رينو ميجان هاتش باك ولا برافو 120hp

**yoko** · 09-09-2010 05:12 AM

المشاركة الأصلية كتبت بواسطة ecybrarian

رينو طبعا..على الاقل التوكيل عنده قطع غيارها

توكيل فيات مبقاش عنده مشكله قطع الغيار خلاص

المشاركة الأصلية كتبت بواسطة osamy

مش كله اختار برافو

بس الي مخليني مقلق شويه حبه المواضيع الي طلعت فجأه عليها خش منتدى فيات وشوف

انا حاببها جدا وحاسس ان مافيش ليها منافس اصلا
بس برضه انا هدفع 145000 مش قليل
فممكن يكون في حاجه احسن وانا مش واخد بالي.
صح ولا ايه ؟

يا إبني جربها بنفسك عشان تتأكد إن الموضوع تربيط عفشة ومجرد إحساس يعني كل الي بيقولوا المشكله مجرد إحساس بالتعويم مفيش ولا واحد فيهم عامت منة بجد!!!

**fares515** · 09-09-2010 06:20 AM

انا قريت موضوعات قسم فيات وملاقيتش فيها حاجه تقلق كلها حالات فرديه السبب الرئيسي فيها هو الاشتباه يعني بيقولك كانت هتعوم يعني العربيه كانت ناويه بس ما عامتش!!
انا بدأت احس انك بتتلكك لها يامان

**ghazy12** · 09-09-2010 04:43 PM

انت محتار بشكل رهييييب فعلا, لكن انا عاذرك جداا, و ربنا معاك...

نقارن بشكل موضوعي من كل الجوانب...

موتور: البرافو
جيربوكس: الميجان (لان جيربوكس البرافو بالنسبه ليا غير مريح اطلاقاً)
نظام تعليق: الاثنين على بيم (و لو ان البرافو Semi)
شكل خارجي: ده اذواق, و الاثنين شكلهم حلو جداا
شكل داخلي: ده اذواق بردو, لكن البرافو شكلها اجمل من جوه
اداء: البرافو هتقدملك اداء مميز اكتر من الميجان (نظرياً)
خامات داخليه: الميجان تتفوق في النقطه دي, و انزل قارن بنفسك
امان: البرافو تتفوق في عدد الاير باجز, و في الباقي زي بعض
المساحه الداخليه: الميجان اكبر شويه, خصوصاً مساحة الاقدام ورا
التوكيل: الميجان (توكيل رينو سمعته زي الذهب و الكل يشهد ليه بالاحترام)
التجهيزات: الميجان فيها حجات مش في البرافو... و العكس صحيح بردو
و لو هنحسمها... اعتقد البرافو تتفوق (لكن هي على حسب المتطلبات)

يبقى خلاصة المقارنه... البرافو تتفوق في نسبه كبيره من اوجه المقارنه

الميجان تتفوق من ناحية التوكيل, و الخامات, و بعض الكماليات اللي في صالحها
و مش هتكلم عن ان الجيربوكس اريح فيها لاني هعتبره رأي شخصي

قرر بنفسك, و ان شاء الله تقدر توصل لقرار نهائي, و ربنا يوفقك

تقبل تحياتي...

**amrseba** · 09-09-2010 11:46 PM

استاااذ و رئيس قسم و الله يا استاذ غازى مفيش موضوع غير لما تجيبه من الاخر و مفيش حد يرد بعديك بجد انت راجل عشره على عشره و ردودك مفيده جدا و جميله و مقنعه وواقعيه جدا جدا جدا و انا عن نفسى بثق فى ردودك جدا

يا استاذ جون

الفابيا و الفيستا و البولو و الكورسا مش عجبانى لا سعر ولا امكانيات و لا شكل و لا اى حاجه
و السيات و الحاجات ديه كلها تقارن بالبونتو ايفو و الجراند بونتو كوبيه

عايز تقارن مع البرافو بقى
ليون و الفوكاس و السوبارو امبريزا و و 308 و ستروين c4 و و السويفت انا مش عجبانى اوى ياعنى

و يا osamy

الميجان جميله و البرافو جميله بس البرافو هتتفوق على الميجان فى الماتور غير كده نفس المستوى الاتنين بنفس المستوى وشوف ايه الى خاماته احسن و اسعار قطع الغيار و الوسع و هكذا ياعنى و الاتنين مكسب و حلوين و ربنا يرزقك الخير ان شاء الله
و الاتنين شكلهم مميز جدا و حلوين ربنا يكرمك

