ايه رائيكم فى ال يعرفك عشان معاك عربيه

**osama.m** · 13-09-2010 04:39 PM

الحكاية دي كتير في الكلية ... بلاقي ناس عادية و تعاملي معاهم سلام و خلاص مش اكتر .. لما يشوفوني راكب عربية تلاقيهم تاني يوم بيقولولك انت ساكن فين :d
بس مش بحب اركب حد معايا عشان مش بحب حد يقوللي اعمل كذا و متعملش كذا .. لانهم بيبقوا فاكرين انهم ممكن يسوقوا احسن منك مليون مرة
لو اتزنقت و حد منهم ركب معايا بيدفع بنزين :d
بس اصحابي اصحابي عادي و حكاية التوصيل لاي مكان مش مشكلة بيننا

**fouady** · 13-09-2010 04:46 PM

الردود غريبة بعد الشيء هههههههه بالنسبلي أنا شيف لو صاحبي من صحابي اللي هم عشرة يعني عدي جدا إنه ياتمصلح عليا فـحتت التوصيل ديه لاني مش باسمها بصرحة مصلحة لانو ده واجب عليَّ زي ماهو لو عالعكس هيبقى عليه برده لكن لو واحد معرفة أول امبارح وكل شوية تعلى وصلني وال كلام ده أنا برفض بس مش صريحة ب اعتذرت تبين اد إيه هو معفن هههههههههههههههه

**omar-saad** · 13-09-2010 05:44 PM

والله ياجماعة الموضوع عادى
لو هوة فى سكتى هاخدة
مش فى سكتى مش هاخدة
العربية مش هايحصللها حاجة يعنى لما يركب
وكله بثوابه

**ahmed elsherif** · 13-09-2010 06:16 PM

انا سعات كتير افكر في الموضوع ده بالنسبه للزمايل مش الاصحاب.. ناس كتير اوي من زمايلي ايام الثانوي مكنوش لهم علاقه بيا غير سلام سلام اما جبت العربيه وبقت معايا ناس كتير اوي قربت مني ويكلموني عشان اروح زفة اي حد فيهم او تبعهم وانا طبيعتي بتحرج جدا ومقدرش اقول لحد لا ومش بعرف اصدر الوش الخشب ده خصوصا اني انا وهما في وش بعض دايما بشوفهم كتير مش عارف لو مكنش معايا عربيه كان حد من دول هيعبرني ولا يعزمني في فرحه حتي ؟؟؟

**vodanet** · 13-09-2010 07:39 PM

المشاركة الأصلية كتبت بواسطة a1_elsherif

انا سعات كتير افكر في الموضوع ده بالنسبه للزمايل مش الاصحاب.. ناس كتير اوي من زمايلي ايام الثانوي مكنوش لهم علاقه بيا غير سلام سلام اما جبت العربيه وبقت معايا ناس كتير اوي قربت مني ويكلموني عشان اروح زفة اي حد فيهم او تبعهم وانا طبيعتي بتحرج جدا ومقدرش اقول لحد لا ومش بعرف اصدر الوش الخشب ده خصوصا اني انا وهما في وش بعض دايما بشوفهم كتير مش عارف لو مكنش معايا عربيه كان حد من دول هيعبرني ولا يعزمني في فرحه حتي ؟؟؟

**نور القمر** · 13-09-2010 10:20 PM

والله ياما ناس كانوا قريبين ويسألوا ويطمنوا عشان ليهم مصلحة معينة
وبعد المصلحة ماتنتهي يبقوا كأنهم مكانوش يعرفوك اصلا
الواحد جاله اكتئاب من طبيعة البشر ومبقتش اثق في حد وبعدت عن الناس كلها
انا فاهمة قصد صاحب الموضوع
هو مش معارض ولا رافض انه ياخد حد معاه في العربية
هو بس بيستنكر ان الناس دي مش بتسأل عنه ولا بتتصل إلا لو كان ليها مصلحة

