يفرقوا كتير عن اخواتهم الكبار D:

ولو ليك في الكوري فيه i30 عربية حلوة
ديه تقريبا كل العربيات اللي مش fiat الهاتش باك. لو ممكن تغير علي سيدان فيه كلام تاني.

لو عديت علي كل دول ولسة برده عجباك الBravo هاتها وامشي بيها 150 ( مش عارف علي أنهي طريق يسمح ) وماتزودش لحد ما تطمنلها.
أنا بس بحاول أساعد حضرتك واقولك كل الحلول. يمكن لما تبص علي المنافسين تعجبك حاجة فيهم أو تعجبك الBravo أكتر.
وربنا يعينك ويوفقك يا باشا.

الموضوع: رينو ميجان هاتش باك ولا برافو 120hp

LinkBack

أدوات الموضوع

عرض

-

-

-

-

المواضيع المتشابهه

رينو ميجان هاتش باك موديل 2007 مواصفات خليجية

رينو ميجان هاتش باك للبيع

رينو ميجان هاتش باك بانوراما للبيع

للبيع: رينو ميجان هاتش باك 2006 بانوراما

رينو ميجان هاتش باك2005

الكلمات الدلالية لهذا الموضوع

المفضلات

المفضلات

ضوابط المشاركة