**John_Samy_1** · 10-09-2010 12:46 AM

أنا بس حاولت أكتب معظم الهاتش باك اللي أعرفه. أصل أستاذ osamy كان ناوي علي الEvo في الأول وبعدين غير رأيه فأنا بس بحاول اقوله كل حاجة شبه الEvo والBravo وهو يشوف. يمكن لما يشوف المنافسين كلهم يا يقتنع بالBravo يا إما يشوف حاجة تانية.خصوصا إنه لسة شاب صغير ومتجوز جديد وهيقسط معظم التمن على 5 سنين. أنا رأيي يشوف الحاجات الاصغر ويحط فلوس في جيبه أو يقلل مدة القسط أحسن. أنا نفس ظروفه تقريبا واخترت اقلل القسط واخلي مدته 3 سنين فـقلت أحاول انصحه.

**M.almaghraby** · 10-09-2010 03:16 AM

لو مش عاجباك البرافو او مقلق منها او مش قابلها لسبب ما .........

جرب تشوف عربيتين :

فورد فوكاس - سيات ليون

مفيش اي عربية تانية ممكن تنافس البرافو " بالسعر دا قصدي " الا دول .... انضف الهاتش باك في مصر

طبعا لو زودت يبقي اوبل استرا اكيد

**osamy** · 12-09-2010 03:25 AM

المشاركة الأصلية كتبت بواسطة john_samy_1

يا باشا لو متردد عندك leon و fucas هاتش باك و megane هاتش باك و tida هاتش باك و 308 و impriza هاتش باك و swift هاتش باك ( بتعجبني شكلها فيه واحدة بتركن جنبي ) و في نص 2011 فيه الكروز الهاتش باك ( هتكون أخت الاسترا وشكلها هتبقي حكاية ) و كل دول فرق الأداء مابينهم ومابين الbravo ثانية أو اتنين بالكتير قوي في التسارع مش حاجة يعني
طبعا أنا مجبتش سيرة الgolf ولا الastra ولا ال116 عشان سعرهم.
و ممكن تحط فلوس في جيبك و تبص على الcorsa الجديدة و الpolo الجديدة أو الibiza ال1.6 (وديه هتثبت مع البرافو) وال mazda 2 وفيه fabia أو الfiesta كل دول عربية محترمة ومبقوش يفرقوا كتير عن اخواتهم الكبار d:

ولو ليك في الكوري فيه i30 عربية حلوة
ديه تقريبا كل العربيات اللي مش fiat الهاتش باك. لو ممكن تغير علي سيدان فيه كلام تاني.

لو عديت علي كل دول ولسة برده عجباك الbravo هاتها وامشي بيها 150 ( مش عارف علي أنهي طريق يسمح ) وماتزودش لحد ما تطمنلها.
أنا بس بحاول أساعد حضرتك واقولك كل الحلول. يمكن لما تبص علي المنافسين تعجبك حاجة فيهم أو تعجبك الbravo أكتر.
وربنا يعينك ويوفقك يا باشا.

شكرا يا باشا انت جبت من الاخر

**osamy** · 12-09-2010 03:27 AM

المشاركة الأصلية كتبت بواسطة yoko

توكيل فيات مبقاش عنده مشكله قطع الغيار خلاص

يا إبني جربها بنفسك عشان تتأكد إن الموضوع تربيط عفشة ومجرد إحساس يعني كل الي بيقولوا المشكله مجرد إحساس بالتعويم مفيش ولا واحد فيهم عامت منة بجد!!!

تمام هحاول ادور على حد يخليني اجربها

**osamy** · 12-09-2010 03:27 AM

المشاركة الأصلية كتبت بواسطة fares515

انا قريت موضوعات قسم فيات وملاقيتش فيها حاجه تقلق كلها حالات فرديه السبب الرئيسي فيها هو الاشتباه يعني بيقولك كانت هتعوم يعني العربيه كانت ناويه بس ما عامتش!!
انا بدأت احس انك بتتلكك لها يامان

لا يا باشا انا مش بتلكك دا بالعكس انا حاببها

-

الموضوع: رينو ميجان هاتش باك ولا برافو 120hp

LinkBack

أدوات الموضوع

عرض

-

-

-

-

-

المواضيع المتشابهه

رينو ميجان هاتش باك موديل 2007 مواصفات خليجية

رينو ميجان هاتش باك للبيع

رينو ميجان هاتش باك بانوراما للبيع

للبيع: رينو ميجان هاتش باك 2006 بانوراما

رينو ميجان هاتش باك2005

الكلمات الدلالية لهذا الموضوع

المفضلات

المفضلات

ضوابط المشاركة