اختيار صيانة صعب عد التوكيل ولا برة التوكيل

**aymanmaly** · 11-09-2010 02:42 PM

اختيار مكان الصيانة صعب
فانا عربيتى ضمانها هايخلص الشهر القادم يعنى هاخلص ال 3 سنوات
و خلال الفترة السابقة كنت ملتزم جدا فى صيانة كل 5 الاف فى التوكيل
و طبعا الميزة الكبيرة بالنسبى لى ان فية حد بيقول لى على اية توقيتات تغير قطع الغيار مثلا صيانة ال 55 الف المفروض نغير اية ( طبعا برة التوكيل مافيش حد هايفكرنى )
بجانب التزامى بعمل الصيانة الدورية زى ما الكتالوج بيقول و دة مخلى العربية دائما فى حالة جيدة ( لو عملت برة التوكيل هاكسل )
طيب اعمل اية
اكمل الصيانة فى التوكيل كل 5000
اخلى الصيانة كل 10000 فى التوكيل
التزم مع حد يعملى الصيانة كل 5000 خارج التوكيل ( طيب هايكون فى نفس مستوى التوكيل؟ )
ارجو ان تساعدونى فى القرار لو كنتم مكانى هاتعملو اية

**احمد عز** · 11-09-2010 03:16 PM

والله انا افضل انك تكمل فى التوكيل علشان حاجه واحده بس لو فيها اى حاجه حتتعمل فى مكان واحد مش زى بره لمى يكون فى حاجه الميكانيكى يقلك ده الكهربائى والكهربائى تقولك بتاع العفشر وتلف حولين نفسك كده طبعا ده لو فى امكانيه انك تعمل كده ولو مفيش يبقى شوف حد كويس تعمل عنده الصيانه وطبعا بصفه دهوريه علشان تحافظ على العربيه وربنا يباركلك فيها

**eng_ahmedryad** · 11-09-2010 03:45 PM

فيه مراكز صيانة معتمدة بتعمل نفس اللي بيعمله التوكيل وغالبا بسعر أقل شوية

وبيكون عندهم نفس الجدول اللي التوكيل بيمشي عليه

ولو من القاهرة فيه مركز اسمه أخوان مقار الزملاء هنا بيشكروا فيه أوي عن التوكيل كمان

وفيه مراكز تانية كتير ممكن الزملاء يقولولك عليها

**aymanmaly** · 11-09-2010 05:42 PM

شكرا جزيلا للتجاوب
انا مع العشرة الطويلة مع منصور
عارف جميع المراكز المعتمدة لية من مقار لاتوماستر الخ......
و اعرف كمان مراكز جيد بتاع مهندس كان بيشتغل فى منصور و عندة كل التجهيزات
بس الفكرة اسيب منصور مع العشرة ولا اخلينى معاة
لانى متخوف من المركز مهما كان جيد و حافظ العربية هايكون زى صيانة الوكيل ولا لأ ؟

**Gabrial** · 11-09-2010 06:05 PM

المشاركة الأصلية كتبت بواسطة aymanmaly

شكرا جزيلا للتجاوب
انا مع العشرة الطويلة مع منصور
عارف جميع المراكز المعتمدة لية من مقار لاتوماستر الخ......
و اعرف كمان مراكز جيد بتاع مهندس كان بيشتغل فى منصور و عندة كل التجهيزات
بس الفكرة اسيب منصور مع العشرة ولا اخلينى معاة
لانى متخوف من المركز مهما كان جيد و حافظ العربية هايكون زى صيانة الوكيل ولا لأ ؟

بعد إذنك يا أستاذ أيمن و أسف للتدخل في الموضوع من واقع خبرتك في التعامل مع منصور إيه أفضل فرع من فروع منصور و أفضل مركز معتمد بس يكون شغال في اوبل .

**aymanmaly** · 11-09-2010 06:15 PM

المشاركة الأصلية كتبت بواسطة gabrial

بعد إذنك يا أستاذ أيمن و أسف للتدخل في الموضوع من واقع خبرتك في التعامل مع منصور إيه أفضل فرع من فروع منصور و أفضل مركز معتمد بس يكون شغال في اوبل .

فرع منصور التجمع الخامس
انت عارف انى رخم جدا مع الوكيل
بس انا بقالى فترة طويلةمع فرع التجمع و فعلا مرتاح جدا هناك و كفاية انى واقف جنب عربيتى و هى بيتعملها صيانة
اما عن افضل مركز معتمد انا جربت فقط اتو ماستر بس مش بستريح هناك لانك مش بتكون جنب العربية و انا فاقد الثقة تماما فى اى حد فى هذا المجال فصعب انى اسيب العربية و مابقاش شايف الى بيحصل
و بالتوفيق

**Gabrial** · 11-09-2010 06:18 PM

المشاركة الأصلية كتبت بواسطة aymanmaly

فرع منصور التجمع الخامس
انت عارف انى رخم جدا مع الوكيل
بس انا بقالى فترة طويلةمع فرع التجمع و فعلا مرتاح جدا هناك و كفاية انى واقف جنب عربيتى و هى بيتعملها صيانة
اما عن افضل مركز معتمد انا جربت فقط اتو ماستر بس مش بستريح هناك لانك مش بتكون جنب العربية و انا فاقد الثقة تماما فى اى حد فى هذا المجال فصعب انى اسيب العربية و مابقاش شايف الى بيحصل
و بالتوفيق

شكراً جزيلاً يا أيمن بك على اهتمامك .

