الموضوع: صوت تزييق في الفرامل

الصوت من الدواسة ولا من العجل ولا منين ؟؟؟ لأنه ساعات لما بتكون العربية لسة مغسولة أو أى سبب يخلى الفرامل مبلولة ... بتعمل كدة فى الأول لحد ما الفرامل تسخن و المية تتبخر

انا بردوا عندي الموضوع دة بس انا لاحظت ان الموضوع دة بيحصل لما ببقي راكن واطلع سواء بقي العربية مغسولة او طالع من الشغل بس علي الطريق مش بيحصل حاجة فانا قلت يمكن الفرامل بتطبع ولا حاجة..... انا بقالي شهرين جايب العربية وعربيتي اي اكس بردوا وكيل عاملة 4400كم فلو حد حصل معاة الموقف دة وراح التوكيل سأل علي الموضوع يقول... شكرا ليكم جميعا

نفس صوت التزييق ده بيحصل معايا لما أكون واقف وببدء أتحرك وبسيب الفرامل ببطء

المشاركة الأصلية كتبت بواسطة denden

من فضلكم عايزه استفسر عن حاجة..... انا معايا سيراتو 2010 ex و جاباها من حوالي شهر و عاملة 500 كيلو .... ساعات لما بدوس عالفرامل بتعمل صوت زي تزييق كده و سالت ناس قالولي انه عادي عشان الفرامل بتطبع و انا طبعا مش فاهمة يعني ايه لان دي اول عربيه اجيبها فممكن حد يقولي ده طبيعي و لا لا؟؟؟؟ عشان لو فيها حاجة اوديها التوكيل....

المشاركة الأصلية كتبت بواسطة kamalsalem

يا جماعة نقطة نظام الله يكرمكوا

الاوتوماتيك لو انت مش دايس فرامل عدل، يعني يادوب لامس الدواسة والعربية نفسها تمشي.. اول ما الفرامل بتفلت بتعمل صوت.. ده في اي اوتوماتيك

تزييقة دي يعني ايه بقى؟ انا عندي الفرامل بتعمل صوت لو بفرمل وانا بلف.. وده صوت تطبيع انا عارفه.. بس الغريب انه ف فردة واحدة.. في الصيانة كله هيبان ان شاء الله المهم العربية بتمسك ومش بتحدف مع الفرامل

يعني تزييق ولا صفارة ولاعضة؟ لو الصوت خفيف مظنش يقلق. بيتهيألي كل الزيرو بيبقى التيل بتاعه محمل شوية

هوا كلامك مظبوط بس ليه الصوت أصلا بيطلع علشان مش بتكون دايس فرامل كويس يادوبك لمسها بس فـالعربية بتبقى هتمشي والماتور مدي حركة للعاجل وإنت ماسك العاجل بـالفرامل بس مش جامد فـكأن العاجل هيلف وإنت مثبته بحاجة بسيطة يخلي يعمل صوت لو إنت دست فرامل جامد شوية الصوت ده هيروح خالص