الموضوع: أخدت مخالفة و عاوز رأيكم......أنا غلطان ولا لأ ؟

المشاركة الأصلية كتبت بواسطة waelfarid

الاولوية للمواطنين في الخلييييييج

في الامارات فيه عدالة احسن من باقي الخليج شوية .... واحد صاحبي عمل حادثة مع واحد من الاسرة المالكة و الشرطة اعتبرته هو على حق و التاني غلطان

و كمان اغلب الشرطة في الامارات - بالذات المرور - مش مواطنين .....

المشاركة الأصلية كتبت بواسطة ahmed a.maksoud

السلام عليكم

من أقل من ساعة كنت راجع أنا و المدام و الأولاد من مشوار ( فى الإمارات )

باختصار كده اللى حصل كان كالأتى

الطريق 3 حارات و بيضيق يبقى حارتين....و أنا ماشى فى الحارة اللى فى النص
على يمينى كان فيه عربية عاوزة تدخل فى الحارة اللى أنا فيها علشان حارته بتتقفل.....أدانى إشارة و هو عربيته على يمينى بس أخرها فى نص عربيتى.....أنا كنت ماشى على 80 تقريباً و مش عارف لو فرملت كان اللى ورايا أيه ظروفه.....بصيت على شمالى لقيت عربية جاية بسرعة

حرقت فى حارتى علشان أطلع من اللى على يمينى و هو حرق هو كمان.....المهم طلعت منه بس حكلى الأكصدام الخلفى من ورا ناحية اليمين......

ركنا أحنا الأتنين و نزلنا.....لقيت واحد بسم الله ما شاء الله معدى ال 2 متر بشوية كويسين.....كنت هضحك بس مسكت نفسى....المهم طلعلى id و إذا به ظابط مرور :i_angr1[1]:

كتبلى مخالفة أسمها هنا " القيادة بتهور بصورة تشكل خطر على الأخرين ".....كل ده و أنا أصلاً من الموقف مش واخد بالى أنه كان بيحاول يطلع من يمينى و أن ده على حد علمى مينفعش إلا لو أنا سمحت له.

المهم المخالفة دى عقوبتها الأتى
1- غرامة 1000 درهم
2- 12 نقطة سوداء ( ليا 24 نقطة خلال السنة لو خلصوا من مخالفة كمان زيها أبتدى أطلع رخصة من أول و جديد )
3- حجز العربية شهر ( أو أدفع بدل اليوم الواحد حجز 100 درهم....يعنى 3000 درهم فى الشهر )

دلوقتى رأيكم أيه علشان أنا بفكر أروح أعمل تظلم بكره.....بس ده بيتعمل عند مدير المرور و مش عاوز أروح إلا لو أنا على حق.

مش المفروض انه طالما طالع من يمينى حتى لو مدى إشارة يستنى لما أسمحله.....و لا أنا بيتهيألى ؟؟؟؟

مش مفروض انك غلطان ..... المفروض هو اللي يهدي و يخش وراك ...... انت حرقت عشان لو هديت كان ممكن اللي وراك يلبس فيك و يلبسك في الباشا و تبقى حادثة عالمية ...... و المفروض انك اما حرقت هو يثبت سرعته عشان يخش وراك ......


اتظلم يا ماو .... و ربنا معاك


و ما تنساش تسلم لي على ريم (ريم البوادي مش حاجة تانية !!)

المشاركة الأصلية كتبت بواسطة ashraf229

ايوة طبعا....

كل واحد مسؤول عن اللي على يساره

يعني عالهاي واي لو انته عايز تمسك الشمال علشان تمشي بسرعة تدي اشارة و تستني لما يسمحولك انشاله ساعة لازم اللي عالشمال يسمحلك صاحب السرعة الاعلى.......لانك لو دخلت عليه بدون ما يسمحلك و تسببت في حادث يكون عليك الخطأ بالكامل

زي بالظبط كده ما اللي ورا دايما غلطان........

و كمان في الميادين و الدوارات الأولوية دايما لمن بداخل الميدان مش اللي لسه يهدخل عالتقاطع او الدوران......يعني لو كبست مثلا و طلع واحد جاي بسرعته عايز يدخل الطريق العمودي و خبطه من الجنب تكون انته المخطىء .........

والرد ده عن خبرة سواقة سنين في الخليج الامارات و السعودية..........

و الله اعلم

و الله يا باشا أنا الكلام ده كله عارفه......أنا طلعت قبل كده رخصة من قطر من 11 سنة......بس هو زى ما تقول كده ساعة ما الموضوع حصل مكنتش مركز...........و على فكرة الراجل و هو بيكتب المخالفة كانت أيده بتترعش :)

المشاركة الأصلية كتبت بواسطة hhendmos

روح اعمل تظلم في نيابه المرور والقاضي حايخفض العقوبه
لاني عملتها مرة في مخالفة اشارة حمرا
عملي تخفيض للغرامه
وربنا يكون في عونك

تخفيض ماشى.....بس 12 نقطة سوداء و حجز العربية شهر من غير ما أكون أنا الغلطان ؟؟؟

المشاركة الأصلية كتبت بواسطة waelfarid

الاولوية للمواطنين في الخلييييييج
ربي العيال والله يعوض عليك في الغرامة
عفوا هو انت مطلعتش بحاجة عن جور من هو ذو نفوذ في فيلم الزوجة الثانية وبعدين هما لا يتورعو عن عمل اي شيء تجاه المقيم اللي هو في نظرهم عبد
وحاول وديا تلم الموضوع وربنا يسترها معانا جميعا

الموضوع مش كده خالص فى الإمارات على فكرة

المشاركة الأصلية كتبت بواسطة sh_sunsea

هي كون السواق الآخر هو الظابط الي خد المخالفة - ده في حد ذاته غلط ويلغي العقوبة من اساسها - ويمكن تعمل عقوبة عليه هو شخصيا - حتى اذا كنت انت غلطان

فما بالك ان الغلطة غلطته فعليا - يمينك - والخبطة عندك ورا - وهو الي كان بيسوق بتهور - روح فورا اتظلم - وتابعنا بالنتيجة

هى الفكرة ان هنا فى حاجة أسمها تحريات المرور دول بيبقو ظباط لابسين مدنى و راكبين عربيات عادية وماشيين عادى جداً فى وسط العربيات.....يشوفوا المخالف و يسجلوا المخالفة.

بس الشخص ده كان راكب عربيته الشخصية....مش عارف مسموح لهم أستخدام عربياتهم الشخصية فى الشغل ولا هو كان خارج ساعات عمله؟