الموضوع: قطع غيار اصلىىىىىى للماروتى

المشاركة الأصلية كتبت بواسطة ihabchina

من فترة وانا فى التوكيل سألتة على الفانوس الخلفى كان ب 175 جنية على فكرة
اصلى عندى كسر فى الباغة بسيط وقولت اغير الباغة قالى لا الفانوس كله فسألت علية انما مجبتوش طبعا هههه

بس حضرتك بئه الى ب175 جنيه ده فى التوكيل موش اصلى!!!!!!!!!!!!!!!!!!!!!!!!!!!!!!!!! لانى روحت هناك مخصوص وسألت وموش موجود واللى موجود اللى حضرتك بتقول عليه!!!! شوفت المهزلة؟

المشاركة الأصلية كتبت بواسطة hm414

ياعزيزي قلنالك عند رامي وهتلاقي عنده استيرااااد

اصلي مستعمل

واسعاره ارخص من اي حد


تحياتي

اخى العزيز رحت هناك وبرضه اللى موجود مش اصلى وللعلم موش معنى انه هندى انه يبقى اصلى برضه مضروب وابعاده مضروبة!!! وكل الكلام انه تدور ليه على فانوس اصلى مادام بيتكسر قلتله عشان ابعاده يظبط عليها السمكرى قالى وايه يعنى الاصلى تدور عليه فى المكنة...واتوصفلى برضه واحد جامد جدا اسمه محمد حسنى فى روض الفرج والكل عنده نفس الفانوس المشؤوم ده!!! شكرا لمساعدتك يا عزيزى

انل الفانوس الخلفى بتاع عربيتى 2007 اتكسر و روحت سوزوكى سنتر قال الموجود صنع الهندولكن ليس مثل الأصلى
و الأصلى موجود بالتوكيل ....وحاجه التوكيل هى مثل الموجوده بالعربيه اول مره

و سئلته عن الكوبلن كامل بالأكس ماروتى فقال موجود صنع الهند ب 700ج استيرادى انا و فواتير الأستيراد موجوده عندى
واللى فى شارع احمد حلمى بيجيبوا أكسات كوبلن قديم ويركبوا عليه الكبالن صنع الصين و ورانى الفرق بين الأثنين
واللى بيشوف فرق السعر مابيصدق نفسه و يروح مشترى وهو فرحان بالفرق رغم انه مجدد

اما بالنسبه للمرايات فى منها بالسوق 5 انواع يختلف من حيث نوع الزجاج و خامه البلاستيك ونوع قاعده المرايه بلاستيك او معدن كذلك تعطى ابعاد مثل الاصليه او زجاج عادى كمان

وفى ناس برضوا بتشترى المرايه الأرخص ويلاقى بعد كده ان القاعده بلاستيك بتبوظ بسرعه و فى منها رؤيتها وحشه اوىىىىى
وقالى فى الأخر العبره بالنوع و الجوده و ليس بالسعر

المشاركة الأصلية كتبت بواسطة aymanay32

شوفوا بقى انا اقولكم خلاصة المشاكل بتاعتكم دى عشان تريحوا نفسكم

كل واحد عاوز يركب فى عربيته اى قطعة تكون اصلية مش تقليد و مش مصنوعة فى الصين و عاوزها مصنوعة فى المصنع بتاع العربية او واحد يابانى عاملها بايدة و كاتب تليفون الموبايل بتاعة عليها و حاطط صورتهة كمان عليها و رقم بطاقته علشان تطمئن

انا معاكم الكلام دة جميل و كويس و حلو خالص و ياريت يتحقق فى كل حاجة
بس كونكم مش مدركين انكم عايشين فى مصر و اغلب الحاجة صينى او مضروب
فهذا ينقلنا الى شىء اخر و هو انكم لما تركبوا حاجة من اساسيات العربية اللى بتخليها تمشى و تؤثر على خطورة العربية فى الطريق لازم تكون اصلى هندى او يابانى او مفكوكة من عربية تانية زى الدينامو و الريداتير و البوبينة و ...الخ

