الموضوع: أهلك هايساعدوك فى الشقةوالعفش.طيب هاتصرف منين بعد الزواج!مرتبك هايكفى؟انا قلقان.

المشاركة الأصلية كتبت بواسطة chato_eg

بص
فى السبعينات..كانت الظروف وحشة..فى الثمانينات كانت أسوا.. و دلوقتى مهببة ب 60 طين....معاك فى كل ده...
لكن القاسم المشترك فى كل الأزمنة هى البشر و الرب...طول ما فيه ربنا...هيفضل فيه أمل...و إللى عياله ماتوا من المرض دول تعرض لموقف سىء فعلا..بس هو امتحانه كده..مش معناه كلنا بقى ما نتجوزش لنفس السؤال يجى و مانعرفش نجاوب ..الإجابة ببساطة الاحتساب عند الله و الصبر على الشدائد..هيعمل إيه تانى يعنى...يروح يموت نفسه....
إنا لله و إنا إليه راجعون...و إللى مكتوب لنا هانشوفه...ما تفتكرش إن الامتحان بيكون أسهل لو مقضيها single و ذو مسئولية محدودة من وجهة نظرك
i have seen cases like this
مش النهاية إللى أتمناها لأى حد..إنت يمكن لو فتحت عينك حبتين ..هتقول حقى برقبتى و أطير على أى واحدة ست أتجوزها لأحسن أبقى كده
دى سنة الله فى خلقه...مخالفة تلك السنة إللى ربنا خلقنا عليها شىء متعب ليك إنت شخصيا أكتر و قبل أى حد تانى..و إنت إللى هاتشيل المعاناة كده كده

ليه الامتحان مش هيكون سهل لو انا سنجل

بالعكس مش هيكون عندي اطفال ولازوجه اتسأل عنهم

لو تقصد اننا هنقضيها بنات بقي وملذات وخلاص

لأ مش كل الشباب كده

أنا برضه كان الموضوع ده مضايقني لأني داخل على خطوبة قريب إن شاء الله
و لقيت إن من الحلول اللي ممكن تفيد
إن الواحد يحوش جزء من مرتبه دلوقتي علشان يبقى يصرف منه مع مرتبه ساعتها لحد ما ربنا يفرجها
وميضطرش يستلف من حد ساعتها
او ممكن لو هيستلف للعفش وتجهيز الشقة يستلف بزيادة شوية ويدخر جزء للسنة الأولى مثلاً
لحد ما ربنا يكرمه (وده أكيد) ويبقى اسمه استلف للتجهيز و مغيرش صورته قدام مراته أو أهله

ماحدش قال ان الهروب من الزواج -يبقى جباااااااان-وماحدش قال ان الهروب من الزواج وبقى عديم المسؤلية-طيب صلوا جميعا على حضرة النبى عليه الصلاة والسلام-دلوقتى انت لقيت شغلانة اشتغلت قبضت المرتب التعبااااان-طيب ما اهوة بتشتغل اهو وبيطلع عينك ومتبهدل يعنى شايل مسؤلية مش متنح وبتعتمد على الاهل-بس مرتبك هو اللى هايخليك جباااااان -وخايف من المسؤلية.وكمان شغلانة اقل من إمكانياتاك-وبتتفحت وبيتمص دمك-علشان الملاليم-دلوقتى واحنا عزاب اى كلمة من أى مدير او اى ظلم مش بنسكت- ولو قفلت قوى وجت على كرامتنا-فى ستين الف داهية الشغلانة-وندور على غيرها -دة انا لو قعدت فى البيت اوفرلى -بنزين-واكل برا -وسجاير بزيادة لو بتدخن-لكن بعد الزواج!-لو قالولك اتشقلب على الحيط هاتتشقلب.ماتقدرش تقول لأابدا-هاتصرف منين عليها-هاتقعد جنبها فى البيت.احنا فى بلد منتهية الصلاحية -غير صالحة للاستخدام الأدمى-ياريت البنات والسيدات يشاركونا -يقولولنا رأيهم يمكن يبقى عندهم الحل.

ياعنى اما تبقى شغال ومفحوت -وبال12 ساعة فى اليوم شغال-والمرتب مش مكفى مصاريفك الشخصية-واكلك فى شغلك-وتيجى تسمع كلمة انت مش مسؤؤل-وجبان-يبقى ايه الحال -تنصب تسرق-تبيع هدومك اللى هاتبقى من التوحيد والنور ولا العتبة-مش من كونكريت يعنى.

المشاركة الأصلية كتبت بواسطة i_am_legend

ماحدش قال ان الهروب من الزواج -يبقى جباااااااان-وماحدش قال ان الهروب من الزواج وبقى عديم المسؤلية-طيب صلوا جميعا على حضرة النبى عليه الصلاة والسلام-دلوقتى انت لقيت شغلانة اشتغلت قبضت المرتب التعبااااان-طيب ما اهوة بتشتغل اهو وبيطلع عينك ومتبهدل يعنى شايل مسؤلية مش متنح وبتعتمد على الاهل-بس مرتبك هو اللى هايخليك جباااااان -وخايف من المسؤلية.وكمان شغلانة اقل من إمكانياتاك-وبتتفحت وبيتمص دمك-علشان الملاليم-دلوقتى واحنا عزاب اى كلمة من أى مدير او اى ظلم مش بنسكت- ولو قفلت قوى وجت على كرامتنا-فى ستين الف داهية الشغلانة-وندور على غيرها -دة انا لو قعدت فى البيت اوفرلى -بنزين-واكل برا -وسجاير بزيادة لو بتدخن-لكن بعد الزواج!-لو قالولك اتشقلب على الحيط هاتتشقلب.ماتقدرش تقول لأابدا-هاتصرف منين عليها-هاتقعد جنبها فى البيت.احنا فى بلد منتهية الصلاحية -غير صالحة للاستخدام الأدمى-ياريت البنات والسيدات يشاركونا -يقولولنا رأيهم يمكن يبقى عندهم الحل.

كلام عين العقل وعلى فكره لما مديرك بيعرف انك شايل مسؤليه بيت بيحط عليك اكتر زى ما بيحصل مع ناس زمايلى فى الشغل انما لما بيعمل معايا حركه مش تمام بشوطه على طول والارزاق على الله
بس احنا لو فضلنا نفكر بالمبدا ده عمر ما الواحد حياخد خطوه للامام فى موضوع الجواز