الموضوع: انا عايزة اتجوز واجيب بيبى واطلق!!!!!!!!!!!!!

المشاركة الأصلية كتبت بواسطة shnory

يعني ايه ؟؟؟؟؟؟؟؟؟؟؟؟؟؟؟

حضراتكم ليه مبينين ان الست الي بتخدم جوزها وبيتها
كانها بتخدمه من باب العطف او بمزاجها

مش عارف ليه فكرتوني بنكته ام السيد

يعني فكرة انه معسر دي خاصة بالمرأة اللي من بيت فيه خدم لأن الأراء بتقول ان دي لازم جوزها يجيب لها خدم الا لو كان معسر و ميقدرش. ده مالوش دعوة بعدم وجوب خدمتها لزوجها و انها لو عملت ده من باب الفضل مش الواجب. يعني كمان انها من حقها كأضعف الايمان انه يساعدها في بعض الأعمال مش يتأمر عليها و يبقى مش عاجبه حاجة زي ما تكون جارية.

و مش احنا اللي مبينين ان اللي بتخدم في بيتها ده من باب الفضل ده رأي شرعي الأخت ازميرالدا و الدكتور محمد نقلوا الاراء فيه. و الحقيقة نكتة أم السيد دي عجبتني قوي عشان فعلا أبلغ رد على الي بيقولوا ان الزوجة المصرية مفترية.

و بعدين يا سيدي مين قالك اني مش عايزة الست تخدم جوزها؟؟ و الله العظيم لو الزوج و الزوجة بيحبوا بعض و بيعاملوا بعض بالحسنى عمرها ما حتتحسب حقي و حقك. يعني أنا ربنا اللي يعلم لو جوزي لقيته بيحاول يعمل لنفسه كباية شاي, بقوم جري عشان أعملهاله أنا. و هو كمان ربنا يكرمه عارفة انه بيراعيني في حاجات كتير قوي مش وقتها هنا.

للمرة الألف الجواز مش خناقة و لا مسابقة مين يقدر ياخد من التاني اكبر قدر ممكن من غير ما يدي حاجة في المقابل. الجواز عشرة طيبة و واحد أو واحدة تشاركوا بعض حياتكوا عالحلوة و المرة.

ده ربنا سبحانه و تعالى بيقول "وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً". لو مفيش مودة و رحمة عمر ما حيبقى فيه سكن و لا استقرار و لا سعادة.

هو ممكن يكون راي بعض الفقهاء ان خدمة الزوجة للزوج مش واجبة لكن في آراء تانية - على قلتها - بتقول ان خدمة الزوج واجبة ، والرأي الفصل هنا لسيدنا محمد صلى الله علية وسلم لانه حكم على إبنته - وهي من هي- بالعمل داخل المنزل على صعوبته ( من 1400 سنه كانت الحبوب بتتطحن على الرحايا و المياة بتتنقل من البير لحد البيت ده غير مراعاة الدواب في المنزل كالغنم والخيل وغيرها ) ، إنما النهارده الست يا عيني عايزة تتفضل على الراجل بإنها حطت الغسيل في الغسالة الفول اوتوماتك وشغلت برنامج الغسيل او مثلا لمت شوية تراب على السجادة بالمكنسة الكهرباء ، بالتالي كل زمن له ظروفه و الزواج علاقة ما ينفعش طرف فيها يتفضل على الطرف التاني و إلا بلاش منه احسن.

تحياتي.

