مشكله في الياريس يا جماعه

**dr.amr** · 15-03-2008 01:39 AM

انا ساعات يا جماعه لما ابقي ماشي بالعربيه
واشيل رجلي من علي البنزين وامور الاقي ال ار بي ام
نزل وبعد كده يطلع يظبط نفسه الموضوع ده بقاله فتره
وكمان العربيه طولت معايا في الدواره مرتين ف يومين

**SEATLOVER** · 15-03-2008 01:48 AM

اتأكد من البنزين الآول يا دكتور ..قبل ما تدخل فى متاهات الظاهر كل شوية هانقول كدة لحد فينا ..و اليك باقى الاعراض لو بتحس بيها
1-لسة ممون بنزين قريب
2-مش بتدور من اول مرة الصبح
3-ال Rpm بيلعب بعد السحب و الوقوف
4-العربية سحبها مش ذى الاول
5-صوت الموتور مش طبيعى
6-بتحتاج تغير قريب فى النقلات

لو دة بيحصلك ما تقلقش ..دة بنزين مضروب ..وبكدة تعرف انك أكيد فين .... ؟

**tutankhamoun** · 15-03-2008 08:48 AM

المشاركة الأصلية كتبت بواسطة SEATLOVER

اتأكد من البنزين الآول يا دكتور ..قبل ما تدخل فى متاهات الظاهر كل شوية هانقول كدة لحد فينا ..و اليك باقى الاعراض لو بتحس بيها
1-لسة ممون بنزين قريب
2-مش بتدور من اول مرة الصبح
3-ال Rpm بيلعب بعد السحب و الوقوف
4-العربية سحبها مش ذى الاول
5-صوت الموتور مش طبيعى
6-بتحتاج تغير قريب فى النقلات

لو دة بيحصلك ما تقلقش ..دة بنزين مضروب ..وبكدة تعرف انك أكيد فين .... ؟

بنزين مغشوش ......... ذمم الناس مغشوشة ........... لحم كلاب و حمير للكباب .......... يبقى أنت اكيد في ........... جمهورية السلطة العربية

بالنسبة لسؤال الدكتور أيمن ......... أنا آسف جدا يا دكتور أن تعليقي خارج الموضوع .......... و إن شاء الله تحليل عاشق السيات يكون في محله ........ و كدا يبقى أنت محتاج تغير محطة البنزين علشان تتأكد من العيب

**eng_mkhalaf** · 15-03-2008 11:25 AM

أنا فعلا لسة مفول العربية وحاسس أنها مش طبيعية تحت رجلى - 90% بنزين مغشوش - حسبى الله ونعم الوكيل

**Hassan Khalil** · 15-03-2008 12:03 PM

غالبا انه البنزين فعلا يا دكتور ..
و عشان كده بنقول للزملاء محدش يفول او يحط كمية كبيرة من بنزينة غير البنزينة اللي بيتعامل معاها .. عشان ميفولش و بعدين يتعذب بالتلاتين اربعين لتر اللي حطهم.
و ربنا يستر علينا .

**hero** · 16-03-2008 08:40 PM

غير البنزين...
حكاية الـrpm بتاعة الياريس دي....بتحصل لما يكون الموتور ماشي فترة علي سرعه بسيطة...ودة غالبا بيكون برمجة في وحدة الكونترول....لان العربية لما باجي اسخنها في اي وقت...(اول مرة) الـrpm بيعلي لواحدة....وبعدين يرجع ينزل تاني...لواحدة برضة...ودة متهيالي بدل انت ما تدوس بنزين او تفتح شفاط زي الكاربوراتير......