اعمل الفرح فين

**rockana** · 15-09-2010 04:20 PM

بس بصراحه الاوبن اير فكره حلوه جدا جدا جدا
وجوه حديقة الازهر فى حته كانت بتتعمل افراح اوبن اير و حفلات صباحية كمان كانت حلوه اوي (قريبه من ليك كافيه )

**ahmed_mido1889** · 15-09-2010 04:41 PM

انا حضرت فرح فى بلاين اير فى جمعية عرابى ال100 فرد ب22000 الف جنيه وعندك فيلل المنصورية والمريوطية ايجارها من ل2500 ل4500 دة غير لوازم الفرح وفى نادى المعلمين اللى فى الاوبرا قاعاته كويسة الكبيرة ابن عمى كان عامل فرحه فيها 300 فرد ب6000 ولو اوبن بوفيه بتزيد 2000 جنيه وفى قاعات نادى القوات المسلحة اللى فى المعادى كانت واحدة عاملة خطوبتها فيه 250 فرد القاعة والانوار والدى جى والبيبسى ب2500 جنيه والفرح تقريبا يلعبله فى 5000 او 6000 وفى فرع تانى لنادى القوات المسلحة فى الزمالك

**egyptawy2010** · 15-09-2010 05:27 PM

المشاركة الأصلية كتبت بواسطة eng/muhamad

حضرتك احنا لما سألنا على الافراح مثلا فى نادى الشرطه كنا بنسأل على فرح بامكانيات معينه كان هيتكلف 18000 تقريبا و انا رايح فرح فى نادى الشرطه يوم الجمعه متكلف 43000 نفس المكان ممكن الرقم يختلف فيه اختلاف كبييييييييييير على حسب الفرح نفسه و العدد و البوفيه

معلش انا مش قصدى ادايق حضرتك بس صعب جداااااا ان لم يكن مستحيل تحجز الفرح دلوقتى و تلاقى وقت فاضى فى شهر 10 احنا حاجزين بقالنا فتره و حجزنا يوم 16/10 كان اليوم الوحيد اللى فاضى فى شهر 10 لازم تحجز قبل الفرح بشهرين او 3 شهور على الاقل

استقرينا على دار الهيئه الهندسيه بصراحه جامد و اسعره كويسه و الفرح هيتكلف 15000 تقريبا
و فى حاجات كويسه كتير بس صدقنى لازم حضرتك تنزل تتفرج بنفسك عشان القاعات ازواق ممكن قاعه تعجبنى و متعجبش حضرتك
اتفرج فى الهيئه الهندسيه و فى المدفعيه و فى الشرطه و الدفاع ممكن برده

اه معايا بس للاسف مش هعرف ارفعهم عشان الاسكانر مش شغال
بس لو حضرتك عاوز تعرف اى معلومه من البروشر اسال و انا هجاوبك ان شاء الله

ياهههههههههههه
ده انا متاخر قوى طيب معلش ممكن حضرتك تقولىاسمالقاعةبالظبط وارقام التليفونات وانا اخلى حد يكلمهم
الف شكر

**egyptawy2010** · 15-09-2010 05:40 PM

معلش يا باشمهندس حضرتك بجد لفت نظرى انى متاخر قوى ومش عارف اعمل ايه

ممكن لوسمحت تقولى ارقام التليفونات؟

ومعلش اصل انااول مرة اجوز

فيه ايه تانى المفروض اعمله.......فيه تجهيزات تانى غير الفرح
معلش ممكن تقولى اعمل ايه وايه تانى الا المفروض اابدء اجهزهغيرالفرح

الف شكر

**MoHaMed HaMeD** · 15-09-2010 05:41 PM

الف مبروك مقدما
غازى باشا الفرح اتكلم كام قولى بس علشان الواحد يبقى واخد فكره وايه متوسط الاسعار لو هعمل فرح ف الهواء طلق بتأجير فيلا وكده عايزين نفيد ونستفاد ونظبط العريس والف مبروك يمان

