طيب ياتري نصيحتك ل popupp من الأكونت التاني كانت أيه ياتري هههههههههههههههه
ربنا يوفقك لما فيه الخير
رقم العضوية : 80443
تاريخ التسجيل : 17Sep2010
المشاركات : 7
الحالة :
اشكركم كلكم يا جماعه علي الردود
انا متباع الموضوع بس من الاكونت التاني
فرصة بقي النهاردة الجمعة
تعرفوا وانا بقرأ ردودكم حصل حاجتين في منتهي الغرابة
مراتي دخلت عليا اودة مكتبي وشافتني قاعد بتصفح المنتدي وهي عارفة اني عضو نشط علي نايل موتورز
ويدوبك خرجت من هنا ولقيت البنت دي بتتصل بي تخيلوا
طبعا انا وشي جاب الوان ومعرفتش اتصرف ازاي خصوصا ان معظم الردود بتقولي مردش عليها تاني ولا اكلمها وجرس التليفون بيرن
رحت عامل التليفون صامت
وراحت بعتالي رسالة اراهان اتخن راجل فيكم ميقدرش يستحمل الكلام الحلو اللي فيها
وطبعا مسحتها لان تليفوني بيخضع لتفتيش مستمر
الناس اللي هنا ردودهم تقريبا واحدة لان اصلا مفيش غير الحل ده اني ابعد عنها والمهم البيت والعيال وكل الكلام ده
بس محدش فيكم قالي وانااااااااااااا ايه مش بني ادم؟؟؟؟؟؟؟؟؟؟؟
مش لي مشاعر واحاسيس
ثم انا لو حاولت بس التلميح لها سواء اني علي علاقة ببنت تانية او انها تغير معاملتها لي حتبقي سنة سودا عليا وعلي العيال
يا جماعه ده انا لما طلبت منها تغير لون شعرها قعدت 3 شهور علي ما غيرته وكأني بقلها حنغير جنسيتنا
ثم انها عصبية جدا ولا تتحمل اي نقاش من اي نوع حتي مصروف البيت لا تتحمل في اي نقصان لاي سبب اي كان ولا يجوز لي الاعتراض او حتي المناقشة
انا برتاح اوي وانا في الشغل او وانا في اودة مكتبي وهي تقريبا منعزلة عن باقي الشقة عشان اعرف اشتغل فيها بعيد عن وش العيال وصوت التلفزيون
فبحس اني مرتاح طول ما انا بعيد عن البيت بكل اللي فيه - عدا اولادي -
حتي لو بعدت عن البنت دي برده مش حبقي مرتاح وهو ده غرضي اصلا اني اكون مرتاح بس
كل الردود اللي جاتلي علي الخاص بشكرها جدا جدا حقيقي انتم اصدقاء فعلا
يا جماعه اللي ايده في المياه مش زي اللي ايده في النار
انا عايز ابعد عنها وعن اي بنت تانية بس عايز حياتي تبقي فيها لمسة حنية بس فقط لاغير
هو انا كدا بطلب طلب صعب وحرام؟؟؟؟؟؟؟؟؟؟
اسف للاطالة وعلي فكرة انا متابع الموضوع من الاكونت الاصلي بتاعي
واشكركم من كل قلبي
رقم العضوية : 27285
تاريخ التسجيل : 10Dec2008
المشاركات : 11,282
النوع : ذكر
الاقامة : الكرة الأرضية
السيارة: -Cabrice-LTZ
السيارة[2]: ِAlfa156 seles-جيب جراند شيروكي
الحالة :
طيب ياتري نصيحتك ل popupp من الأكونت التاني كانت أيه ياتري هههههههههههههههه
ربنا يوفقك لما فيه الخير
إِن يَنصُرْ.كُمُ اللَّـهُ فَلَا غَالِبَ لَكُمْ ۖ وَإِن يَخْذُلْكُمْ فَمَن ذَا الَّذِي يَنصُرُ.كُم مِّن بَعْدِهِ ۗ وَعَلَى اللَّـهِ فَلْيَتَوَكَّلِ الْمُؤْمِنُونَ ﴿160)
م/محمد
رقم العضوية : 1905
تاريخ التسجيل : 25Aug2007
المشاركات : 1,041
النوع : ذكر
الاقامة : بورسعيد
السيارة: مفيش
السيارة[2]: لانسر 2007
دراجة بخارية: لا
الحالة :
خلاص بدل ما تحط نفسك في موضع شبهات وحاسس ان زوجتك مش بتديلك الحنان اتجوز تاني على الاقل اهون من العلاقه دي
اخوكم ... د/ محمود
" وَعَسَى أَن تَكْرَهُواْ شَيْئًا وَهُوَ خَيْرٌ لَّكُمْ وَعَسَى أَن تُحِبُّواْ شَيْئًا وَهُوَ شَرٌّ لَّكُمْ وَاللَّهُ يَعْلَمُ وَأَنتُمْ لاَ تَعْلَمُونَ "
رقم العضوية : 33438
تاريخ التسجيل : 19Feb2009
المشاركات : 14,563
النوع : ذكر
الاقامة : استراليا
السيارة: None
السيارة[2]: Toyota Camry
دراجة بخارية: Harley-Davidson
الحالة :
أنا بجد و الله حاسس بيك جدا .....
