الموضوع: كل ما تريد ان تعرفه عن منظف الرشاشات (فوائده,نوعه,سعره,طريقة استخدامه )

عصام باشا

استاذ و معلم فى الشرح بس عندى كام تعليق لو ممكن

انت بتقول نغير فلتر البنزين كل 5000 اعتقد دى اختيارية مش اجبارية و تتوقف من عربية الى عربية او بلاصح من شخص الى اخر . اللى دايما متعودين يحطوا بنزين لما التنك يشطب باستمرار يجب تغير الفلتر صح كل 5000 و لكن واحد مثلى مثلا دايما احط بنزين على النص او يوم ماتزيد اوى احط قبل الربع اعتقد معدل امن لخروج رواسب الى الفلتر عشان كدة بغير كل 10000 كم مع ملاحظة انى بمون من محطات نضيفة و طرمبات حديثة ذات فلاتر تنقية قبل مسدس التموين .

كلامك مظبوط

بس مش كل الناس بتعمل زيك

صح ؟

زى ما قال الاخ الفاضل . اللى مكتوب على عبوة ال stp انك بتحطها على فول تانك و كاتب تقريبا من 40 الى 60 لتر بنزين يعنى المفروض ان عملية التنضيف هتكون بنفس المستوى لو حاطط 40 او حاطط 60 لتر دا المفترض لية احطها على 15 لتر بس ؟؟ مش ممكن دا يكون لة اثار جانبية ؟؟ و الا كانت الشركة كتبت بدل من 40 الى 60 كتبت من 15 الى 25 مثلا و دا يمكن اللى خلاك تقول : :ثالثاٌ علشان متحطش المنظف وتبيت العربيه بيه فياكل وصلات البنزين فى العربيه لان كدة نسبة المنظف عالية جدا من 40 الحد الادنى الى 15 لتر فقط ... بدليل انة مقلش على العبوة انك لما تفرغ العبوة على تفويلة التنك لازم تخلص التنك يعنى العربية هتبات هتبات بالبنزين اللى علية المنظف و مش هيحصل حاجة و الا كانوا قالو .

هبسطلك الفكره بمثال

لو عندك ملابس متسخه

تحط مسحوق بتركيز صغير وتنقعهم اسبوع علشان ينضفوا

ولا

تحط مسحوق بتركيز كبير ويتغسلوا فورى

رأى شخصى

مركز ومع الجرى ينضف دايرة البنزين بالكامل تنضيفه صح

وفى نفس الوقت ميطولش فى العربيه ويأكل مواسير البنزين

موضوع انك تفك البوجيهات و تنضفها او تغيرها دا ينطبق على اللى قلتة فى اول كلامى . يعنى اللى مواضب على التفويل على مستوى عداد ع النص او اقل من الربع مش هيكون عندة نسب الوساخة لا فى الفلتر و لا فى البوابة ولا فى الرشاشات الا طبعا المعدل الطبيعى لاى عربية . ساعتها يلتزم بمواعيد تغير او صيانة البوجية العادية بغض النظر عن انة حط منظف او محطش

معدل تغيير الفلاتر بصفه عامه كل 10000 مع الاجواء المتربه وظروف التشغيل القاسى ( الاتنين موجودين عندنا ) بتنخفض الى النص وده كلام الكاتلوج

انا معاك متفق لما تحط المنظف يعنى انك تدى الغيار حقة شوية بس طبعا مش ع التانك كلة كام مرة كفاية .

مهو لو مشيت على كلامى وخلصت المنظف فى مشوار واحد مش هتحتاج انك تقرص على التانك كله والا تبقى ناوى تخلص على الموتور بدرى بدرى

السعر اللى بتقول علية 15 دا عمرى ما صادفتة هنا فى مصر . اى حد او محطة اسالها يقولوا 29 او 28 ملقتش اقل من كدة و اللى يعرف مكان بيبيع اقل من كدة يقلنا علية

يمكن اللى باعهولى بالسعر ده ميعرفش سعره الصحيح

عموما كلامى دا اختيارى و كل واحد حر فى عربيتة يارب يغير فلتر و يحط منظف كل 3000 كم الغاوى ينقط بطقيتة

صح كده

كل الكلام اللى بيتقال فى المنتدى غير ملزم بالنسبه لاى شخص والجميع له حرية الاختيار