ارجو المساعدة - الدخول للرجال فقط -

**doctor_eid** · 18-09-2010 09:56 PM

المشاركة الأصلية كتبت بواسطة grumby78

عجبني رد حضرتك جدا يادكتور عيد صياغه ممتازه للافكار وخبره حياتيه تنم عن الكثير
والقناعه بالحلال كنز لايفنى
دمت بصحه

[QUOTE=Magdyahassan;3873048756]

المشاركة الأصلية كتبت بواسطة doctor_eid

لا فُضَّ فُوكَ

اشكركم على ذوقكم و ربنا يهدينا و يهدي بنا
لي استكمال
يقول رسول الله صلى الله عليه و سلم "لم نر للمتحابين مثل النكاح" رواه ابن ماجة
الأخوة اللي بيقولوا له اتجوز واحدة تانية لو عايز حنان و حب بس تكون انسانة محترمة ...الخ... فاهمين غلط.
ده هيبقى مجرد ترحيل للمشكلة و لس حل لأنه بالبلدي "عايز البنت دي و نفسه فيها" و مفيش واحدة تانية تقدر تنسيهاله. و هيفضل طول عمره يقول لو كنت معاها كنت عشت كذا و كذا و الحب و الحنان و المشاعر ....الخ
الا اذا ربنا اداله القوة و امتنع عن العلاقة دي بكامل ارادته
و كمان ممكن تفهم من الحديث ده و ربنا يغفرلي ده مش تفسير و لا تأويل للحديث انه زي ماسبق و قلتلك: لو اتجوزتها هتلاقي كل اسباب انجذابك ليها اختفت و اسباب نفورك من مراتك ظهرت. يعني هتلاقي بعد الفرحة الأولانية ان الحكاية ما كانتش مستاهلة و بالتالي فان الجواز "النكاح في الحديث" كفيل بأن يكب مية باردة على مشاعر الحب اللي عندك تجاهها و تبقى الحكاية جواز عادي و دمتم، ده ان لم يظهر كمان ما ينفرك منها. طبعا دي مش دعوة ليك انك تتجوزها انا بس باستقرئ لك المستقبل لو ده حصل

انا كنت قلت لسيادتك انك تكلمها بسماجة و نشوفية و بالبلدي تعمل انك كنت برم و صايع و بتلعب بيها.
و اعتقد و ما زلت ان دي كانت الطريقة اللي تنفرها منك لو حست انك فعلا قادر تستغنى عنها
لكن احد الأخوة هنا نصحك انك تقولها كلام من نوع انا خايف من ربنا و الكلام الحلو ده. طبعا انا و كلنا و الحمد لله خايفين من ربنا... و لكن مع الصنف ده لما تقول كده تكون النتيجة انها تتأكد انك غلبان و مدلوق و عين في الجنة و عين في النار فتضرب على الحديد و هو ساخن و تلعب على الوتر الحساس.... و اديك شفت بنفسك. الهانم المحترفة (البروفشنال يعنى) قالتلك و بكل نعومية الصوت و المسكنة اللي في الدنيا و اكاد اسمعها بودني" طيب مادام خايف من ربنا يبقى نتجوز".......... الف مبروك ياباشا......البس بقى.
و انت زعلت من اللي كلموك ناشف طيب عايز ايه اذا كنا شايفينك واقف قدام القطار و مش عايز (باين من كلامك) تسمع نصايح بالحسنى.

على فكرة انا ما كلمتكش في الحلال و الحرام لأن الحلال بين و الحرام بين و لكن انا حاولت اتكلم من منظور عمومي علشان مايبقاش شكلي باوعظ.
انا برضه ضد انك تبلغ مراتك بالموضوع لأنه ربما يسبب شرخ بينكم لا يمكن علاجه، اما لو الظروف حكمت و الموضوع بلغها من بره فنبقى ندور لها على حل و ربنا يستر
ان كان لك صديق جدع مخلص حقيقي و مش من على النت زينا حاول تستعين بيه يمكن يقدر يساعدك زي ما عملنا مع صاحبنا اللي حكيت لكم عنه زمان.

آخر حاجة هاقولهالك و اعتذر عن المشاركة تاني في الموضوع لأن الكلام كتير و لكن المهم التنفيذ
قال رسول الله صلى الله عليه و سلم "استوصوا بالنساء خيرا فإنما اخذتموهن بأمانة الله و استحللتم فروجهن بكلمة الله" اخرجه ابو داود.

**opelawy** · 18-09-2010 10:06 PM

انا مش عارف انتا بتعمل كده ازاي بصراحة انا لسه مش اتجوزت بس لو مكانك هخليني ورا مراتي لحد ما تتعدل و اتعدل انا معاها و اكون مبسوط

يا لما تسريح باحسان و اعمل اللي انتا عايزوو

( هتقلب الطرابيزة علي اللي فيها )

**zkralla** · 18-09-2010 10:39 PM

ابعد وبمنتهى الحسم لأنك هتتفأجى أن بيتك وكل الى حواليك بينهار
وحنيه ايه يا باشا ده أنت بتقول انها طماعه يعنى كله تمثيل فى تمثيل وحضرتك الزبون الى بيتعمل عليه الشغل ولا فيه حنيه ولا بتاع

**mrwho1982** · 18-09-2010 10:53 PM

مرة في واحد ماشي في شارع لقي حفرة فبيقول لصاحبة الحفرة دي غويطة .....

