رأي الخبراء في دايو ماتيز 99

**mido_algen** · 15-03-2008 01:32 PM

السلام عيكم ورحمة الله وبركاته

لو سمحتوا يا شباب انا قدامي عربيه دايو ماتيز موديل 99 عامله حوالي 80 الف كيلو

علي 30 الف ياريت اعرف رايكو تنصحوني بيها ولا

وهي 850 سيسي ياتري هتنفع في الجري والسفر

وهل ممكن يتسقطلها موتور

**fahd_628** · 15-03-2008 01:40 PM

هتنفع في الجري والسفر

معتقدش حتنفع فى الجرى و كمان لو حملت معاك 2 او 3 حتموت ( تجربتى مع ال 1000 سى سى بس موديل قديم شوية بس حالتة ممتازة )

السفر مش حتقول لأ بس مش كتيير طبعا

وهل ممكن يتسقطلها موتور

لا مينفعش

انا رأى تزود شوية و تجيب سويفت او اى حاجة كدة معروفة و كويسة لأنى مبحبش الماتيز دية خالص و سسعرها مبالغ فية انا مرة شفت واحدة معروضة على 35 الف :( ازاى يعنى معرفش

**SEATLOVER** · 15-03-2008 01:46 PM

العربية ممتازة عموماً جوة البلد ..بس من كلامك كدة مش هاتنفع معاك الماتيز .

**mohamed ibiza** · 15-03-2008 01:51 PM

من كلامك كده الماتيز ممكن تفوت منك بعد يومين و ربع و تسقيط دي فكرة فاشلة مع الماتيز لو معاك في حدود الثلاثينات هاتلك سويفت بس بلاش قرص و جري لان موتورها تعبان مش جامد اساسا و كانت عند والدي باعها اول ما جاب الابيزا و السويفت خفيفة كمان هاتلك ابيزا 94 زي بتاعتي كده هتعجبك بتجري و تشد و تقرص و موتور حمول و الماني و عربية ثباتها مرعب فكر كده و شوف امكانياتك

Ibiiiiiiiiiiiiiiiiiiiiiiiiiiiizzzzzzzzzzzzzzzzaaaa aaaaaaaaaaaaaaaaaaaa For Ever

**mido_algen** · 15-03-2008 02:54 PM

ميرسي يا شباب علي ردودكوا

فعلا شكلها كده مش هتنفع معايا خالص

**mido_algen** · 16-03-2008 01:21 PM

طب يا جماعه سؤال تاني هيا في السفر متجبش 120 كيلو في الساعه حتي

يعني متسافرش 30 كيلو وترجع تلت مرات في الاسبوع يعني ايه اخبارها في السرعه

اصل هيا داخله دماغي جدآ مع العلم ان انا شاب يعني مش هعوزها عائليه

**mohamed_88sk** · 16-03-2008 02:03 PM

والله في رأيي بلاش هو طبعا الرأي رأيك اولا وأخيرا بس أنا كانت مع المدرس بتاعي كان بيشتكي منها مع أنه رلااجل كبير في السن يعني مش بتاع قرص وشد وكده يعني أستعماله حنين قوي قوي فمش حتاكل معاك متهيألي ... ممكن تبص على الأبيزا زي ما قالوا الزملاء أو البولو برضو شايفها محترمه وشيك جدا ..

**Nader** · 16-03-2008 04:46 PM

المشاركة الأصلية كتبت بواسطة mido_algen

طب يا جماعه سؤال تاني هيا في السفر متجبش 120 كيلو في الساعه حتي

يعني متسافرش 30 كيلو وترجع تلت مرات في الاسبوع يعني ايه اخبارها في السرعه

اصل هيا داخله دماغي جدآ مع العلم ان انا شاب يعني مش هعوزها عائليه

تسافر 30 كيلو طبعاً دي مسافة صغيرة جداً وعلى فكرة هي الموتور بتاعة مناسب جداً على

حجمها بس مشكلتعا الثبات بتاعها وحش جداً خصوصاً بسبب قاعدة العجلات ضيقة جداً ولو

ملف متوسط مع سرعة 80 ولا 90 ممكن تتقلب بسهولة.

يعني من الاخر دة عربية ممتازة داخل المدن وعملية جداً في الزحام لكن جري وشد متنفعكش.

**khaledsaad** · 03-11-2008 04:50 PM

بص يا باشا العربيه معايا من فتره مش كبيره اول حاجة الحاله لانها نفرق كتير جدا العربيه دي منها حالات حلوة اوي وحالات وحشه اوي المهم ان الاسعار بتحكم انا لفيت عليها 3 شهور وشفت من 29 الف لغايه 42الفمش هاتصدق انا جيبت واحده 99 عامله56الف كيلو بروح بيها الغشل تقريبا 25ك يوميا معايا 2 زمايلي والسرعه 120/100 شغاله بس طبعا التكيف مش شغال لانه بيهبط العربيه نصيح لو هاتجيب ماتيز يبقي استنضف
شكرا