**zeznia** · 11-09-2010 07:31 PM

ممكن اقترح عليك اقتراح
وحضرتك رايح الصيانه الاخيره دي حاول تسال عن اسعار مابعد الضمان وتقارن بالاسعار اللي بره
وطالما انت شايف انهم ماكانوش بيقصروا في تغيراي جزء محتاج لتغير وبتثق في كفاءتهم شوف ده يبقي تمنه ايه عندك
غير كده المراكز اللي عندها جداول الصيانه كتير وانت ادري بيها مني والقرار قرارك ياعمده
الا هو الضمان كان قد يه
وضمان الكروز بيبقي قد ايه
وبالتوفيق

**aymanmaly** · 12-09-2010 03:12 AM

المشاركة الأصلية كتبت بواسطة zeznia

ممكن اقترح عليك اقتراح
وحضرتك رايح الصيانه الاخيره دي حاول تسال عن اسعار مابعد الضمان وتقارن بالاسعار اللي بره
وطالما انت شايف انهم ماكانوش بيقصروا في تغيراي جزء محتاج لتغير وبتثق في كفاءتهم شوف ده يبقي تمنه ايه عندك
غير كده المراكز اللي عندها جداول الصيانه كتير وانت ادري بيها مني والقرار قرارك ياعمده
الا هو الضمان كان قد يه
وضمان الكروز بيبقي قد ايه
وبالتوفيق

انا كان ضمانى 60 الف او ثلاث سنوات ومع مشاكلى مع الوكيل اعطونى ضمان خطء 100 الف او ثلاث سنوات
و طبعا مع المشاكل اصريت على الضمان 100 الف و جهاز حماية المستهلك حكم لى بالضمان 100 الف
بس الثلاث سنوات تخلص اول شهر اكتوبر يعنى بعد حوالى 20 يوم
و انا كنت عندهم من حوالى 10 ايام و عملت صيانة ال 75 الف و الاسعار لا تختلف من الضمان او من غير ضمان
هى الفكرة كمان مش تكلفة صيانة بس المشكلة فى قطع الغيار انت ممكن تجيب الاصلى من الموزعين المعتمدين باقل من سعر منصور
مثال البطارية لما سئلت عليها عند منصور قالوا لى 600ج لاقيت نفس نوع البطرية و الضمان ضمان منصور ب
300 ج هى دى الفكرة ( على فكرة هم غيرولى البطارية من حوالى شهرين مجانا معرفش لية )

**abou-yahia** · 13-09-2010 09:27 AM

سياده لعميد
طيب معلش
ايه فايده التوكيل واسعاره الغاليه من غير ضمان
طيب هل ممكن تشتري ضمان للعربيه
ايوه بس ده طبعا مش مع الوكيل
انا كنت سالت قبل كده علي امكانيه الاستفاده من عرص تكنو وان لصيانه الكيا لخليجي ورد عليا بالايجاب وده بعد فحص العربيه
انا شاايف ان الحل ده ظريف
مركز مشهود ليه بيعمل صيانه لعربيات حديثه وناس كتير مرتاحه معاه
وحيدينا ضمان
يبقه فاضل ايه تاني
اسم منصور اعتقد حضرتك عارف ان البعد عنه احسن منه كفايه وجع القلب والماهده عشان تعمل الحاجه .
انا والله ناوي علي الحل ده بس لما ارجع من الحج وخصوصا ان انا مش ناوي اغير العربيه قبل سنتين .
اللي انا بعمله اني بغير الزيوت في البنزينه , الفلاتر وتربيط العفشه عند لميكانيكي بتاعي , كذلك مشاكل الاضائه عند الكهربائي عادي وده كله لما بحتاج اشتري حاجه بشتريها يا اما من التوكيل مباشره او من بره اصلي وفيه حاجات انا ارتحتلها ذي التيل جبته مش الاصلي وشايفه ممتاز جدا .
انا دلوقتي عامل 80000 ولسه الصيانه الكبيره عليها شويه بس لو كنت اضطريت اعمله بصراحه كننت رحت التوكيل علي طول لاكن مع مركز محترم حتابع معاه ويديني كمان ضمان اعتقد اني حيكون بالي بنسبه كبيره مرتاح .
ربنا ان شاء الله يوفقك ويبصرك بالخير .

الموضوع: اختيار صيانة صعب عد التوكيل ولا برة التوكيل

LinkBack

أدوات الموضوع

عرض

-

-

-

-

المواضيع المتشابهه

اسعار قطع غيار Elantra من 2007 الى 2011 داخل التوكيل وخارج التوكيل

أعمل صيانة ال 10 الآف للنيو ألنترا في التوكيل ولا برة التوكيل

ينفع اغير علبة الشكمان الوسطى بره التوكيل..سعررها فى التوكيل نارر

الى عايز يعمل صيانة لعربيته بره التوكيل وبكفاءة التوكيل وأحسن

ظلمت التوكيل ! اعادة تفكير في صيانة 40 الف في التوكيل - ايه رايكم ؟

الكلمات الدلالية لهذا الموضوع

المفضلات

المفضلات

ضوابط المشاركة