محتاوتر ومحتاس حد يفدني

**marwaend22** · 17-09-2010 12:06 PM

السلام عليكم
دي اول مرة اشارك في المنتدي الرائع ده انا متبع المنتدي بقالي حوالي شهر ومعجب جدا بيه
بس انا عندي مشكلة الان :
انا مش بفهم في السيارات خالص ولسه متعلم قريب وبسوق علي ادي برده
عاوز اجيب عربية تكون موفرة علشان اروح بيها الشغل وتفع اسافر بياه مشوار زي طنطا المنوفية العين السخنة مثلا مش تبقي داخل القاهرة بس
ناس تقول بلاش مستعمل وناس تقول المستعمل احلي لانك بتتعلم انا مش عارف اعمل ايه انا بجد تعبت لدرجة اني بقيت اقول ملهاش لزمة العربية بس فعلا محتجها ضروري بتبهدل انا ومراتي في المواصلات والتكاسي في القاهرة انتم عارفين
انا معاية 20 الف جنية مش عارف اجيب بهم قديمة واريح دماغي ولا ادفعهم مقدم واقسط العربية في حين ان هو هقسط مش عاوز اعدي القسط عن الف جنية في اسوي الظروف بس دي كل الحكاية
ويارت اللي يرد عليه يكون بجد حد فاهم ومجرب لاني تعبت جدا ومتحير
وربنا يبارك في المنتدي الجميل ده
اخوك اسلام

**mohamed2002** · 17-09-2010 01:10 PM

المبلغ دة يجيب لك 2105 لادا وتكون كويسة بس اهم حاجة دور علي مهلك علي عربية نضيفة عشان متتعبش ومتشتريش من تاجر تابع في الوسيط وخد معاك حد بيفهم اوي وانت بتشتري ولو حسيت ان فيها القبول اطلع علي الميكانيكي والسمكري

**marwaend22** · 17-09-2010 02:04 PM

شكر علي ردك محمود بس معني كده انك بترشح ليه المستعمل

**mohamed2002** · 17-09-2010 03:11 PM

المشاركة الأصلية كتبت بواسطة marwaend22

شكر علي ردك محمود بس معني كده انك بترشح ليه المستعمل

اة لان كدة انت لسه متعلم السواقة جديد فممكن تتحك تاخد خبطة صغيرة بعد الشر فالاحسن في نظري تتعلم علي مستعمل سنة كدة وهات زيرو وعلي فكرة اسمي محمد

**mohammedali300** · 17-09-2010 04:02 PM

بص يا باشا كلام الاخ محمد تمام انت ممكن تجيب لادا 2105 وزى ما قالك كدة خد واحد خبير معاك بس نصيحة منى اول ما تجيبها تروح تشيك عليها عفشة وميكانيكة وكهرباء وسمكرة كمان لو فيها حاجة عشان تبقى مظبوطة معاك وعشان لو سيبتها زى ما هيا كل شوية ممكن تظهر فبها مشكلة ودة طبيعى وحتحس انك جنيت على نفسك وممكن تبيعها طبعا انا مبخوفكش بس الصيانة الدورية وتغير كل حاجة فى معادها من اهم الاشياء اللى تحافظ عليها وحتحس انك راكب زيرو بالتوفيق ان شاء الله

**marwaend22** · 17-09-2010 04:06 PM

اوك شكر اخي محمد علي ردك
طب ايه رايك في الماروتي عربية ناعمة شوية سهلة في التعليم ومودلاتها جديدة شوية علي 2105

**engaass** · 17-09-2010 04:50 PM

المشاركة الأصلية كتبت بواسطة mohamed2002

اة لان كدة انت لسه متعلم السواقة جديد فممكن تتحك تاخد خبطة صغيرة بعد الشر فالاحسن في نظري تتعلم علي مستعمل سنة كدة وهات زيرو وعلي فكرة اسمي محمد

زيادة على كدة مع وجود قسط فبيبى الواحد مش مستحمل كمان اى مصاريف وبالتالى المستعمل افضل حتى عشان تكتسب خبرة كويسة فى التعامل مع العربيات عشان ان شاء الله لما تجيب زيرو تعرف تحافظ عليها
والمبلغ اللى معاك يجيب عربية لادا حوالين 95
الماروتى ممكن تكون عملية داخل المدينة بس مش هاتنفع خالص فى السفر
وعلى فكرة برضه ممكن تحط المبلغ اللى معاك مقدم فى عربية مستعملة وهيبقى الباقى مش كبير وهيكون القسط صغير

**marwaend22** · 17-09-2010 06:19 PM

شكر ياهندسة بس حد عارف مكان اقدر اشتري منه عربية مستعمل بالقسط
وانا سمعت ناس علي المنتدي هنا بتقول الماروتي حلوة وناس سافرت بيها والله انا مش عارف
وخاصة ان الماروتي موفرة واشيك شوية من الادا