الحمد لله كلاكيت تالت مرة العربية تتخبط

**mada121977** · 13-03-2008 05:34 PM

الحمدلله انها جت على قد كده يا ابو كنزى قدر الله وماشاء فعل وربنا يحفظلك العربيه ان شاء الله ويباركلك فيها

**ahmedateya** · 13-03-2008 05:55 PM

طب ما تأمن عليها يا استاذ كريم؟

انا بسيب العربية تتلطش طول السنة و اخر المدة ساعة التجديد اروح المَ الحاجات دي و ترجع العربية زيرو كل سنة من الاول

**OlaOsman** · 13-03-2008 08:01 PM

الحمد لله و قدر الله و ما شاء فعل.. مش الحمد لله كنزي و بيدو و امهم و كل اللي بتحبهم بخير؟ :)

الحمد لله يبقى كله يتعوض بإذن الله.. و عموما انت كده اكيد.. في القاهرة :p

**douha_wise** · 13-03-2008 08:20 PM

لا حول و لا قوة الا بالله
قدر الله و ما شاء فعل
هو في يا جماعة هو المنتدى خد عين و الا اية كام واحد عربياتهم اتخبطط دة حتى انا العربية بتاعتى اول امبارح واقف ورا اتوبيس اللى هو 25 راكب مستنية يتحرك و فجأة لاقيت لمبات المارشيدير البيضاء بتنور و عرفت انة عايز يرجع للخلف فجأة كدة و بدون مقدمات فضلت اديلة فى كلاكس و مفيش فايدة و المسافة كانت قريبة حوالى متر تقريبا و متوقعتش انة مش هياخد بالة من الكلاكس و الموضوع كلة كان بسرعة فرجع فعلا و مش سامع اى شئ لحد ما خبط الإكصدام و سمعت صوت الخبطة و قلت الأكصدام اتبهدل و تلاقى كمان الفوانيس اتكسرت فرحت شاخط فية و قلتلة انت معندكش مراية تبص فيها و مرة واحدة قررت ترجع و مش سامع اى كلاكس
المهم اللى خلانى هديت إنى برغم صوت الخبطة الجامد الا انى لاقيت الأكصدام حصلة تجريح فقط و جزء من البوية اللى علية اتشالت و محصلش حاجة تانية الحمد لله فسكت وسيبتة بعد ما اعتذر حاجة مقرفة و الله بجد

**حماده عزو** · 14-03-2008 02:49 AM

معلش يا كريم باشا قدر الله وما شاء فعل

**Sharky** · 14-03-2008 03:01 AM

كريم أنا لسه شايف الموضوع دلوقتى
قدر الله و ماشاء فعلا و الحمد لله إنها جت فى حاجة خفيفة و إتصلحت

**Ahmed Hassan** · 14-03-2008 03:02 AM

فداك انت و الاولاد يا كريم

بس اللي هيجنني هوه مفيش امن و لا سايس و لا حاجه؟!! ده انته قدام الشغل و على الرصيف!!

عموما حصل خير و قدر الله و ما شاء فعل.