ما هو أكثر ناقل حركة (فتيس) عجبك وليه؟

**hosam2010** · 15-09-2010 11:03 PM

على غرار موضوع أثبت عربية فكرت نكمل الموضوع بسلسلة مواضيع عن أجزاء السيارة
هابتدي بنفسي
-جولف 5 :يعتبر أحسن ناقل حركة جربته سلس جدا ، لا يوجد احساس بالنقل تماماً
-فورد فوكاس الشكل الحالي :زي الجولف تماماً في نفس المزايا لكن هو أربع نقلات فقط مش خمسة هو بصراحة ميوعتبارش عيب اوي لكن ممكن يكون الخمس نقلأت أفضل
-ابيزا 2001: الجير بوكس هنا كان مانوال مش اوتوماتيك لكن رغم كدة لفت نظري اوي في سالاسته ودقته والمسافة بين النقلأت

بالنسبة للأسوا
-فيات 127,128 : مثال حي للصعوبة والرخامة ، مفيش عربيتين تلاقيهم زي بعض كل واحدة ليها طريقة سرية عشان تتعود عليه
بالنسبة لل 127 اعتقد إن تسعون في المئة من اللي هايسوقها أول مرة هيجيب تالت بدل أول
-تويوتا كرولا 2010 mmt: مهما حاول توكيل تويوتا في مصر انه يقنعني إن ده طبيعي ومجرد أسلوب سواقة مش حقتنع ، أنا جربت العربية وقت زحمة وفعلا ماستحمالتهااش احساس النقلات فظيع تحس إن العربية بتفصل كدة

مستني تجاربكم

**محمد محمد** · 15-09-2010 11:24 PM

افضل فتيسين سوقتهم الcvt بتاع اللانسر والmmt بتاع الكورولا بتاع اللانسر التطور الطبيعي للأوتوماتيك وبتاع الكورولا بعتبر التطور الطبيعي للفتيس المانيوال متعدد الأستخدامات ...لما بسوق الأوتوماتيك العادي بحس انه فتيس خنييييييييق اوي.

المشاركة الأصلية كتبت بواسطة hosam2010

-تويوتا كرولا 2010 mmt: مهما حاول توكيل تويوتا في مصر انه يقنعني إن ده طبيعي ومجرد أسلوب سواقة مش حقتنع ، أنا جربت العربية وقت زحمة وفعلا ماستحمالتهااش احساس النقلات فظيع تحس إن العربية بتفصل كدة

مستني تجاربكم

حضرتك اكيد كنت ماشي علي الوضع e الأوتوماتيك....صح؟

**hosam2010** · 16-09-2010 04:23 AM

المشاركة الأصلية كتبت بواسطة محمد محمد

افضل فتيسين سوقتهم الcvt بتاع اللانسر والmmt بتاع الكورولا بتاع اللانسر التطور الطبيعي للأوتوماتيك وبتاع الكورولا بعتبر التطور الطبيعي للفتيس المانيوال متعدد الأستخدامات ...لما بسوق الأوتوماتيك العادي بحس انه فتيس خنييييييييق اوي.

حضرتك اكيد كنت ماشي علي الوضع e الأوتوماتيك....صح؟

صح كنت ماشي على إلوضع e

**SeiffoZ** · 17-09-2010 04:55 AM

فتيس المينى فابيا تبترونيك 6 نقلات

**AlGazar2** · 17-09-2010 05:22 AM

احسن فتيس و ده بيبقى على حسب الوقت

يعنى من سنتين كان فتيس ال 27 ده حاجة جامده و نقلات سهلة و كانت بتيجى معايا من اول مرة (نفس الكلام بالنسبة لل 28 ) بس كانوا عايزين خريطة عشان تديها المارش مش اى حد يعرف يجيبة

بعدها فتيس النوبيرا كان نقلة نوعية كبيره جدا

دلوقتى بنقل لل 27 من غير دبرياج اصلا

اكتر فتيس عجبنى لغاية دلوقتى

بتاع لانسر بومة 2005 1300 مشوارة قصير مش طويل زى النوبيرا سلس فى النقل بتاعة

مسوقتش و مش هاسوق غير مانيوال ان شاء الله