كيف تصلى صلاة استخارة بطريقة صحيحة ؟ سيراتو ولا كروز ؟

**aly_hosny** · 15-09-2010 02:46 PM

المشاركة الأصلية كتبت بواسطة ghazy12

لكن رأي الشخصي ان الموضوع تهريج بحسن نيه مش اكتر... و العلم عند الله

و لو مش كده, يبقى ياريت نعرف فين صاحب الموضوع..!!!؟؟؟

مش عارف هو دا صاحب الموضوع عنده عضويتين ولا دا حد تاني

المشاركة الأصلية كتبت بواسطة glimmer

انا صليت و تانى يوم نزلت علشان اجيب الكروز روحت ملقيتش العربيه موجوده وقدامها 3 اسابيع والهاى لاين من جوه زى البيس لاين ومفيش usb والمعارض اللى كلمتها محدش عنده الفضى
المهم روحت داخل الشارع اللى وراى منصور جامعة الدول واشتريت سيراتو فضى والورق خلص فى نفس اليوم

**ghazy12** · 15-09-2010 03:08 PM

المشاركة الأصلية كتبت بواسطة aly_hosny

مش عارف هو دا صاحب الموضوع عنده عضويتين ولا دا حد تاني

لا يا علي باشا... العضو glimmer مش هو صاحب الموضوع الاساسي...

هو كان بيقول اللي حصل معاه فعلاً و بيشارك بتجربته, و صادف انها نفس قصة الموضوع... صدفه يعني

لكن صاحب الموضوع فين..؟؟؟

**kamalsalem** · 15-09-2010 03:09 PM

انا عشان كده محتار... انا برضه صليت استخارة على نفس العربيتين.. ونزلت منصور احجز لقيتها اغلى 3000 جنيه

قلت انا مش هاخد دي علامة واسكت.. ربنا لو عايز يصرفها عني هيصرفها عني... وكلمت كذا معرض واحد فيهم قاللي ممكن ادهالك بسعر العرض فاتوكلت على الله

وللي أكدلي انه دي مشيئة الله انه مجرد ما نويت.. الفلوس ظهرت اصلاً قبل معاد ما كنت عامل حسابي.. واستلمتها يوم بدري

الموضوع مش انهي عربية فيهم احسن.... مفيش حاجة اسمها احسن اصلاً لأن دي سلع ولو في واحدة احسن من التانية على الاطلاق يبقى التانية موجودة في السوق ليه؟

كل واحد بيسأل ربنا المشورة في الحاجة اللي فيها نفعه هو شخصياً مش حاجة مطلقة.. ممكن يكون في ناس كتييييير شايفين انه الكروز عربية فاشلة... وتطلع بالنسبالي انا الذات السيراتو اختيار وحش لسبب ليه علاقة بطريقة سواقتي مثلاً أو براحتي النفسية

والله اعلم واللي معاه عربية ربنا يملاهالو بركة... والخناقى اللي حصلت في موضوع فيات دي غربية فعلاً.. ليه الناس متحفزين لبعض كده؟

متوسط السرعة في مصر دلوقتي 23كم في الساعة... في السعودية 40... يعني الناس اللي بتتخانق على اداء عربيات كلها اصلاً معمولة للمدن مش للسباقات.. اسمحولي اقولكوا انه في الاخر محدش فينا بيجري اوي... وعمالين اصلاً يركبولنا رادارات في كل حته... ف بالسلامة الجري اصلاً... اشتروا العربيات اللي تريحكوا عالبطيء عشان تستحملها في الزحمة

**glimmer** · 15-09-2010 03:26 PM

المشاركة الأصلية كتبت بواسطة aly_hosny

مش عارف هو دا صاحب الموضوع عنده عضويتين ولا دا حد تاني

السلام عليكم

اخي الكريم التجربة الثانية الخاصة بالسيراتو الفضي للعضو Mido اما انا لا املك سيارة ..

ممكن تتابع المشاركة رقم 13 و 14 ...