بص يا سيدي الفاضل
قال صلى الله عليه وسلم ( لا يَفْرَكْ مُؤْمِنٌ مُؤْمِنَةً إِنْ كَرِهَ مِنْهَا خُلُقًا رَضِيَ مِنْهَا آخَرَ ) رواه مسلم
يفرك يعني يكره أو يبغض
افتكر الحاجات الحلوة لمراتك عشان ما تكرههاش .....
ده بالنسبة للجبهة الداخلية (جوة البيت)
بالنسبة للجبهة الخارجية
فكر فيها بالعقل
هي بتعمل لك كده ليه؟
1) عشان سواد عيونك؟
2) عشان تقل جيبك؟
3) عشان عايزة تتجوز و خلاص؟
لو الاجابة - بمنتهى الصدق مع النفس - كانت 1 يبقى اتجوزها ..... ماكانش يبقى فكك ..... اخلع ..... سيبك ......
بس بلاش تخلع بطريقة سخيفة لاحسن دي ممكن تفضحك
يعني خليك بارد معاها
شوية ما تردش
شوية ترد و وش جبس
و اياك تقابلها تاني
لحد ما في مرة قول لها انا بصراحة مش قادر استمر و لاسبابي الخاصة و انا اسف
و خلصت على كده
رقم العضوية : 28460
تاريخ التسجيل : 25Dec2008
المشاركات : 5,505
النوع : ذكر
الاقامة : Nasr City
السيارة: Logan 2010/Astra Cosmo 2015
السيارة[2]: Logan 2012 AT B.L
دراجة بخارية: N/A
الحالة :
رقم العضوية : 60554
تاريخ التسجيل : 31Jan2010
المشاركات : 2,471
النوع : ذكر
الاقامة : KAFR EL SHEIKH & MANSOURA
السيارة: SUNNYنبيتىEx automatic 2010
السيارة[2]: NUBIRA 2001 AUTO BLACK
دراجة بخارية: لا
الحالة :
ربنا يهديك للخير
و انت عارف انها بتضحك عليك
سيبك منها و .......
املأ قارورتك بما تحب ان تشرب
بمعنى شوف انت عايز ايه من زوجتك و ابدأ بنفسك و اعمل اللى نفسك هى تعملهولك
و عاملها بحنيه و رقه و استرجع الرومانسيه الضائعه ( دا اذا كان فيه اصلا ايام الخطوبه و الجواز) و لو مكانش......
صارحها بأنك محتاج انكم تتغيروا ..... ايوه انتوا الاتنين يعنى تعيشوا دور الحبّيبه من تانى ( هتقوللك انت جرى لعقلك حاجه و لا ايه .... اعقل يا راجل )
و اذا استنفدت كل المحاولات مع زوجتك حلالك و لازلت محتاج للحنيه ( و لا تقارن لذة حنية الحرام بزوجتك الطاهرة العفيفة)
فالشرع فتح لك باب للزواج الشرعى و لكن بشرط العدل و لا أحبذ هذا الرأى لمصلحة اولادك
و لكنك بنى آدم و محتاج الى الحب و العاطفة فاذا خفت على نفسك من الحرام فسد الباب و تزوج بالحلال
و على فكره موضوع الحنيه اللى بتتكلم عنها دا عامل زى شم المخدرات بمعنى انك مش قادر تنساه و محتاج للبنت فأذكرك بأن تستعين بالله فهو القادر وحده على ان يبغضك فيها و ان يصرف تزيين الشيطان صورتها لك و ان هذا دين و كما تدين تدان فى زوج ابنتك او فى زوجتك (عافاك لله )
رقم العضوية : 3043
تاريخ التسجيل : 06Nov2007
المشاركات : 852
النوع : ذكر
الاقامة : طنطا
السيارة: سوزوكى siaz
السيارة[2]: لانسر بومه sam 2006
دراجة بخارية: لا يوجد
الحالة :
أياك ثم أياك أنك تصارح مراتك أن فى واحده بتشاغلك أو أنتا بتفكر فى حد غير مراتك
الست مهما كانت عاقله وراسيه فى المواضيع ديه بالذات بتولع أسرع من البنزين
وساعتها بتحرق كل الى حواليها بدون الأبقاء على أحد مهما كان عزيز أو غالى
دور على نفسك وبيتك وسيبك من الى بتشاغلك علشان خاطر ربنا وبيتك وعيالك
وفكر كده ايه المانع أنك تتجوز الست ديه وبعد خمس ست سنين تتحط فى نفس الموقف الى أنتا فيه دلوقتى تانى
ساعتها هتتجوز تالت ولا هتسيبها ولا هتعمل أيه
وصدقنى فى النهايه
أذا انطفأت الأنوار تساوت كل نساء العالم
@ إن الله لغنى عن العالمين @
سأصبر حتى يعجز الصبر عن صبرى ،و أصبر حتى يأذن الله فى أمرى ، و أصبرحتى يعلم الصبر أننى صابر على شئ هو أمر من الصبر
لشراء أستيكر المنتدى فى الغربيه 0111019565
رقم العضوية : 51562
تاريخ التسجيل : 30Oct2009
المشاركات : 370
النوع : ذكر
الاقامة : شبرا الخيمة
السيارة: Honda City
السيارة[2]: Subaru Impreza
الحالة :
بص يا باشا ومن الاخر
حاسس بحرمان عاطقي او نقص حنيه او ............. او اي حاجه .... يعني من الاخر مش مستكفي بمراتك اللي معاك .... حقك... والحل انك تتجوز تاني على طول ... شرط يكون عندك القدره المادية والجسمانيه وقادر على تحقيق العدل بين زوجاتك
مافيش مخلوق يقدر يقولك الجواز التاني حرام او عيب او غلط......
