هههههههههههههه
اهو هو دة اللى يتقال علية انجليزى دة يا مرسي
عرض للطباعة
هههههههههههههه
اهو هو دة اللى يتقال علية انجليزى دة يا مرسي
ماهو المريض إلي بيتعالج في المستشفى الحكومي ..مش أحسن حال من الدكتور إلي بيعالجه في المستشفى الحكومي
الدكتور يتعب .. يتعب
ويستحمل رخامة المرضى وأحيانا قلة أدبهم(حتى لو غصب عنهم)
ويستحمل إمكانيات المستشفى الضعيفة إلي مش بتساعده في شغله
ويستحمل المكان إلي بيشتغل فيه من قرف وزحمة وهرج ومرج
كل المعاناة دي(غير طبعا الــ10 سنين بتوع الدراسة والتحضير)
وفي الأخر
جيبه فاضي
وحسبي الله ونعم الوكيل
جايز يا دكتور احمد من كتر ما شافوا معاناة الناس الموضوع بقه عادي بالنسبة لهم
ابن عمتي جراح قلب وصدر في القصر وكان معايا وقتها في القصر بقوله انتم قلوبكم جامدة كدة ليه وآلام الناس مش بتهزلكم شعره
اخته ردت عليا انه اول مرة دخل التشريح وهو في الكلية جاله اكتئاب ومنع اي صنف لحوم يدخل البيت
دلوقت بقه عادي خالص ويتكلم عن واحد مات في العملية ولا بعدها كأنه كتكوت ولا قطة في الشارع
أنا لاحظت فعلا جدا إن الأطباء قلوبهم جامدة جدااااا
أنا كنت حكيت مرة إن واحد مات عندي في الصيدلية بالليل بالذبحة الصدرية
حاولت أعمله إسعافات أولية ..وروحت جبت له دكتور بشري وجيت
المهم
الراجل مات ..أنا فضلت طول الليل بطني مقلوبة ومش طبيعي وعيطت كمان
الدكتور البشري إتصل بيا بعدها بشوية يطمن عليا
ولقيته بيضحك ويقولي""عادي ياأحمد ..مايبقاش قلبك خفيف كده""
وبعدين
التعود بيعمل أكتر من كده
أنا لسه فاكر أول مرة دخلت فيها مشرحة القصر العيني(أيام أولى طب)
كنت خايف ..وطلعت رجعت إلي في بطني
لكن بعد كده
كنت بشتري الفطار من الكافتيريا ..وأدخل أفطر في المشرحة عادي جدا
مشرحة ايه يا راجل حرام عليك
انا مش فاهم ازاي الناس بتخاف فالمشرحة
والله بجد انا شايفها عادية جدا اساسا !!
و بعدين يا راجل واحد يتوفي عندك يحصلك كل دا :brn:
لا فعلا يظهر اني بقيت بارد من اولها
بس علي فكرة الدكاترة المفروض يتعملهم نصب تذكاري من الي بيشوفوه
و تقريبا يعني كدا بيشتغلوا ببلاش " من غير فلوس ":8954[1]:
طب انا هقولك اللي حصل بالظبط يا محمد وانت قول رأيك
انا كنت الدكتورة اللي بتابع معاها الحمل في استشارة الساعة 11 بالليل وقالت لي لازم اعمل قيصري فورا بالكتير بكرة الصبح وااكدت عليا مروحش اعملها في عيادات وانا اول مرة موضوع القيصري ده وجه فجأة وكنت محتاسة مش عارفة اروح فين وقلت لها قريبي في القصر وسألتها اذا كان القصر كويس
قالت كويس عشان العمليات عقيمها كويس احسن من اي مستشفى خاص
وفعلا روحت لابن عمتي على الساعة 1 وكان موصي عليا زمايله في قسم النساء ودخلت عادي واهتمام من 2 دكاترة
في نفس الوقت شايفة الستات عندهم الام الولادة وماادراك ايه الام الولادة وقعدين على كراسي مفيش ولا دكتور سائل فيهم
لكن لما انا جيت وبعتلهم الممرضة اني فلانه من طرف دكتور فلان الدكاترة ظهروا
بصراحة انا دخلت مع الدكاترة وضميري مأنبني ومكسوفة من الستات دول عشان اخدت دورهم
المهم بقه الدكتورة نصحتني بلاش تعملي قيصري بالليل
وانا اصريت اعرف السبب
قالت لي عشان ممكن الدكتور ميكنش مركز من السهر
لكن ابن عمتي اخدني على جنب وقالي فعلا بلاش الليل مش عشان التركيز وبس
قالي بالليل لو احتاجتي نقل دم مش هتلاقي
بالليل الدكتور الكبير مش بيكون موجود ولو موجود هايبقه نايم
المهم اقتنعت ورجعت تاني يوم الصبح
لقيت لازم الواحدة تدخل العيادة الاول قبل متتحول على قسم الولادة
يعني لازم تقف في طابور تقطع تذكرة ولازم تستنى الدور عشان تكشف والدكتور يحولها للولادة
انا مش متخيلة ازاي واحدة عندها الام الولادة وتعمل كل ده !!! بجد حرام
انا والله مقدرتش اقعد 5 دقايق .. المكان ضيق وزحمة والريحة فظيعة وتخنق
لكن انا عشان الدكتور قريبي دخلت ل 2 دكاترة بدون انتظار الدور
المفاجئة بقت او الفاجعة ان الدكتورة بتاعتي كانت مفهماني ان في قسم اسمه اقتصادي يعني بفلوس ونضيف وهيكون ليا غرفة لوحدي
اتفجعت لما عرفت ان مفيش اقتصادي في القصر وان الكل بيكون في العنبر المشترك ده بقذارته وفوضته وتلوثه ومهما وصفت المنظر والله مش هتفهموه الا لو شوفتوه بعنيكم
وصممت امشي وقلت هاروح خاص بالرغم ان الدكتورة قلقتني من موضوع تعقيم العمليات في الخاص بس قلت زيي زي غيري وياما ناس بيروحوا الخاص بس كنت خايفة لان كتير اعرفهم عملوها في خاص والجرح اتلوث
المهم في اخر لحظة ابن عمتي قالي على الفرنساوي وروحنا لزميله برضو هناك
بصراحة فرق رهيب في كل حاجة حتى في معاملة الدكاترة للمرضى
فالخلاصة ان اللي مش معاه فلوس هايتبهدل ويتذل ويشوف اسوأ معاملة ده غير القذارة والقرف بتاع المستشفيات العامة يعني الموضوع مش موضوع افتراء
الموضوع موضوع ضمير اولا واخيرا
انا مقدرش اعمم كلامي على كل الدكاترة اكيد في الكويس وفي الوحش
وانا شوفت الدكتورة اللي كلمتها اول مرة تعتبر كويسة ورحيمة جدا
بس دي نسبتها كام في المستشفى ؟!!!!
غير الممرضات اللي عاملين زي الغفر في تعاملهم مع المرضى كأنهم شغالين عندهم ومحدش يقدر يفتح بقه مع واحدة منهم
فكرتوني اما اتحجزت في حميات حلوان و كنت رايح بوصاية كبيرة أوي
معاملة و لا دار الفؤاد .....
ربنا مع الغلابة بجد ..... :(