الموضوع: عايزة اتجوز---------------------(3)--------النقد

__________________________________________________ __________________________________________________ ____________


(!)اكتر حاجة تتضايق الصورة الفظيعة اللى مطلعين فيها البنات اللى لسه متجوزوش


حقد غير طبيعى وغل ومفيش واحدة حتى كويسة
مع ان اعرف مجموعة بنات بيبعتوا لبعض عرسان
اشرح الفكرة:
واحدة مش عايزة تسافر ومعرفة رشحت لها واحد كويس ومسافر تقول لها على صاحبتها وتشكر لها فيها
ماهو كده كده هيتجوز تبقى صاحبتها اولى

واحدة اترشح لها واحد اصغر منها ترشح صاحبتها المناسبة له وبنيه صافية
وهكذا
ايه المشكلة مالناس بتتجوز كل يوم جت على صاحبتها وزميلتها يعنى
ماتعمل خير
ده حتى اللى بيكره النعمة عند حد النعمة بتكره تروح له


والأسوأ ان ده ينطبع فى عقل الناس فعلا

مع ان الحسد فى الحقيقة لا يستلزم ان يكون الحاسد فاقد النعمة بل احيانا الأفضل والأغنى منك يطلق عليك اشعته السامة القاتلة لمرض نفسى داخله يجعله يكره الخير للناس

وعلى رأى المثل الكحكة فى ايد اليتيم عجبة

وقد يكون شخص لا يملك الشىء لكن ربنا سبحانه وتعالى جعله سليم الصدر يتمنى الخير للآخرين ولا يتمنى زوال النعمة منهم

واحدة اعرفها مطلقة واعرف انها سعت فى زواج اكتر من نص زمايلها فى الشغل
واى حد بيفكر ينفصل بتروح تتكلم معاه وتنصحه وتضطر تحكى له عن حياتها الشخصية عشان ترجعه عن اللى فى دماغه

وواحدة تانية عدت الأربعين ومتجوزتش وعاملة خاطبة وبتقول مش عايزة حد يحس باللى هى حاسة بيه ولا يحصل له زيها


ولازم كل انسان يقاوم نفسه لو حس انه هيحسد غيره فى اى نعمة ويدعو دايما "اللهم اسلل سخيمة صدرى "وده يشمل الزواج او غيره وعامة الشخص بيبقى شايف جزء من الحقيقة بس

زى عربية حلوة لكن مش شايف ان ده بيدفع اقساطها كل شهر ومزنوق ازاى وده مسبب له معاناة هو شايف الحلو بس


=========
الأسوأ بقى لما ده يكون بين القرايب وتتقطع ارحام بسببه
وفى المسلسل مطلعين بنت خالتها مخبية عليها خطوبتها 8 شهور خوفا من الحسد لأنها فعلا عينها وحشة يا سلام حركات بلدى

















وممكن تبقى حجتهم اصل مش عايزين نجرح مشاعرها

بطلوا استعباط اللى يجرح مشاعرها فعلا انكو تخبوا عليها

ولا من الحب ما قتل













ومطلعينها هى ومامتها كل ما يسمعوا زغاريط ينهاروا ونفسهم يبوظوا جوازات الناس
__________________________________________________ _______________________



(2)لما حاولت تقضى وقت فراغها فى حاجة مفيدة المسلسل وصلها لمنتهى الفشل سواء لما راحت ملجأ او دار مسنين او تعاملت مع اطفال الشوارع
ليه كده؟


مفروض اى بنت تستغل السنين اللى ممكن تضيع منها من ساعة التخرج لحد ماتلاقى ابن الحلال
ده ان قابلته
محدش عارف هيضيع منها سنتين اربعة عشرة
مينفعش تقعد حطة ايدها على خدها لما يضيعوا وبعدين تبص وراها تشوفهم كام


تخلى عندها امل
هى ان شاء الله هتلاقيه
هو راح رحلة لزحل وزمانه جاى طب اطفال المستقبل دول هتربيهم ازاى؟














طب وليه الكلام الخيبان بتاع اما يبقوا يجوا ماهى مش هيبقى عندها وقت ساعتها لا تقرأ عن تربية الطفل ولا نفسيته مثلا

طب ما تتعلمى الطبيخ وتدبير المنزل لو حتى سياحة وفنادق












غير متزوجات ....لكن سعيدات - منتديات مكتبة المسجد النبوي الشريف






طب اعمال يدوية كروشيه تطريز تريكو خياطة
تنسيق الزهور والديكور
دورات الكمبيوتر اللغات
الرحلات
طب اى فنون رسم على الزجاج...........
طب قراءة
دراسات عليا
رياضة:سباحة.........
طب فى معاهد بتعلمك تحطى مكياج وتعملى فورمات شعر ايوه هى فى المدن الكبرى ودى فيها ايه

وعندك جمعية رسالة وصناع الحياة والملاجىء ودور المسنين
وابنك ده مش تعلميه دينه صح؟













عشان فى المستقبل ان شاء الله اما بنات الناس يدوروا على واحد متدين ميبقوش يتعبوا
فى معهد اعداد دعاة
معهد القراءات ................
وكله بيقبل من شهادة الثانوى وما يعادلها

اكيد هتلاقى اى حاجة تعجبك فى دول وابتكرى بقى المهم بلاش الفراغ

وده ينطبق على الأستسلام لأنتظار اى شىء:الأنجاب الشفاء........

__________________________________________________ _________
يتبع ان شاء الله

55 قروا امس وبقوا 102 ومحدش رد قصدكوا ايه يعنى؟

هترجعوا زى زمان؟

شكرا يا n-i-t-e





















[IMG]file:///C:/DOCUME%7E1/XPPRESP3/LOCALS%7E1/Temp/moz-screenshot-2.png[/IMG]







[IMG]file:///C:/DOCUME%7E1/XPPRESP3/LOCALS%7E1/Temp/moz-screenshot.png[/IMG][IMG]file:///C:/DOCUME%7E1/XPPRESP3/LOCALS%7E1/Temp/moz-screenshot-1.png[/IMG]