قالو معرفش ......

قالو طيب انا هانزل اشوف هو غويطة ولا لا

صاحبو قالو لا

صاحبنا كبرت في دماغو ونزل

وكانت النتيجة ان هو معرفش يطلع

الناس هنا كلها بتقولك لا

وعلي فكرة مشكلة قلة العاطفة اللي في البيت اللي عندك دي مش مشكلتك انت بس
موجودة عند ناس كتير

وانت بشطارتك اخرج من المود ( قعد قعدة صفا وعاتبها وماتقلبش الحوار خناق )

اسمع كلام الناس اللي هنا

سامحني في الكلمة دي ( اسمع الكلام بدل ما الدنيا تديك قلم هتكره نفسك بعدها )

ابو عبد الله

**l0new0lf** · 18-09-2010 11:32 PM

فَبِمَا رَحْمَةٍ مِّنَ اللّهِ لِنتَ لَهُمْ وَلَوْ كُنتَ فَظًّا غَلِيظَ الْقَلْبِ لاَنفَضُّواْ مِنْ حَوْلِكَ فَاعْفُ عَنْهُمْ وَاسْتَغْفِرْ لَهُمْ وَشَاوِرْهُمْ فِي الأَمْرِ فَإِذَا عَزَمْتَ فَتَوَكَّلْ عَلَى اللّهِ إِنَّ اللّهَ يُحِبُّ الْمُتَوَكِّلِينَ
لَهُمُ الْبُشْرَى فِي الْحَياةِ الدُّنْيَا وَفِي الآخِرَةِ لاَ تَبْدِيلَ لِكَلِمَاتِ اللّهِ ذَلِكَ هُوَ الْفَوْزُ الْعَظِيمُ

صدق الله العظيم

**live4love** · 19-09-2010 01:42 AM

كل الناس هنا بتقولك سيبها لكن أنا رأيي إن لو إنت عايزها في الحلال إتجوزها. المسلم له مثنى و ثلاث و رباع لكن زواج علني مش سري. يعني لازم مراتك و العالم كله يعرف. شوف بقى يا حلو هتقنع مراتك إزاي بإنك تتجوز عليها. ده غير إن لازم تعدل بينهم في كل حاجة. لكن أنا شايف إن من كلامك إنها عايزاك عشان فلوسك و مستواك المادي. والنوع ده هايوريك سواد الليل بعد الجواز.لكن لو إنت شايف إنها عايزاك لشخصك و هاتحافط على عرضك فحلال ربنا مفيش أحسن منه.

**popupp** · 19-09-2010 03:34 AM

متشكر جدا جدا جدا لكم كلكم يا جماعه
حقيقي كلكم اصدقاء بجد واستفدت كتييييير من كلامكم وايقظ فيا مشاعر الابوة تجاه اولادي

واشكر الناس اللي كلمتني علي الخاص شكر من كل قلبي
واشكر الدكتور عيد لردو اللي حقيقي كان مثل جرس الانذار وايقظني - مع ردودكم طبعا - من غيبوبة فكرية كدت ان اسقط فيها

النهاردة بالليل كنت مخنوق - كالعادة - اتصلت بواحد صاحبي ومشينا ورحنا كافية المهم واحنا ماشيين من كترة خنقتي قلتله تعال سوق انت بدالي
وطبعا لما ببقي قاعد جنب اللي سايق بتفرج علي الناس براحتي

ولقيت مفاجأة
مش عارف ربنا بقي اللي بعتها ولا هي جت ازاي
لقيت البنت دي راكبة مع واحد عربية
تخيلوا
اللي كانت عايزة تتجوزني وتشيل اسمي وكمان تجيب عيال يورثوني طلعت ( ........... )
في الحقيقة انا كنت شاكك في الموضوع ده من الاول لانها عرضت هي عليا كدا بس انا اتحرجت ااقولكم قبل التطور الاخير اللي حصل النهاردة ده
ولما سألتها انتي المفروض بنت قالتلي لا

انا بصراحة كنت عايز ااقضي يومين معاها لما لقيتها كدا وخلاص
بس فين ربنا وولادي ومراتي اللي كل ذنبها انها مش حنينة

حكمت عليهم كلهم بالاعدام عشان نزوة شخصية

انا بعد كلام الدكتور عيد قفلت النت خالص وقعدت قريت قرأن حسيت بشعور غريب جدا جدا بعد ما خلصت قرأة القرأن

لما بتذكر بشعور بنفور من نفسي تخيلوا وبقول لنفسي انا ازاي اعمل كدا؟؟؟؟؟؟؟

انا لي وضعي ومكانتي في شغلي والمنطقة اللي ساكن فيها ولي بيت وزوجة واولاد وحياة كاملة ازاي افكر كدا؟

بس في شيطان راكب علي رأسي وبيقولي نام معاها مرة وتوب وانا دلوقتي في مرحلة مقاومة الشيطان ده مش مقاومة البنت زي ما كلكم نصحتوني