**A7MED_PHARMA** · 13-09-2010 10:29 PM

موضوع المصلحة علشان العربية ده ..حاجة تقرف
أنا إتعملت أصدر الوش الخشب علشان السبب ده بالذات
أول ماسبت كفر الشيخ..وروحت قعدت في الشرقية في بيتنا لوحدي
بيتنا فاضي + عربية + كمبيوتر + فلوس

لقيت إلي هب ودب ..يشوفني يسلم عليا
إلي أعرفه ..وإلي عمري ماشوفته قبل كده
والناس دي بيبقا عندها تناحة غريبة
يعني واحد معرفوش خالص ..جي عاوزني أزف أخت واحد صاحبه
ماهو أبو بلاش ..كتر منه

**vodanet** · 14-09-2010 01:07 AM

المشاركة الأصلية كتبت بواسطة نور القمر

والله ياما ناس كانوا قريبين ويسألوا ويطمنوا عشان ليهم مصلحة معينة
وبعد المصلحة ماتنتهي يبقوا كأنهم مكانوش يعرفوك اصلا
الواحد جاله اكتئاب من طبيعة البشر ومبقتش اثق في حد وبعدت عن الناس كلها
انا فاهمة قصد صاحب الموضوع
هو مش معارض ولا رافض انه ياخد حد معاه في العربية
هو بس بيستنكر ان الناس دي مش بتسأل عنه ولا بتتصل إلا لو كان ليها مصلحة

بالظبط كده

المشاركة الأصلية كتبت بواسطة A7MED_PHARMA

موضوع المصلحة علشان العربية ده ..حاجة تقرف
أنا إتعملت أصدر الوش الخشب علشان السبب ده بالذات
أول ماسبت كفر الشيخ..وروحت قعدت في الشرقية في بيتنا لوحدي
بيتنا فاضي + عربية + كمبيوتر + فلوس

لقيت إلي هب ودب ..يشوفني يسلم عليا
إلي أعرفه ..وإلي عمري ماشوفته قبل كده
والناس دي بيبقا عندها تناحة غريبة
يعني واحد معرفوش خالص ..جي عاوزني أزف أخت واحد صاحبه
ماهو أبو بلاش ..كتر منه

ممكن انا اجى اقعد عندك ههههه

**AhMeD EzZ** · 14-09-2010 01:25 AM

المشاركة الأصلية كتبت بواسطة misoalex

فعلا كلام مظبوط ولازم نفوت ونطنش شويه الا لو الموضوع زاد عن حده
غير ان زى مصاحبى بياخد لازم يدى ولو هو من النوع الى بياخد بس يبقى بالسلامه مش عاوز اعرفك غير بالسلام فقط

مش شرط يدفع بنزين وباركينج الحياه مش كلها فلوس بس ده المفروض صاحبى يعنى انا لو محتاج خدمه او مساعده منه المفروض يقف جنبى ولو معملش كده يبقى خساره فيه كلمه صاحبى يتقال عليه معرفه مش صاحب

لكن النوعيه بتاعه الى يفرض نفسه عليك عشان توصله بالعافيه ده وهو مجرد معرفه او زميل فى اى مكان ده حاول تصدرله الطرشه

مش قصدي علي اصحابي او حتي زمايلي العاديين في نقطة البنزين و الباركنج
انا بتكلم علي الي عرفني عشان العربية و قبل ما يكون معايا عربية ميعرفنيش و يتهرب مني

-

الموضوع: ايه رائيكم فى ال يعرفك عشان معاك عربيه

LinkBack

أدوات الموضوع

عرض

-

-

-

-

-

-

-

المواضيع المتشابهه

لو مش معاك تمن عربيه جديده - يا ترى تشتري قسط ولا مستعمل؟؟!!

لو معاك 150 الف.....تشتري عربيه مفيهاش esp

بعمل رخصة مهنية والموظفة قالي لي متقلهمش ان معاك خاصة عشان ميخدوهاش منك

لو معاك 500 الف تجيب عربية ولا كذا عربيه

عندك عربيه ... لازم تخش هنا صدقني هتفرق معاك

الكلمات الدلالية لهذا الموضوع

المفضلات

المفضلات

ضوابط المشاركة