الموضوع: تعديل سيريونتي

المشاركة الأصلية كتبت بواسطة أبو عبدالله

شريف
فيه مواسير داخله بالفريون البارد وفيه مواسير خارجه بالفريون وهو ساخن للسربنتينه الخارجيه

عل كل انا حاسس ان فيه شئ غلط
لأن صانعي السيارات كلهم بيعملوها كده ولو فيها مصلحة مش هتكلفهم مترين خرطوم فيبر على الحتت اللي مش متغطية خصوصا ان فيه اجزاء متغطيه واجزاء لأ
فاكيد الموضوع له تفسير

وعلى كل تشكر شكر كبير على المجهود والموضوع بجد يا شريف

اه منا عارف يبو عبد الله ان في مواسير للسخن مكتوب عليها حرف H
وممواسير البارد مكتوب عليها حرف (L

ابو عبد الله انت هتقلقني ليه بس من الحوار
عموما والله انا سألت واحد بتاع تبيريد وتكييف بتاع كله (تلاجات مكيفات وعربيات) قالي ان كده احسن 100 مره واريح للكومبريسور كمان
وبعدين بالنسبه يا ابو عبد الله ليه معمولوش عليها عزل في حاجات كتيير الواحد برده بيقعد يقول هما ليه معملوش كذا وليه معملوش كذا عموما
انا معملتش الموضوع ده من دماغي انا لقيت الاخوه في تويوتا مجربينه في الياريس (اعتقد انها بنت خالت السريون) وكلهم مبسوطين منها وكمان قبل ما اعملها سألت واحد تبريد وبرده قالي فكره جامده
وبصراحه لحد الان شايف انها تجربه ممتازه (ربنا يكملها بالستر ) انا لسه راجه من بره حالا من مشوار حرق على العربيه (اصلي مركب الفلتر الاسبور اليومين دول وعينك ماتشوف الا النور صوته مغررري )المهم يعني كنت بجري وحارق جامد على العربيه ومرضتش اشغل التكييف وانا على الطريق لا استنيت اول مادخلت البلد وروحت مشغل التكييف وانا ماشي براحه خالص (20 30 بالكتير ) عايز اقول اني اول مره بجد احس اني متللللللللللللج وبرداااان وحطيت ايدي شويه قدام الفتحه الشمال بتاعت التكييف حسيت ان صوابعي وجعاني مع ان انا اصلا قاعد ليل نهار في التكييف في البيت يعني متعود على البرد بس بجد اول مره احس بأداء التكييف حلو كده واقول اني بردان منه
عموما طبعا انا عملت الموضوع عشان نتشارك في الرأي وبرده ياباشا لو عرفت تعدي على النايل موتورز بتاع ماليزيا او اليابان وتشوف لنا الشباب هناك رأيه ايه مفيش مشكله