**eng/muhamad** · 15-09-2010 05:59 PM

دار ضباط الاشاره
0222906625-0224170950-0224196801
دار المشاه
0222613655
دار الامداد و التموين
0224182366
دار ضباط الحرب الكيميائيه
0222907177

**eng/muhamad** · 15-09-2010 06:03 PM

بنسبه لتجهيزات الجواز
فانا 21 سنه لسه متجوزتش مقدرش افيدك اوى
بس ممكن تتأكد ان الشقه كل حاجه فيها متوضبه
لو حضرتك ناقصك ملابس تشتريها
لو ناوى تأجر عربيه للزفه تدور على عربيه كويسه
مش عارف فيه ايه تانى
ممكن حد من المتزوجين يفيدك اكتر منى

**egyptawy2010** · 15-09-2010 06:12 PM

المشاركة الأصلية كتبت بواسطة eng/muhamad

بنسبه لتجهيزات الجواز
فانا 21 سنه لسه متجوزتش مقدرش افيدك اوى
بس ممكن تتأكد ان الشقه كل حاجه فيها متوضبه
لو حضرتك ناقصك ملابس تشتريها
لو ناوى تأجر عربيه للزفه تدور على عربيه كويسه
مش عارف فيه ايه تانى
ممكن حد من المتزوجين يفيدك اكتر منى

الف شكر يا باشمهندس لاهتمتمك ومساعدتك
انا بسال من منطلق مساعدة اختك فى جوازها يعنى اكيد عارف
يعنى مثلا ااجر عربية منان وايه الاسعار
شهر العسل ايه شركات السياحة الكويسة
بس كده
الف شكر كمان مرة ويارب اشوفك عريسك قريب

**icehearted girl** · 16-09-2010 12:51 AM

مممممممممممممممممممم

بصراحة الفرح بيكون تحفة فمكان open area

وكمان الميزة انك تقدر تتحكم فلتكاليف اللي انت عاوزها من الف لميت الف

ممكن المكان يتزوق بديكورات رقيقة وبسيطة جدا ومنظر الخضرة طبيعي فلجنبنة مبيحتاجش بهرجة كتير

وممكن تعضو فتكاليف تانية زي فرقة موسيقية مثلا

مطرب لو تحب

او حتي DJ

بصراحة هتتحكم فلمصاريف علي اد ميزانيتك

وهتتحكم فلبوفيه اللي انت عاوزة كمان

وتجيب طقم سيرفيس كويس للمكان

الناس كلها هتكون مبسوطة بدل الاماكن المقفولة والخبط والرزع

ويسلام لو طقم كمنجات وموسيقي سلو بدل الخبط والرزع والرقص والهبل اللي بيحصل

انا اخويا عمل فرحة فأوبن اريا علبسين بس كان الاطفال مشكلة كبيرة جدا كلهم بيجروا علبسين عشان البلالين والمكان عميق جدا جدا فدي كانت اكبر مشكلة

وكمان كان ال DJ مقرف فعلا وكرهني فنفسي

---------------------

لو تحب حضرتك ارشحلك مكان سعره متوسط

جولف السليمانية.. الفرح ممكن يكون اوبند او في قاعة

وفي كذا اوبشن للبوفيه

وكمان متهيألي في اقامة يومين ممكن تلغيها لو تحب

واحلي حاجة بقي انه بعيد فمش كل من هب ودب هيجيلك الفرح

اخر حاجة سمعتها كانت تقريبا 17 الف

وقابلة للنقصان طبعا

**icehearted girl** · 16-09-2010 12:53 AM

ومعلش اصل انااول مرة اجوز

معلش معلش هي اول مرة كدا

فلمرات الجية هيكون الموضوع اسهل

وفي الاعادة إفادة ;)

الموضوع: اعمل الفرح فين

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

سؤال للفتيات (الفرح) ؟

دموع الفرح ...!!!

الفرح الاسلامي

اعلان فيلم الفرح

تكاليف الفرح .. نار نااااار

الكلمات الدلالية لهذا الموضوع

المفضلات

المفضلات

ضوابط المشاركة