أهلك هايساعدوك فى الشقةوالعفش.طيب هاتصرف منين بعد الزواج!مرتبك هايكفى؟انا قلقان.

**MOSTAFABASAL** · 09-09-2010 01:38 AM

المشاركة الأصلية كتبت بواسطة mr_vampire

احمد ربنا انك عندك شقة وهتلاقي اللي يساعدك. توكل علي الله ومحدش هيموت من الجوع ( غير فالصومال). وهتيجي برزقها ان شاء الله. وربنا اقسم انه في عون المقبل عالجواز. وبدليل انك تلاقي ناس بتقولك اول مافكرت اتجوز الرزق جالي معرفش منين.

حصل
يوم ما نويت اتجوز جالي فلوس من عيادتي ما شفتهاش لغايه دلوقتي تاني
كان ايامها عيادتي ممكن تعمل 2000 او 3000 بالكتير في الشهر و لما قلت يا جواز و بدأت ادبس نفسي لقيت الرقم نط ل 13 الف !!!!!
طبعا ما فضلش معايا منهم ولا سحتوت عشان هما جايين اصلا عارفين رايحين فين بس كله برزقه و ربنا ما بينساش حد

**MOSTAFABASAL** · 09-09-2010 01:41 AM

المشاركة الأصلية كتبت بواسطة soma_sooma

انا مش هقولك غير ان ربنا سبحانة وتعالى كاتبلك رزق هتاخدة هتاخدة ان شاء الله ومراتك ليها رزق ولو جبتو طفل ليه رزق بردة،،،

اهم حاجة انك تثق فى الله انة معاك ومش هيسيبك وهيرزقك برزقهم والله انا بشوف ناس كانت حاجة وبقت حاجة تانية خالص بعد الزواج وكلة عشان هم توكلو على الله وكلهم ايمان ان ربنا مش هيسيبهم

انا عارفةانكم مؤمنين بس ناقص حتة الثقة فى الله

ولا تيأس من رحمة الله ...:ob_mak1[1]:

+1111111111111111111111

**i_Am_Legend** · 09-09-2010 01:45 AM

صاحبى اهو كان معاه عربية قبل الجواز-باعها -إتجوز-ماستحملش -مراتة ولدت-المصاريف كترت-قعد عنداهلة مراتة اشتغلت-مانفعتش-علشان الطفل-بامبرز -ودواء ولبن -سجاير-واكل وشرب -مياه ونور -مصاريف شخصية برة الشغل-كروت شحن لشخصين-مصروفها هى لو حبت تشترى حاجة ليها-ما استحملش-شبح المشاكل -نزل-اه -شمعة أضأت.الحل فى السفر-سافر سنة السعودية ماعملش أى حاجة-والفلوس اللى بيبعتها يااادوب -رجع بخيبة الامل ليعمل سائق-بأحدى شركات المحمول -ومقضينها مراجيح-اسبوع فى البيت -اسبوع عند حماتة-اسبوع عند اهلة وماشية-بالدعم الفنى.

**hazoom2006** · 09-09-2010 02:02 AM

الفكره ان لما الواحد يبص للمستقبل ال.... فى البلد دى يخاف على بهدله اى حد معاه مراته او عياله المستقبل فى البلد دى غير مضمون

بس لما واحد يسلم النية لله ويقول يارب اكرمنى ربنا بيرزقة وبيساعده

بس برده لازم تكون مأمن نفسك كويس محدش ضامن الظروف

**Mody_Benz** · 09-09-2010 02:18 AM

والله يا جماعة انا متابع موضوعكوا بأهتمام اوى من الاول
لان الموضوع ده من المشاكل الاساسية فى الحياة
ويعتبر حياتك فى بيت بابى ومامى ديه حياة والحياة التانية خاااااالص اللى هيا الجواز
وطبعا ديه خطوة ربنا اوصانا بيها كلنا (الجواز)

