الموضوع: أخدت مخالفة و عاوز رأيكم......أنا غلطان ولا لأ ؟

المشاركة الأصلية كتبت بواسطة fadod

مش المخالفات ده بتقوم فيها محامي ...شوف لك محامي كويس ..أنا أعتقد إن الراجل دة ذي ما عندنا هنا في أمريكا بنسميه undercover يعني راكب عربية ملاكي ونمر عادية ملاكي و لبس ميري كمان ..بس لازم يكون معه السرينة اللي في عربية البوليس العادية والنور الفلشر مخبنيهم خلف ال جريل أو الشبكه..يعني مبيكونش علي سقف العربية ..وله الحق يوقفك ويدلك مخالفه بنفسه ..بس شرط يكون في عربيه ال-undercover اللي الحكومه مسلمهله ، مش ملاكي


لسه وخد مخالفه speed علي ال-highway من إسبوع ماشي 86 ميل علي 70 ...و جابني بمسدس ليزر ..أي كاشف رادار ب-50 دولار كان كشفه ..المشكله هنا في التأمين بينط الضعف لما تاخد مخالفه..بس جالي في البوسته لحد دلوقتي إعلانات من 7 محاميين ،لو عايز أوكل حد فيهم ..وربنا يستر

لأ هنا مفيش شغل محاميين فى الحاجات دى..........هى أصلاً معمولة لهدف تانى مع هدفها الأصلى اللى هو الحفاظ على الألتزام المرورى.
الهدف التانى هو أن اللى عاوز ميحافظش على قواعد المرور ممكن ميحافظش......بس يستحمل المخالفة و بدل حجز العربية و بدل نقاط سوداء.
يعنى مخالفتى ب 1000 درهم و 12 نقطة سوداء و حجز العربية شهر
ال 1000 ممكن يدفعوا عادى
حجز العربية شهر ممكن متتحجزش بس تدفع على اليوم 100 = 3000 فى الشهر
ال 12 نقطة ممكن تدخل محاضرات سواقة نظرية و تشيلهم.....بس مش عارف لسه بكام بقى

كله هنا ماشى بالفلوس بس قانونى

المشاركة الأصلية كتبت بواسطة ahmed nouh

وانت اكتر والله يا باشا , ان شاء الله ترجع بالسلامة ونشوفك عن قريب

إن شاء الله يا بوحميد

إستكمالاً لمسلسل الكوسة المصرى اللذى تم تصويره فى الإمارات

إليكم أخر الأنباء

كنت بكلم واحد صاحبى أول أمبارح بالليل و بقوله أنا رايح أعمل تظلم بكره إن شاء الله.....قالى هاجى معاك.....ماشى.

كلمته تانى يوم الصبح و أنا رايح.....قالى طيب استنانى نص ساعة فى مكتب الأستاذ حسن ( ده مكتب تبع الشغل و جنب المرور على طول و الراجل ده مصرى و بقاله 30 سنة عايش هنا ) المهم رحت سلمت على الأستاذ حسن و قعدت معاه شوية و بقوله أنا مستنى فلان علشان كذا كذا كذا
الراجل سألنى على تفاصيل المخالفة و طلب منى يشوفها.....أديتهاله
و هى فى أيده مسك الموبايل و كلم واحد عرفت فيما بعد أنه شغال فى الشرطة و فى نفس ذات الوقت نسيب مدير المرور

و حكى له على الموضوع بأختصار

الراجل أستغرب من أن الظابط اللى عمل معايا المشكلة هو هو اللى أدانى المخالفة......من غير ما يطلب دورية تعاين.

و أكد عليه على تفاصيل المشكلة.......كان بيحاول يتأكد أنى غلطان ولا لأ

و قاله يجيب له المخالفة و هو هيحاول فيها......بس لو دخلت على السيستم ( و هو ده اللى حصل من تانى يوم للمخالفة ) مش هيقدر يلغيها...بس ممكن يشيل حجز العربية و أحتمال النقط السوداء.......إلا فى حالة واحدة ممكن يشيل المخالفة كلها.....أنهم يتأكدوا أنى مش غلطان......و قاله كمان أن لو ثبت لهم أن الظابط غلطان ( على أساس أن كان خصم و حكم فى نفس الوقت ) ممكن يتحول للتحقيق.

النهاردة لقيت تليفون من الأستاذ حسن بيقولى أن الراجل عدى عليه و أخد المخالفة و اخد رقم تليفونى و أحتمال يكلمنى و هو فى المرور علشان يستفهم عن أى أستفسار

فضلت قاعد قدام التليفون لمدة 3 ساعات مستنى المكالمة المتوقعة

لقيت الأستاذ حسن بيكلمنى تانى و بيقولى خلاص المخالفة أتشالت من طأطأ لسلامو عليكم....يعنى مش هدفع حاجة خالص و كأنها لم تكن.


الحمد لله

ههييييييييييييييييييييييي يييييييييييييييييييييييه