**yoko** · 15-09-2010 03:26 PM

المشاركة الأصلية كتبت بواسطة mastr_n

على ما اعتقد انى ماغلطش فيك

انا قولتلك مش انت الى هاتعرفنى
وعلى العموم انا ماعرفش ان حضرتك حساس اوى كدة وتقبل اسفى الشديد

ﻷ مفيش مشاكل بس (مش إنت) هي الي دايقتني لإن حضرتك متعرفنيش عشان تقولهالي وحصل خير مفيش مشاكل
وأنا قولت في الاول بين الإتنين دول أختار السيراتو

المشاركة الأصلية كتبت بواسطة ghazy12

يا جماعة الخير.. استهدوا بالله, و يا ريت يكون صدرنا رحب للنقاش و يكون بالدليل علشان الكل يستفيد..

احنا لازم نكون متفقين على ان فيات طبعاً براند كبير و عريق في عالم السيارات (لا خلاف على ده)

و اكيد بردو كيا براند محترم و كبير...

بالنسبه للسينا يا باشا, اسمحلي اقول رأي عن تجربه للسينا... العربيه دي اقسم بالله قمه في الاحترام
و مش معنى ان عربيه قطع غيارها غاليه, او سعر اعادة البيع قليل تبقى اي كلام... اكييد لأ..!!

عندك مثلا سيات ليون... عربيه قمة الاحترام في كل شئ, و سعر اعادة البيع سئ, تبقى وحشه؟؟ لأ

يبقى دي مش قاعده, و مش ده اللي يقيم عربيه, لان موضوع اسعار قطع الغيار و اعادة البيع
مرتبط بالسوق و بثقافة شعب, و مستوى المعيشه اللي طبعاً مرتبط بالمستوى المادي........... وهكذا

قطع الغيار غاليه, لانها اوروبي و اعتمادية الاوروبي لا خلاف عليها بردو...

الانتشار القليل مش عيب, و مش ميزه... و بتفرق من شخص للتاني

يعني واحد يفضل يركب عربيه مش منتشره, عن عربيه ماليه الشوارع... مش عيب طبعاً
واحد تاني مهم عنده الانتشار علشان قطع الغيار, و سعر اعادة البيع... بردو مش عيب و دي متطلباته

لكن هديك مثال تاني... في عربيات منتشره جدااااااااا, و بردو لسه في قطع غيار ليها مش موجوده في السوق,
يبقى الانتشار عمره ما كان ضمان لتوافر قطع الغيار كلها, او ان سعرها يكون قليل, لان التجار في قمة الطمع,
و طبعاً إلا من رحم ربي... مانقدرش نقول كلهم كده, لكن 90% منهم لو لقى الحاجه مطلوبه بيضرب سعرها

في الاخر الاختلاف في الرأي لا يفسد للود قضيه, و ارجو ان مايكونش في حد زعلان من التاني
او يكون في حد زعلان من كلامي, لكن لازم نتكلم بدليل منطقي علشان كل الاعضاء تستفيد...

--------------------------------------------------------------------

الجميل جداا بقى... اني شايف الموضوع ده من بدري, و اللي فهمته ان صاحبه يقصد بيه صديق لينا في المنتدى,
و شايف بردو ان الموضوع تهريج, مش جد... يعني القصه كلها تهريج و الموضوع دخل
في نقاش عن فيات و كيا... و النقاش تطور اكتر لصلاة الاستخاره و طريقتها و احكامها....!!

الموضوع كان في قسم كيا, و اتنقل لقسم المقارنات علشان اتفهم ان الغرض منه المقارنه في صورة حكايه

لكن رأي الشخصي ان الموضوع تهريج بحسن نيه مش اكتر... و العلم عند الله

و لو مش كده, يبقى ياريت نعرف فين صاحب الموضوع..!!!؟؟؟

عندك حق يا غازي باشا وأنا اكتر حاجة تهمني الأمان وطبعا الفيات أعلى في الأمان من الي كل في نفس السعر

المشاركة الأصلية كتبت بواسطة seiffoz

كبر دماغك ...

إللى ميعرفش .. يقول هجس ...

