عايز اشتري Mazda 2010 ومتردد من توكيل غبور

**MazdaFan** · 11-09-2010 06:23 PM

سلام عليكم يا شباب

أنا معجب ب Mazda جدا ، وشايفها أحسن من عربيات كتيييييييييير من ناحية الأداء والثبات والسحب حتى على الملفات بالذات

وبجد خلاص شبه مقدم على اني اشتريها 2010 hight line automatic
وده اللي خلاني دخلت مخصوص واشتركت هنا ودي اول مشاركة ليا:

الناس خوفتني من توكيل غبور في مصر ، وانه على الرغم من انه بيوفر قطع غيارها وكل حاجة ، الا ان في المشاكل التالية:

1- غبور توكيل خدمته سيئة ، و مش نضاف في التعامل
2- بيستعبط في سعر قطع الغياااااااار !!!! انا سمعت ارقام غريبة ، تيل فرامل ب 1000 جنيه ؟؟؟؟؟؟ فانوس العربية الأمامي ب 4500 جنيه الواحد ؟؟؟ الأرقام دي مظبوطة ولا لأ ؟؟؟

ياريت لو حد اشترى العربية وراح بيها التوكيل او اضطر انه يغيرلها تيل فرامل او اي حاجه يقولي ايه أسعارها بجد من غير قيل وقال عشان انا تعبت من كتر الكلام المتخبط اللي عكس بعضه ، ياريت عن تجربه شخصية او تجربة فعليه حصلت قدامه مع حد يعرفه

وشكرا لكل واحد هايفيدنا ويريحنا سواء بإجابات تفرح او إجابات تزعل ، المهم أعرف الواقع ايه ودماغي تهدا ، لأني معجب بالعربية اووووووووووووي وشايفها تحفة بجد

شكرا ليكم مقدما

**azakareya** · 11-09-2010 07:08 PM

متابع باهتمام لأن أنا كمان بأفكر أشتري مازدا 3 .. و برضه كنت عايز أعرف ايه الكماليات اللي مش موجودة في الهاي لاين توكيل و موجودة في الخليجي.

**MazdaFan** · 14-09-2010 02:16 AM

ايه يا جماعة ؟؟؟؟ هو ماحدش اشترى العربية دي ولا ايه ؟ فين الردود ؟ فين المساعدة وروح التعاون ؟؟؟ انا بجد محتاج الموضوع ده اوووووووووي لو سمحتو لو حد عنده معلومة مايبخلش او ما يكسلش يكتبهالنا

و كل شكر وتقدير لكل واحد يساعد مقدما

**nightmare_9595** · 14-09-2010 03:00 AM

بص يا باشا اولا ارحب بيك في منتدانا الكبير و قسم مازدا خصوصا.اهلا و سهلا بيك و ان شاء الله تكون مزداوي.
بلنسبه لغبور فهو فعلا خدمته مش كويسه بس الحمد لله عندنا بديل زيه بظبط و احسن كمان و هو سمارت كار.

و بلنسبه لقطع الغيار فتيل ب 1000 جنيه ؟؟؟!!!! اصلا ده مش منطقي (مع اني سمعت ان غبور باعه ب 900 ) بس رجع تاني لسعره العادي و هو 550 جنيه و بلتركيب حوالي 650 جنيه.
و الفوانيس هي فعلا غاليه و خصوصا الزينون بيوصل ل 3000 جنيه مش 4500 خالص.

و بلنسبه للعربيه فهي مش محتاجه كلام ,بسم الله ما شاء الله سمعتها سابقاها.

و اي سوال عن اي حاجه احنا حاضرين,
و متزعلش لو حد اتاخر في الرد عليك.
و لو عايز تتاكد من حاجه و حاسس اننا ممكن نتاخر عليك في الرد هنا كلمني و ان شاء اللله افيدك 0100830068
انا تحت امرك في اي وقت.

محمد حامد
تقبل مروري

**ramyar** · 23-09-2010 09:12 PM

فتنوس بي 3000 جنيه

**raedegypt** · 23-09-2010 10:44 PM

الماذدا زووووووووووووووم ما تحتاج يارجل ..ادخل اتفرج
http://www.mazdausa.com/MusaWeb/displayPage.action?pageParameter=modelsMain&vehicl eCode=M3S#/exterior

**CeratoKoup** · 03-10-2010 06:14 AM

لو علي التعامل انا عملت صيانة الـ 1000 و الحمد لله كان التعامل كويس جدا
و دفعت 180 جنية فقط تمن زيت و الفلتر ... دة قبل عرض اكتوبر ما ينزل بقي :d

**angieshehab** · 05-10-2010 07:42 PM

................................

استخدام الأحرف اللاتينية (الانجليزية) في كتابة اللغة العربية مخالف للقاعدة رقم 6 بند "ب".

يرجى مراجعة قواعد المنتدى

2:28om 6/10/2010

المشرف العام 5