وقال (صلى الله عليه وآله وسلم): من كان له ما يتزوج به فلم يتزوج فليس منا.
وكمان الرسول قال (تزوجوا النساء، فإنهن يأتين بالمال.)
وطبعا الحاله مقشفره والعملية فى الضياع ومفيش حاجة مكفية
لما هتيجى تحسبها بالسحتوت مش هتلاقى ليها مخرج
وطبعا
واديك لقيت العروسة يا سيدى اهو الحمدلله
بنت ناس طيبين كويسة وحنينة وهتحافظ عليك وعلى بيتك تمام
نيجى ندخل فى الاهم هقرا فاتحة والبس دبل واقول لاهل البنت على اللى فيها تمام وهما راضيين وكمان ممكن يساعدوك لو هيقدروا بعفش او اجهزة او اى حاجة تانية تمام
اهلك هيساعدوك باللى يقدروا عليه تمام
شغال مثلا هنقول ب 1000 جنية فى الشهر فى احته بنك او شركة او اى كان شغلانه شريفة واكيد ربع المرتب على السجائر سيبك منها بتدمر الصحة وهتاخد ربع فلوسك يبقى فكك منها وملهاش اى فايدة
حاول توفر اى حاجة بتستعملها ملهاش لازمة فى حياتك هتلاقي ربنا مرجعلك كل اللى وفرته تانى من اى رزق انتا فيه
والولاد والبنات اللى فى امريكا وبرضه فقرانين زيينا بيعملوا اية !؟
بيجيبوا عفش قديم لاى حد مستعمل وبيعيشوا عليه لحد مربنا يكرمهم ويجيبوا احسن
ومش لازم يا اخوانا نجيب حجات مش هنستعملها فى البيت يعنى اية هوا النيش مدام ملهوش لازمة وحجات كتير هتوفرها من فلوسك وهتقولوا مش المشكلة فى الحجات ديه المشكلة فى الكهرباء والميه ومصاريف والخ الخ ..ر
مهى الحجات ديه تتحسب كويس قبل الجواز
وخلى بالك طول ما البنت طيبة ومقدره كل حاجة وقلبها عليك فعلا هتلاقيها راضية بالقليل اوى
ولما تجيب عيل -العيل بيجى برزقه
يعنى انا اول ما جيت الدنيا وامى بتحكيلى ان نص ذهبها اتسرق قولت فى نفسى ده انا فقرى اوى
وربنا بيسهلها عليك طول ما ليك هدف
وهدفك انك تعيش مرتاح مع مراتك والمولود
وربنا بيرزق من حيث لا يشاء
متدققش اوى عشان متهيسش فى الاخر
وفى الاخر

جواز عتريس من غير "النيش" باطل

**medo_2060** · 09-09-2010 02:19 AM

الموضوع فعلا محير وكل الى فى الوضع دا اكيد بيفكر كتير اوى فيه.....
بس انا شايف الخلاصه وهى للاسف هتبقى كدا
كلنا متفقين ان ظروف البلد وحشه جدا وللاسوء دايما وكلنا متفقين اننا مش عايزين نأسس عائله نبقى فى يوم من الايام منقدرش نلبى طلباتهم.... طب والحل ايه الموضوع دا انا شايف انه مالوش اختيارات هو حل واحد تتجوز بظروفك الحاليه وان شاء الله ربنا يكرم.. لانك مهما تستنى مش هيجى جديد
الجديد الوحيد انك هتتقدم فى السن بس+انك ممكن عشان الانتظار تضيع فرصه الارتباط ببنت تستاهل....
انا الكلام دا انا نفسي بقوله ومش داخل دماغى 100% بس هو الحل المتاح وبمرور الوقت هنعرف كدا...
ربنا يوفق الجميع
وكل سنه وانتم طيبين

**maka** · 09-09-2010 03:07 AM

المشاركة الأصلية كتبت بواسطة hazoom2006

بس برده لازم تكون مأمن نفسك كويس محدش ضامن الظروف

مفيش امن فى البلد دى

انا علشان اامن نفسى بدون مساعدة من اهلى محتاج عمر تانى

**smsm_nabawy** · 09-09-2010 03:37 AM

سبحاان الله ،، شكلها ثورة تغير يا جماعة ،، الناس كلها بتفكر في نفس الحاجة في نفس الوقت ،، أنا لسة كاتب دلوقتي موضوع مشابه لده أوييييييي ،، من غلبي ، و غلب الناااس اللي حوليا ،،و غلب الشباب اللي بشوفهم ،،

والله حررام ...!!!!!

**smsm_nabawy** · 09-09-2010 04:26 AM

ربنا يكرمنا ،، آمييييييين

-

الموضوع: أهلك هايساعدوك فى الشقةوالعفش.طيب هاتصرف منين بعد الزواج!مرتبك هايكفى؟انا قلقان.

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

لما تقبض مرتبك بتعمل ايه

النتائج المترتبة على الزواج الثاني ردا على موضوع منافع الزواج الثاني

لسة بتاخد مساعدات مادية من أهلك؟

قسط السيارة كم % من مرتبك

الكلمات الدلالية لهذا الموضوع

المفضلات

المفضلات

ضوابط المشاركة