الموضوع: قطع غيار اصلىىىىىى للماروتى

انا صاحبي رحت مع سوزوكي سنتر كزا مره و كان تمام ف المعامله و ف قطع الغيار

روح مدينة السلام مليون محل هناك وفيه استيراد وجديد وكل اللي انت عايزه

المشاركة الأصلية كتبت بواسطة m7nsh

بص ال 400 ده رقم فلكى معتقدش حد جابه...

انا اقصى رقم جبته كان 370 و كان معناه انى بعمل 17.8 كيلو فى اللتر الواحد .. طبعا معدل ممتاز .. بس كانت ليه ظروفه .. كنت بسوق على الطريق فقط و مكانش فى زحمه و سواقه معتدله مفيش حرق نهائى ولا كبس و هكذا

القصد ان على حسب سواقتك و رجلك تقيله ولا خفيفه و بتمشى فى زحمه ولا طوالى و بتقرص ولا لأ .. ده كمان قفل الأزاز و فتحه بيفرق .. ايضا ضغط الكاوتش و ظبطه.. كل دى عوامل بتحدد استهلاكك
يعنى انا زى ما عملت 370 عملت 280 عشان كانت كلها فى البلد و زحمه و قرف

اتمنى تكون الفكره وصلتك

____________________________

باشا كلامك مظبوط ، انا كان مشاويري كلها المعادي - مدينة نصر - شبرا و الزاوية الحمرا -- يعني شكرا كده في الزاحمة علي طول و يبقي كده الاستهلاك معقول جدا علاشان هيا كمان مش حقن الكتروني ،،، ربنا يباركلنا الهابلي بابلي ,,, اصل انا بنتي مسمياها كده ( هابلي بابلي ) و مش بصراحه فاهم معناها ايه

و كل سنة و حضرتك طيب و كل الماروتيين بخير و سلام

رحت يا شباب لسوزوكى سنتر بس كل قطع الغيار موش اصلى..زى شارع دمشق بس الفرق انها ارخص ورغم ان قطع الغيار هندى انما موش اصلى والابعاد زفت وجودة الفانوس زبالة وطبعا هيتغير لونها فى الشمس لدرجة انى دورت على منفذ لبيع قطع الغيار المعتمدة ولقيته فى شارع المساحة فى المهندسين فى الدقىوقتل خلاص بئه فرجت!! بس ملقتشى عندهم الاصلى بتاع العربية ..انا كنت عاوز فانوس خلفى يمين لقيت عندهم شمال ب 150 جنيه وموش اصلى!!!!!! اعمل ايه طيب فرق رهيب بين الفانوسين وحتى الفانوس الهندى التعبان ده اللى جبته فيه فوارق بينه وبين الرفرف وموش نافع اساسا...والباغة كمان فكت لزئها بعد يوم فى الشمس!!!! طيب حد يدلنى اعمل ايه اجيب الفانوس الاصلى اللى بيبقى فيه كتابه على الاشارات فيه ده منين؟ هل ممكن الاقيه فى عزية شلبى ولو حتى مستعمل...لانه موش موجود حتى فى التوكيل؟"رضينا بالهم والهم مرضيش بينا"