الموضوع: خاص بالشباب بلأسكندراااااااانية !!!

العضو باور دخل بحسن نية وقال كلام فعلا ضايق ناس من اللى شافته واقسم بالله انا واحد من الناس قرات اول مشاركة اتعملت في الموضوع وبعدها مشاركة باور اتضايقت جدا منها لانى فهمتها بالمعني العام وده اللى حصل من شنوري دخل فهمها بالمعني العام وبالتالي زعل وكتب مشاركته ولكن لما وجد ان فيه حدة فيها عدلها وحذف جملة منها والادارة وقعت عقوبة على باور وبعدين اترفعت
1- باور كلامك كان له اكثر من معني ولا تطلب من الاخرين ان يفهموا المعني الذي تريده اذا لم يكن كلامك محددا وواضحا
2- الادارة كعادتها دائما على الحياد بين الجميع ولا تحابي احد على حساب الاخر
3- باقي الاخوة اللي دخلوا وكلهم غلطوا شنوري ومحدش منهم انتبه ان شنوري يعتبر هو المنسق لكل مقابلات اسكندرية سواء للاسكندرانية او للمنتدي كله
لما يجي عضو جديد ويوصف كل مقابلات اسكندرية انها فاشلة واضح جدا ان المقصود بها هنا هو شنوري
متهيالي كدة وضح سبب غضب شنوري

المشاركة الأصلية كتبت بواسطة mido777

احنا بنكتب على كى بورد من غير مانشوف انطباعات بعض
لما العضو الفاضل power كتب الجملة سبب المشكلة انا كأسكندرانى شوفتها زى ما شنورى شافها
لكن لما العضو الفاضل power وضًح وجهة نظره صدقته

وللتذكره كل واحد فينا بينظم مقابلة او بيكتب موضوع او بيضيف رد فده تتطوع منه ويشكر عليه

وخلى بالك يا شنو انت أدائك مش عاجبنى اليومين دول بقالنا 10 ايام معملناش مقابلة فى المقر الرسمى :)

[overline]حضرتك مختلفتش معايا في حاجة على ما اعتقد يا ميدو
انت اول ما شفت المشاركة ضايقتك صح ولا لا ؟ ولما شنوري كتب مشاركته كان متضايق من المشاركة وهو نفسه عرف انه اتسرع وعلشان كدة عدل مشاركته في مدة العشر دقايق
لما يجي الناس تتلكك لشنوري ويمسكوا في كلمته اللى هو نفسه حذفها ومحدش منهم يغلط العضو اللى كتب جملة غامضة تفسر بمعني حسن كما فسرها هو بعد ذلك او بمعني سيئ كما فهمها شنوري وفهمتها انا وفهمته انت يبقي شنوري لما اتضايق كان ليه حق ليه كل الناس هنا مغلطين شنوري ؟؟؟؟؟ ومحدش منهم قال لباور كان المفروض توضح تقصد ايه بكلامك
وواحد تانى يقول انا مستعد احلف ان شنوري كتب الجملة اللى عدلها ويشرفني الايقاف بسبب رفضي لكلام شنوري ايه الكلام الكبير اوي ده وعلى ايه اصلا يا اخي شنوري غلط في المشاركة اللى واض ان محدش شافها غير شنوري نفسه وانت متعملش عليها حرب وشكاوي من باب اولي كنت لمت باور الاول قبل ما تلوم شنوري

ومرة تانية بالنسبة لاي عضو هنا ممكن الكلمة تضايقه او لا هو حر لكن بالنسبة لشنوري اكيد لازم تضايقه لانه هو اساس مقابلات اسكندرية في المنتدي هنا ولما توصف المقابلات او كل ما يتعلق باسكندرية بالفشل يبقي هو نفسه اللى بيوصف بالفشل ومتهيالي مش هقول ايه المجهود اللى بيبذله علشان ينجح كل المقابلات سواء قبل او بعد المقابلة وكفاية دوخته هو ودكتور بحري في تنضيف الشاليه بعد اخر مقابلة للمنتدي في اسكندرية يبقي على الاقل نعذره في انه اخد على خاطره من المشاركة مش نقلبها حرب عليه وعلى الادارة لو موقفتهوش هو كمان ناسيين ان ادارة نايل موتورز لا بتتهدد ولا بتفرق بين عضو من امبارح وعضو مؤسس


اما ان اي مشاركة هنا فتطوعية ففعلا كلنا بنقعد على النت ونكتب هنا لاننا حبينا المكان ولا يمكن كنا هنحبه لاا لان فيه اعضاء زي ممدوح دايو وايمن بروتون وياقوت نابستر والعقيد خالد وشنوري وغيرهم كتير من الاعضاء اللى مش بيكتفوا انهم بيكتبوا كلمتين على النت وينتقدوا بالعكس بيفيدوا الناس ويعرفوهم ويساعدوهم كمان يبقي اقل حاجة نقولهم شكرا مش نقولهم يا فاشلين


اما شنوري فعندك حق يا ميدو هو فعلا شكله مش مظبوط فيه حاجة مأثرة عليه مشاركاته مش زي مشاركات شنوري اللى نعرفه

وايه حكاية المقر الرسمي ده يا ميدو انت وشنوري انتم بتعملوا ايه بالظبط شكلي هطب عليكم في اسكندرية في اسرع وقت
[/overline]