اما الحاجات الخارجية اللى ممكن تتغير كل يوم زى الفوانيس و الاكصدام و الكماليات دى فممكن تجيب ارخص حاجة
انا مثلا عندى الفانوس الصغير بتاع النور الكورنر اللمبه اللى فيه فكت و معرفتش اركبها مظبوط فساحت فى الفانوس من جوه
سيبته من غير نور و مشيت بالعربية عادى باعتبار ان عساكر المرور ميعرفوش ان الفانوس دة بتاع النور الصغير و كل اللى يعرفوه انه فى العربيات كلها بتاع الاشارات
و تركت العربية اللى ان حصلت الحادثة و اتكسر الفانوس اللى زيه فى الشمال
و لما جابتنى رجلى فى احمد حلمى عشان اشترى جوان وش سلندر قلت اشترى الفانوس
قمت قولت له عاوز وش الفانوس قاللى ب5 جنية و السيلكون ب3 جنية يعنى 8 جنية ما تاخد الفانوس كله باللمبة ب 10 جنية قولت له ماشى و اشتريته من غير ما اسال دة اصلى و لا صينى و لا مصرى و لا يابانى لانى فى الحقيقة عارف ان مفيش اى قطعة ممكن حد يشتريها فى مصر و مكتوب عليها يابنى و محفورة حتى فى الحديد و هيه يابانى الا فى الهوندا فقط و باقى العربيات بتبقى حاجات شكلية لزوم تنشيط المبيعات لاننا فى مصر مفيش مستورد متخلف عقليا فى ظل السوق دة هيفكر فى الحلم حتى انه يروح يستورد من اليابان طالما الصين هتطبع له صنع فى اليابان يتعب نفسة ليه و يكلف نفسة فلوس زيادة ليه
طالما الصين هتعملهاله بجودة اكثر شوية من الجودة السيئة و تعمر معاه شوية زيادة عن اللى مكتوب عليها صنع فى الصين
انا كنت فى السودان و كان المستوردين بيطلبوا من الصين تحفر لهم على الحاجة صنع فى اليابان و المانيا و امريكا

حضرتك المفروض تكون عندى حرية الاختيار انى اجيب اصلى او مضروب واغلب الناس زى رأى حضرتك موش مهم الاصلى فى الحاجات الخارجية..انما ده ميمنعشى ان فى واحد نفسه يخلى العربية زى الاول ماهو نفس الفكرة اجيب عربية زيرو ولا مستعملة!!!!مع انها نفس العربية!!! انته حضرتك مرتاح كدة بالفانوس اللى انته جبته انما واحد تانى موش مرتاح والمفروض ان التوكيل بتاع العربية يبقى فيه الاصلى عشان كدة قلنا اصلى ومضروب ويبقى انا بعد كدة اختار حسب امكانياتى او اقتناعى والمشكلة يا اخى العزيز ان الفانوس اللى موجود هندى!!ومحدش جاب سيرة الصينىىى خالص بس برضه مضروب يبقى ايه ابئه؟ ولما تروح التوكيل يقولك مفيش اصلى انما اللى موجود مضروب وب 150 جنيه؟ يبقى ايه بئه؟ ...حضرتك فهمتنى؟ان شالله يكون كل فى السوق كوالالامبورى بس ابقى عارف ويبقى عندى كذا خامة اختار منها اللى يناسبنى..والمفروض التوكيل كمان يكون فيه؟ بس طلع التوكيل كمان زى حضرتك ما بتقول مجنون لما يفكر يجيب الاصلى انما بيبيع المضروب كمان!!! وعلى فكرة انا مدرك انى فى مصر وعشان كدة بدور هنا وهنا موش بينضحك عليا لما يتقالى ان قطع الغيار دى هندى وعلى فكرة موش معنى ان القطعة صينى تبقى زبالة...الزبالة فى المستورد اللى بيروح هناك ويجيب ازبل حاجة وييستغل عقلية الناس اللى هنا ..الشكل وبس..عاوز حضرتك تلاقى الجودة فى اى منتج صينى؟ روح راديو شاك هو ده الصينى اللى بيبقى على حق لان ردايو شاك ده ترانزيت قبل امريكا اللى موش بتقبل بالتهريج اللى هنا... وعلى فكرة عن نفسى انا موش عاوز صورة الراجل اليابانى ورقم تليفونه انا عاوز عليه صورة فيل وهودج وموش مهم رقم الموبايل كفاية رقم الفيل..عشان قطع غيار السيارة هندى موش يابانى

السلام عليكم
انا معايا ماروتى 2009 و كنت عايز اعرف فلتر البنزيين المفرووض بيتغير كل اد اية علما بانى بفولها 80 مش 90 افيدونى الله يخليكو