الموضوع: كل ما تريد ان تعرفه عن منظف الرشاشات (فوائده,نوعه,سعره,طريقة استخدامه )

المشاركة الأصلية كتبت بواسطة agwaa

ممكن تقول لنا الألماني دة بيتباع فين وبكام ؟؟؟

فى شارع دمشق عند رؤوف اللى حاطط علامة فورد على المحل و فى التوفيقية و سعره بحاجة و تلاتين

انا استعملت منظف ليكوي مولي من كام يوم بس مش حاسس بفرق ممكن لاني ما عملتش كل النصايح اللي قالها ابو فارس هنا
بس عموما ناس كتير جدا بتشكر فيه و ده اللي شجعني اني اجيبه
هو ب 35 جنيه تقريبا و سعره لقيته ثابت عند كل الناس

مشكور .تسلم ايدك

المشاركة الأصلية كتبت بواسطة karimfahmy99

عصام باشا

استاذ و معلم فى الشرح بس عندى كام تعليق لو ممكن

انت بتقول نغير فلتر البنزين كل 5000 اعتقد دى اختيارية مش اجبارية و تتوقف من عربية الى عربية او بلاصح من شخص الى اخر . اللى دايما متعودين يحطوا بنزين لما التنك يشطب باستمرار يجب تغير الفلتر صح كل 5000 و لكن واحد مثلى مثلا دايما احط بنزين على النص او يوم ماتزيد اوى احط قبل الربع اعتقد معدل امن لخروج رواسب الى الفلتر عشان كدة بغير كل 10000 كم مع ملاحظة انى بمون من محطات نضيفة و طرمبات حديثة ذات فلاتر تنقية قبل مسدس التموين .

زى ما قال الاخ الفاضل . اللى مكتوب على عبوة ال stp انك بتحطها على فول تانك و كاتب تقريبا من 40 الى 60 لتر بنزين يعنى المفروض ان عملية التنضيف هتكون بنفس المستوى لو حاطط 40 او حاطط 60 لتر دا المفترض لية احطها على 15 لتر بس ؟؟ مش ممكن دا يكون لة اثار جانبية ؟؟ و الا كانت الشركة كتبت بدل من 40 الى 60 كتبت من 15 الى 25 مثلا و دا يمكن اللى خلاك تقول : :ثالثاٌ علشان متحطش المنظف وتبيت العربيه بيه فياكل وصلات البنزين فى العربيه لان كدة نسبة المنظف عالية جدا من 40 الحد الادنى الى 15 لتر فقط ... بدليل انة مقلش على العبوة انك لما تفرغ العبوة على تفويلة التنك لازم تخلص التنك يعنى العربية هتبات هتبات بالبنزين اللى علية المنظف و مش هيحصل حاجة و الا كانوا قالو .

موضوع انك تفك البوجيهات و تنضفها او تغيرها دا ينطبق على اللى قلتة فى اول كلامى . يعنى اللى مواضب على التفويل على مستوى عداد ع النص او اقل من الربع مش هيكون عندة نسب الوساخة لا فى الفلتر و لا فى البوابة ولا فى الرشاشات الا طبعا المعدل الطبيعى لاى عربية . ساعتها يلتزم بمواعيد تغير او صيانة البوجية العادية بغض النظر عن انة حط منظف او محطش

انا معاك متفق لما تحط المنظف يعنى انك تدى الغيار حقة شوية بس طبعا مش ع التانك كلة كام مرة كفاية .

السعر اللى بتقول علية 15 دا عمرى ما صادفتة هنا فى مصر . اى حد او محطة اسالها يقولوا 29 او 28 ملقتش اقل من كدة و اللى يعرف مكان بيبيع اقل من كدة يقلنا علية

عموما كلامى دا اختيارى و كل واحد حر فى عربيتة يارب يغير فلتر و يحط منظف كل 3000 كم الغاوى ينقط بطقيتة

+1