المشاركة الأصلية كتبت بواسطة shnory

طيب يا جماعه دلوقتي لما خدمه الزوج مش فرض علي الزوجه
وامال هي ايه لزمتها في البيت؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟
يعني انا يوم ما اتشملل واتجوز
حتجوز ليه ؟؟؟؟
علشان اعيش مع واحده بتمن عليا بخدمتي ؟
واصرف عليها وعلي عيالها طول العمر واخدم نفسي كمان ؟؟؟؟؟؟؟
يعني انا اتعب بره البيت وجواه علشان الهانم ترضي عني وتقوم تغسلي شراباتي مثلا ؟؟؟؟؟؟؟؟؟؟
بجد الموضوع ده افور اوي
والافكار دي لو مشيت في مجتمعنا
يبقي الي عاوزه تتجوز وتجيب بيبي وتتطلق اكرم من اللي عاوزه تتجوز وتخلف قرطه عيال
ومتخدمش جوزها
نسبه البنات للرجاله وصلت ل 9:1
يا ريت الناس تفوق وكفايه بقي

نقول تور يقولوا احلبوه!!!!!!!!

الكلام الاوفر ده مش مألفينوا ده شرع ربنا و الناس جابت لكوا الأراء كلها. و رغم كدة لا بيتنفذ و لا أحنا طلبنا انه يتنفذ بس كل واحد مش بيقرا غير اللي على مزاجه. يعني انا بقول لحضرتك مودة و رحمة و تعاون بين الزوجين تقوللي أمال هي لزمتها ايه في البيت!!!!!!!!!!!!!!!!!!!!

و اللي عايزة تتجوز و تجيب بيبي و تطلق دي عشان مش لاقية اللي يملا عينها و يخليها تتمنى تبقى مراته.

و الحقيقة ان نسبة 1:9 اللي حضرتك بتقولها دي مش حقيقية اطلاقا. يمكن في المستقبل عدد الذكور يزيد عن الاناث انما أخر تعداد سكاني في مصر سنة 2009 بيقول الأتي:

"كشف تقرير للجهاز المركزى للتعبئة العامة والإحصاء صدر أمس الثلاثاء أن عدد الشباب فى مصر فى الفئة العمرية من (18-35) عاما بلغ حوالى 3ر24 مليون نسمة بما يمثل 5ر33% من إجمالى السكان ولذا تعتبر مصر من المجتمعات الفتية وتتساوى أعداد الذكور والإناث تقريبا فى هذه الفئة العمرية حيث يبلغ عدد الذكور 2ر12 مليون نسمة فى مقابل 1ر12 مليون نسمة من الإناث."

و بعدين على فكرة مفيش بنت مبتتجوزش عشان محدش بيتقدملها, انما غالبا اللي مابتتجوزش دي بيبقى لأن اللي بيتقدموا أغلبهم لا يصلح.

من الأخر البنات مش بتتجوز مش عشان مش لاقيين عرسان, انما عشان مش لاقيين رجالة

المشاركة الأصلية كتبت بواسطة donzi

واضح ان الرجالة مصممين يفهمو اللي هما عاوزين يفهموه و بس

مع ان الكلام واضح جدا و مش محتاج تفسير ان كل اللي احنا بنقولو مودة و رحمة و كلمة شكر بسيطة

ولا بقى الست بتمن على جوزها بشغل البيت ولا اي حاجة من دي ، هما بيتجوزو علشان يزلو بعض ؟؟ هو بالفلوس اللي بيصرفها عليها و هي بشغل البيت اللي بتعمله !!!!!؟

لان ببساطة هو كان ممكن يفضل في بيت اهلة و يشتغل و يصرف كل فلوسه على نفسه و اهي والدته بتخدموا و هي كمان كان ممكن تفضل معززة مكرمة مدلعة مبتعملش حاجة و برضو بيتصرف عليها ولا بقى هو يصرف فلوسه على حد و لا هي تشيل مسئولية بيت

انما هما الاتنين بيتجوزو علشان يكون في بينهم حب و عشرة و مودة و رحمة و سكن مش حرب و حقي و حقك

.

يا بنتي الطيبون للطيبات. اللي عايزها حرب ده عمره ما حيتهنى ابدا.

المشاركة الأصلية كتبت بواسطة hh

من الأخر البنات مش بتتجوز مش عشان مش لاقيين عرسان, انما عشان مش لاقيين رجالة

جمله غريبة جدااااااااا وما اعتقدش ان عدم القدرة على إقناع الغير يديكي الحق انك تقولي جمله زي دي.