استطلاع عن النوبيرا الاوتوماتيك

**star1991** · 14-09-2010 10:40 PM

المشاركة الأصلية كتبت بواسطة ahmed_nubira

هههههه دى قطع غيار الفتيس...مهو عشان كده المانيول افضل...بتعرف تتعامل معاه وتحايله..انما الاتوماتيك شيل وارمى..ولو بصتلها بنظره واقعيه اكتر هتلاقى ان المانيول ارخص فى الصيانه واحسن فى السحب...بالاضافه لو حبيت تزق العربيه وترمى وتقومها تانى والكلام دة ههههههه.... دة لاقدر الله لو بطاريتك نامت او خلاف ذلك....المانيول عملى اكتر...وبصرحه انا مركبش اتوماتيك غير يابانى

يعني الاوتو ماتيك الياباني بيتزق

**ahmad--ezzat** · 14-09-2010 11:27 PM

المشاركة الأصلية كتبت بواسطة star1991

يعني الاوتو ماتيك الياباني بيتزق

متخلطش الامور ياباشا ...اكيد مش دة القصد....اتوماتيك الهوندا والكرولا والسوبارو والحجات دى افضل من اتوماتيك النوبيرا والكيا والاكسنت

**star1991** · 16-09-2010 09:12 AM

المشاركة الأصلية كتبت بواسطة ahmed_nubira

متخلطش الامور ياباشا ...اكيد مش دة القصد....اتوماتيك الهوندا والكرولا والسوبارو والحجات دى افضل من اتوماتيك النوبيرا والكيا والاكسنت

ياستاذ هي العربيات دي فيها ايه اصلا يشبه الكوري
ولا الكوري فيه ايه احسن من العربيات دي

ياريت المقارنه تبقى عادله واحنا عارفين ان اداء الفتيس الياباني افضل زي اداء السياره الياباني افضل ككل من الكوري

احنا سؤالنا واحد وباين من الموضوع فتيس النوبيرا حلو ولا وحش

وطلبنا عدم الدخول ممن لايملك نوبيرا اوتو ماتيك لانه هيتكلم بناء على كلام سمعه او مجرد لفه خدها بعربيه اوتو ماتيك احنا عاوزين ناس معاشره الاوتوماتيك مش اكتر

**ahmad--ezzat** · 16-09-2010 11:26 AM

المشاركة الأصلية كتبت بواسطة star1991

ياستاذ هي العربيات دي فيها ايه اصلا يشبه الكوري
ولا الكوري فيه ايه احسن من العربيات دي

ياريت المقارنه تبقى عادله واحنا عارفين ان اداء الفتيس الياباني افضل زي اداء السياره الياباني افضل ككل من الكوري

احنا سؤالنا واحد وباين من الموضوع فتيس النوبيرا حلو ولا وحش

وطلبنا عدم الدخول ممن لايملك نوبيرا اوتو ماتيك لانه هيتكلم بناء على كلام سمعه او مجرد لفه خدها بعربيه اوتو ماتيك احنا عاوزين ناس معاشره الاوتوماتيك مش اكتر

هو مين قال لحضرتك انى بقارن؟؟

اغلبيه الاتوماتيك فى النوبيرا مش حلو طبعا ودة مش سمع انا مجرب عربيات كتير على فكره نوبيرا...ياباشا دى عربيتى يعنى انا اللى اولى ادافع عنها قبل اى حد

طب انا هقلك موقف قدامى حصل....
نوبيرا 2003 بتاعت صاحب ابن خالتى...عربيه زى الفل سوده اتومااتيك

عطلت على طريق مصر اسكندريه وراسها واللف سيف ما تنقل....وشافو الويل....العربيه دى اغلبيت الاتوماتيك فيها مبيسترش..الا ما رحم ربى. .....قلائل لما بشوف حد معاه اتوماتيك نوبيرا ومبسوط منها...فى عضو معانا اسمه ميدو اظن..... عربيته نوبيرا 2 واتوماتيك وشغاله زى الفل ربنا يحميهاله

وحضرتك للمره التانيه بتدخل الكلام فى بعض وتخلط الامور...انا يااستاذى مش بقارن اتوماتيك الكورى باليابانى....انا بقول لو ناوى اشترى اتوماتيك هاريح نفسى و هجيب يابانى اضمن من اى كورى.... اتوماتيك النوبيرا مش كويس فعلا وممكن يخونك فى اى لحظه ويهيس عشان كده بطلو ينزلوها من 2007 (انا جايب عربيتى مانيول 2008 ... والعربيه الوحيده اللى سعر الاتوماتيك فيها مستعمل اقل من المانيول....

الميزه الوحيده فى اتوماتيك النوبيرا عن المانيول انه اريح فقط....اى حاجه تانيه لصالح المانيول

ويا سيدى الفاضل لو متدايق تدخل الناس اللى معهاش نوبيرا اتوماينك بقدم اعتذارى...بس صدقنى كلامى مش مجرد سمع

وربنا يسترها معانا ويحفظ عربياتنا....