سبف بلاش الكلمة دي لإن واضح إنها بتزعل الناس

**NoRmAl** · 15-09-2010 04:17 PM

طيب هو واضح أن الموضوع خلص والناس هديت وأنا مش عايز أفتح الصراع من جديد
لكن كعاده كل المناقشات عن الفيات و الكيا
وبالاخص السيراتو واللينيا
نفس المفاهيم
عالم فاكره فيات بى إم وكيا شركه تجميع عربيات فى بير السلم
وأخرين مش عارفين تاريخ فيات وفى خلط فى الاوروبى والكورى
يعنى من الاخر مفيش جديد
الحقيقه واحده ومتقبلش خلاف بين راشدين
أى واحد سواء بيفهم فى العربيات ولا مبيفهمش يعرف أن فيات تكنلوجيا وتاريخيا يعنى حاضر وماضى أفضل من الكيا
لكن الكيا فى مصر "الى أحنا عايشين فيها دى" منتشره أكتر من الفيات "الجديد" ودا دليل على حاجه واحده
أيه هى؟
أن الكيا فى سوقنا أفضل من الفيات
دى حقيقه
والله الى حابب يفهمها يفهمها
والى عايز يعيش فى الوهم وفيات بردو أجدع فى مصر لكش الزمن بيضحك على نفسه قبل غيره

المشاركة الأصلية كتبت بواسطة ayman2

طبعا حرام يدفع 100 الف فى عربيه اوربى حضرتك متعرفش حاجه عنها انما حلال يدفع اكثر من 115 الف فى سياره كورى منزوعه الأمان علشان الوكيل يكسب ولا يوجد شىء اسمه وجهه نظر لان وجهه النظر الحقيقيه لابد ان تكون مبنيه على دراسه واى شىء اخر يدخل فى بند الفتوى بدون علم وهذ ما نهى عنه
وبرضه من غير زعل

ممكن حضرتك تفهمنى يعنى أيه كورى منزوعه الامان لأنى مستوعبتهاش
معندناش أير باجز مثلا
ولا مفيش abs
ولا مفيش esp
ولا مفيش ستيل براز كفايه
ولا الصاج ورق
ولا يمكن واخده نص نجمه فى الكراش تست
ولا يمكن سقطت وأنا مش متابع
ولا بنفرمل برجلينا على الاسفلت زى البسكلته
ولا أيه وسائل الامان فى مفهومك لو كيا مفهاش أمان
دى مشكلتنا
علشان عايز تقول كلمه حلوه فى حق عربيه أنت راكبها
وفى نفس الوقت تقلل من عربيه منافسه
تجور بكلام غلط على عربيه
فتصبح مخطأ فنيا فى كلامك ومتحيز فى وجهه نظرك
رغم حبى الشديد لعربيتى وأقتناعى التام أن سوق الفيات فى مصر ميت إلا أنى مقلتش فى يوم كلمه غلط ولا جورت على اللينيا
ودا الفرق

المشاركة الأصلية كتبت بواسطة SeiffoZ

كبر دماغك ...

إللى ميعرفش .. يقول هجس ...

الكلمه دى ماشيه على الكل
الكل ميعرفش والكل بيقول هجس

**engaass** · 15-09-2010 04:49 PM

المشاركة الأصلية كتبت بواسطة kamalsalem

انا عشان كده محتار... انا برضه صليت استخارة على نفس العربيتين.. ونزلت منصور احجز لقيتها اغلى 3000 جنيه

قلت انا مش هاخد دي علامة واسكت.. ربنا لو عايز يصرفها عني هيصرفها عني... وكلمت كذا معرض واحد فيهم قاللي ممكن ادهالك بسعر العرض فاتوكلت على الله

وللي أكدلي انه دي مشيئة الله انه مجرد ما نويت.. الفلوس ظهرت اصلاً قبل معاد ما كنت عامل حسابي.. واستلمتها يوم بدري

الموضوع مش انهي عربية فيهم احسن.... مفيش حاجة اسمها احسن اصلاً لأن دي سلع ولو في واحدة احسن من التانية على الاطلاق يبقى التانية موجودة في السوق ليه؟

كل واحد بيسأل ربنا المشورة في الحاجة اللي فيها نفعه هو شخصياً مش حاجة مطلقة.. ممكن يكون في ناس كتييييير شايفين انه الكروز عربية فاشلة... وتطلع بالنسبالي انا الذات السيراتو اختيار وحش لسبب ليه علاقة بطريقة سواقتي مثلاً أو براحتي النفسية

والله اعلم واللي معاه عربية ربنا يملاهالو بركة... والخناقى اللي حصلت في موضوع فيات دي غربية فعلاً.. ليه الناس متحفزين لبعض كده؟