بس اهم حاجة: اتجوز الصالحه العفيفه التقيه ... لانها هتحمل اسمك وشرفك وام لابنائك بعد كده ان شاء الله ... يبقي تقطع علاقتك بالبنت دي نهائي وتدور على بنت الحلال اللي تنفعك....
واهم من الاهم: انك تبقي عارف انك هتعدل بينها وبين زوجتك اللي معاك .. لو مش هتعدل يبقي ما تتجوزش ....
قدرت تاخد قرار الجواز التاني وظبط الامور على الخطوات الصحيحه اللي ترضي الله.... يبقي الف مبروك مقدما .... ما قدرتش .... يبقى ما تشتكيش الحرمان وبرضو راعي الله وفكك من البنت دي او اي بنت اخرى.
رقم العضوية : 18512
تاريخ التسجيل : 10Sep2008
المشاركات : 1,246
النوع : ذكر
الاقامة : المنصورة
السيارة: لا يوجد
السيارة[2]: ميتسوبيشي لانسر 1998
دراجة بخارية: لا يوجد
الحالة :
أنا رأيي أنك تمر بأزمة منتصف العمر الشهيرة
إعادة حساب الذات .... الإحساس بأنك لم تأخذ حقك بما فيه الكفاية وأنك جدير بأن تنال جائزتك الآن بعد كل هذا العناء
وهذه البنت تخاطب غرورك وتزيد إحساسك بأنك لا زلت مرغوبا وهذا يزيد استمتاعك بما تسمعه منها
والبعض منا وهم كثيرون لا يرضيهم أبدا ما في أيديهم ولا يبدو لهم فيه إلا كل عيب
أما ما هو بعيد أو جديد ففيه كل المزايا
جرب إعادة النظر إلى زوجتك بعين راضية تبحث عن المحاسن لا بعين ساخطة ناقدة لا ترى إلا العيوب
أنت تقول أنك بني آدم ومن حقك أن تشعر بالحنان
وأنا أقول لك ... كن صريحا مع نفسك .... المسألة مسألة شهوانية بحتة ولا يمكن أن تتعدى ذلك أبدا لأنك تدرك جيدا أنها تخاطب أضعف نقطة عندك وهي غريزتك الذكورية.
يجب أن تزيد من اقترابك من زوجتك .. حتى ولو رغما عنك
إذا كان أولادكما كبارا .... خذا أجازة واذهبا لمكان جديد ولو لعدة أيام
وأنصحك أيضا أن تُمثل الحب على زوجتك وأن تشعرها بأنك ترغب في تجديد أسلوب زواجكما
صدقنى لا توجد امرأة في العالم إلا وتعرف الحب بكل وجوهه لكنها لا تظهر معرفتها هذه إلا حين يكشف زوجها عنها ولا تتبرع أبدا بإظهارها من تلقاء نفسها....
أما تلك البنت ... فأنت تعرف جيدا ما تريده هي منك وما تريده أنت منها.... فإذا كان الأمر كذلك فأولى بك أن تنتبه قبل فوات الأوان
رقم العضوية : 25216
تاريخ التسجيل : 15Nov2008
المشاركات : 14,019
النوع : ذكر
الاقامة : Haram & My mobile phone
السيارة: New Accent 08
السيارة[2]: Picanto 09
دراجة بخارية: no
الحالة :
كلنا محتاجين الحنية
محتاجين العين اللى تشوف الحلو وتمدح فيه
محتاجين السان اللى يقول الكلام الرومانسى
اللى يكلمك اما تغيب عنه
العين اللى تحب تشوفك
المشكلة فى حاجة
زوجتك للاسف
اما مش عارفه كدة
وهنا هاسالك هل لفت نظرها يوم للى انت عايزه
هل اما لقيتها مقصرة معاك شفت ده بسبب شغل البيت ولا ببب طبعها
هل كان فيه بينكم مشاكل بتخلي مشاعرها مش متجها ليك حتى لو كانت عايشة معاك
لان ناس كتير بتعيش بطريقة عيشة والسلام وعلشان الولاد
اعمل اللى عليك
وانصح واطلب
على فكرة
الحرام طعمه حلو
ومغرى
لكن ربنا يبعدك عنه
A.Saad
المفضلات