مبروك على الارض يالينيا

**elysmeen** · 15-09-2010 01:43 AM

النهاردة اللينيا عاملة 41450 كم من شهر 2/2010 الى شهر 9/2010 وكان عندى العجلة الى ورا يمين فيها كسر وعاملة بالونة قلت اغير الاربع عجلات بعد مادورت على المقاس الى جاى فى العربية دخت وملقتهوش فغيرت المقاس وركبت مقاس جديد 205 /55 /16 والمقاس الاصلى 195 / 55 / 16 الفرق بيت المقاسين 10مم فى العرض و 5.5مم فى الارتفاع والاحساس اختلف كليا اهم حاجة الدبة اللى فى النقر راحت نهائى + الثبات اعلى .
* على فكرة المقاس الاصلى بريدجستون مبتنزلهوش مصر

**MNabeih** · 15-09-2010 02:05 AM

المشاركة الأصلية كتبت بواسطة elysmeen

النهاردة اللينيا عاملة 41450 كم من شهر 2/2010 الى شهر 9/2010 وكان عندى العجلة الى ورا يمين فيها كسر وعاملة بالونة قلت اغير الاربع عجلات بعد مادورت على المقاس الى جاى فى العربية دخت وملقتهوش فغيرت المقاس وركبت مقاس جديد 205 /55 /16 والمقاس الاصلى 195 / 55 / 16 الفرق بيت المقاسين 10مم فى العرض و 5.5مم فى الارتفاع والاحساس اختلف كليا اهم حاجة الدبة اللى فى النقر راحت نهائى + الثبات اعلى .
* على فكرة المقاس الاصلى بريدجستون مبتنزلهوش مصر

الف الف مبروك يا باشا, بس براحة شوية علي العربية 42000 في 7 شهور, يعنى الشهر 6000.

بس طمني بالله عليك علي العربية ماشية كويس و عملت معاك اي حركة قلة.

بالنسبة للكاوتش هو للدرجة دي فرق لانى كنت ناوي اجيبه اعرض من اللي فيها و هل فرق في البنزين.

و الفردة عامله كام؟؟؟

ربنا يباركلك فيها.

**Eng_Moh.Dewair** · 15-09-2010 02:47 AM

الف مبروك يا باشا. على فكره انا برده اسكندرانى و مستنى اللينيا تنزل على احر من الجمر . بس كان عندى استفسار من حضرتك : هو انت بتعمل الصيانه بتاعت العربيه فين ؟ وعندك فكره التوكيل هيفتح فرع صيانه قريب فى اسكندريه ولا لا ؟ والف مبروك تانى على الارض

**damasry** · 15-09-2010 03:33 AM

الف مبروك يا باشا على العربيو والكيلومتر العالى ده اللى بياكد ان العربية ما شاء الله ممتازة

ربنا يباركلك فيها ويديك خيرها ويكفيك شرها

**damasry** · 15-09-2010 03:34 AM

التوكيل بالفعل بينشأ مركز صيانة ليه فى الاسكندرية ومقره ها يكون فى مرغم ومقدر ليه الافتتاح بعد شهر ونصف من الان

**damasry** · 15-09-2010 03:49 AM

المقاسات اللى موجودة فى الكتالوج المناسبة للعربية هى:

185/65 r15
195/60 r15
195/55 r16
205/45 r17

**yoko** · 15-09-2010 11:14 AM

مبروك وانا الي كنت فاكر نفسي عامل رقم بالعربيه أنا 20 ألف في 8 شهور
والمقاس ده على فكرة هيقلل الثبات سنة صغيره في الغرز بس مش هتبقى واضحة قوي والعداد قرايته هتبقى مش مظبوطة يعني لو العداد قاري 100 السرعة الحقيقية هتبقى 103 تقريبا فخلي بالك عشان الردارات
والمقاس موجود في ميشلان الي على الكورنيش نفس المقاس الأصلي
والمقاس الي ممكن كان يتحط من غير ما يفرق في العداد ويزود الثبات ال215\50\r16 بس الله أعلم هيخبط في الرفارف ولا ﻷ (بسبب العرض)