متوسط السرعة في مصر دلوقتي 23كم في الساعة... في السعودية 40... يعني الناس اللي بتتخانق على اداء عربيات كلها اصلاً معمولة للمدن مش للسباقات.. اسمحولي اقولكوا انه في الاخر محدش فينا بيجري اوي... وعمالين اصلاً يركبولنا رادارات في كل حته... ف بالسلامة الجري اصلاً... اشتروا العربيات اللي تريحكوا عالبطيء عشان تستحملها في الزحمة

+111111111111111111111111

**kamalsalem** · 15-09-2010 05:09 PM

المشاركة الأصلية كتبت بواسطة engaass

:ta_clap[1]:+111111111111111111111111

انت فاهم قصدي عشان انت كمان من ضحايا عربيات الكتلة الشرقية هههههههههههه:b4_048:

**ghazy12** · 15-09-2010 05:11 PM

المشاركة الأصلية كتبت بواسطة normal

رغم حبى الشديد لعربيتى وأقتناعى التام أن سوق الفيات فى مصر ميت إلا أنى مقلتش فى يوم كلمه غلط ولا جورت على اللينيا
ودا الفرق

ده الكلام المظبوط, و ده اللي كلنا محتاجينه و لازم نفهمه فعلاً...

حبك لاي براند او عربيه مايكونش على حساب التقليل من اي براند او عربيه تانيه او الاستهانه بيها...

فيات فعلا مالهاش سوق في مصر دلوقتي, لكن ده مش معناه انها قليله زي ما قال نورمال...
اوبل مثلا سوقها في مصر مش على حجم اسمها الكبير... هل ده يقلل من اوبل..؟؟ لأ طبعاً

كيا سوقها ما شاء الله شغال بنجاح, و ده معناه ان اكيد كيا بتعمل عربيات محترمه ترضي الناس,
و لو عوامل الامان في سيارات كيا في مصر قليله, فده مش عيب كيا, قد ماهو عيب البلد
و عيب الوكيل... احنا ماعندناش مواصفات قياسيه مصريه, يبقى العمليه هتبقى مالهاش ظابط و لا رابط

كيا لو بتنزل عربياتها في مصر بمواصفات بره كامله, و سعر بره كمان..!! مصر كلها هتشتري كيا

دي مش مشكلة كيا بس, لان كل البراندات اللي في مصر كده (إلا من رحم ربي) زي مرسيدس و بي ام مثلاً

حتى فيات و غيرها من الاوروبي بتنزل بدون esp و عوامل امان كتيير بتتشال منها, ده غير الكماليات...

يعني من الاخر ماحدش احسن من حد, لان كل البراندات دي في مصر بتحكمها سياسه واحده و نظام واحد

احنا متفقين تماماً ان فيات براند عريق و محترم و ليه تاريخ طويل في صناعة السيارات...

و كمان لازم نكون متفقين ان كيا بردو براند محترم و كبير, و بقى ليه باع في صناعة السيارات...

و الفكره الاساسيه و انت بتشتري عربيه مش البراند قد ما العربيه كويسه و محترمه و تناسبك ولا لأ
بغض النظر عن البراند, و الصناعه, و الانتشار, و كام واحد اشترى............. الخ

يبقى السيراتو مناسبه, و اللينيا مناسبه... لكن كل عربيه مناسبه لناسها, يبقى ليه نقلل من واحده فيهم..؟؟!!
لو في فرق او نقطة تميز عربيه عن التانيه نوضحه, لكن مانعيبش في اي عربيه بدون سبب او كده و خلاص

ده رأي بشكل عام, و اتمنى ان الموضوع ينتهي و مافيش حد زعلان من حد

تحياتي للجميع...

الموضوع: كيف تصلى صلاة استخارة بطريقة صحيحة ؟ سيراتو ولا كروز ؟

LinkBack

أدوات الموضوع

عرض

-

-

-

-

-

-

المواضيع المتشابهه

كيف تعرض سيارتك للبيع بطريقة صحيحة - نصائح مجربة

بعد إذن الإدارة "كتابة لفظ الجلالة بطريقة صحيحة"

كروز ولا سيراتو

صلاة الجنازة بالسيدة نفيسة بعد صلاة الظهر

سيراتو ولا كروز؟!

الكلمات الدلالية لهذا الموضوع

المفضلات

المفضلات

ضوابط المشاركة