ولما ييأس مني يقولي ممكن تتجوزها عرفي وتطلقها شيطان فعلا
ربنا يثبتني يا رب
ادعولي يا جماعه فانا في مرحلة حرجة جدا

واشكركم جدا جدا من اعماق قلبي علي وقفكم كلكم بجواري في تلك المحنة التي لا استطيع ان اتحدث فيها غير معكم انتم فقط

**magyver** · 19-09-2010 03:48 AM

المشاركة الأصلية كتبت بواسطة popupp

متشكر جدا جدا جدا لكم كلكم يا جماعه
حقيقي كلكم اصدقاء بجد واستفدت كتييييير من كلامكم وايقظ فيا مشاعر الابوة تجاه اولادي

واشكر الناس اللي كلمتني علي الخاص شكر من كل قلبي
واشكر الدكتور عيد لردو اللي حقيقي كان مثل جرس الانذار وايقظني - مع ردودكم طبعا - من غيبوبة فكرية كدت ان اسقط فيها

النهاردة بالليل كنت مخنوق - كالعادة - اتصلت بواحد صاحبي ومشينا ورحنا كافية المهم واحنا ماشيين من كترة خنقتي قلتله تعال سوق انت بدالي
وطبعا لما ببقي قاعد جنب اللي سايق بتفرج علي الناس براحتي

ولقيت مفاجأة
مش عارف ربنا بقي اللي بعتها ولا هي جت ازاي
لقيت البنت دي راكبة مع واحد عربية
تخيلوا
اللي كانت عايزة تتجوزني وتشيل اسمي وكمان تجيب عيال يورثوني طلعت ( ........... )
في الحقيقة انا كنت شاكك في الموضوع ده من الاول لانها عرضت هي عليا كدا بس انا اتحرجت ااقولكم قبل التطور الاخير اللي حصل النهاردة ده
ولما سألتها انتي المفروض بنت قالتلي لا

انا بصراحة كنت عايز ااقضي يومين معاها لما لقيتها كدا وخلاص
بس فين ربنا وولادي ومراتي اللي كل ذنبها انها مش حنينة

حكمت عليهم كلهم بالاعدام عشان نزوة شخصية

انا بعد كلام الدكتور عيد قفلت النت خالص وقعدت قريت قرأن حسيت بشعور غريب جدا جدا بعد ما خلصت قرأة القرأن

لما بتذكر بشعور بنفور من نفسي تخيلوا وبقول لنفسي انا ازاي اعمل كدا؟؟؟؟؟؟؟

انا لي وضعي ومكانتي في شغلي والمنطقة اللي ساكن فيها ولي بيت وزوجة واولاد وحياة كاملة ازاي افكر كدا؟

بس في شيطان راكب علي رأسي وبيقولي نام معاها مرة وتوب وانا دلوقتي في مرحلة مقاومة الشيطان ده مش مقاومة البنت زي ما كلكم نصحتوني

ولما ييأس مني يقولي ممكن تتجوزها عرفي وتطلقها شيطان فعلا
ربنا يثبتني يا رب
ادعولي يا جماعه فانا في مرحلة حرجة جدا

واشكركم جدا جدا من اعماق قلبي علي وقفكم كلكم بجواري في تلك المحنة التي لا استطيع ان اتحدث فيها غير معكم انتم فقط

شفت ربنا وحظك الحلو انك تشفها مع واد تاني وفي عربية كمان
اظن كدة الرؤية باانت لحضرتك
وبخصوص انك عاز تنام معاها
مش عارف اقلك اية بس بجد لاتعليق انت راجل متجوز مرااتك اولي بيك وانت اولي بيها
ياارب تكون وصلت
وربنا معااك

**medo_2060** · 19-09-2010 04:32 AM

وبعد الى انت شوفته دا مش محتاج نصيحه من حد بقى خلاص....
ونوم ايه بس امال العالم الى مش متجوزين زى حالاتنا المفروض تعمل ايه بقى.... ربنا يثبتك ان شاء الله
ومستنين الخبر الجاى تقولنا الموضوع خلص خلاص

**magyver** · 19-09-2010 05:15 AM

المشاركة الأصلية كتبت بواسطة medo_2060

ونوم ايه بس امال العالم الى مش متجوزين زى حالاتنا المفروض تعمل ايه بقى....

احنااا لينا الجنة والله
ربنا يثبتنا جميعا

الموضوع: ارجو المساعدة - الدخول للرجال فقط -

LinkBack

أدوات الموضوع

عرض

-

-

-

-

-

-

المواضيع المتشابهه

مطلوب سيارة النترا 2007-2010 ارجو الدخول لمن يمكنة المساعدة

سيارة النترا 2007-2010 ارجو الدخول لمن يمكنة المساعدة

ارجو ارجو ارجو المساعدة فى هذا الاختيار وذالك على سبيل الحصر بين هذين السيارتين

الى كل خبراء ال بي ام ارجو الدخول و المساعدة

الكلمات الدلالية لهذا الموضوع

المفضلات

المفضلات

ضوابط المشاركة