امبارح كنت معزوم في فرح غصب عني.. ايوة مراتي اللي ودتني هههههه

المهم اصحاب الفرح كانوا مأجرين البتاعة اللي بتغني الحنطور دي.. اسمها امينه باين؟ المهم انا اول مرة اشوفها على الطبيعة.. شئ مبيأ جداً وعاملة دخلة كده لنفسها الفكرة فيها انها تحاول تتكلم انجليزي ومتعرفش وبعدين تقول انها بنت بلد وكده والعربي احسن.. ودي اول غلطة عشان انا مش بكره في حياتي حاجة زي اللي بيتكلم انجليزي غلط.. يا تقولوه صح يا تروحو تتعلموه

المهم دخلت الست امينة وبدأت تغني وحواليها 18 شاب لابسين بدل وبرانيط كده وعاملين استعراض زي بتوع فرقة رضا.. انا قلت ماشي مفيش مشاكل وكنت بتفرج... مش مودي صحيح لكن ده مش فرحي

وفجأة ال 18 شاب دول وقع منهم حرف الباء وتحول الى ذال.. كل واحد فيهم راح على ترابيزة وهاتك يا رقص اجدع من اي رقاصة بنت... وبشكل مقزز ومستفز... وبيحاولوا انه يخلوا الناس تسقف وترقص معاهم وكده كنوع من تهييج الفرح... بجد شكلهم يقرف.. واحد فيهم جالي يقولي يا باشا طب سقف معانا بس... تنفيض.. غلط غلطة عمرة وقاللي شكل الدوجلاس قافشة عليك (انا الايام دي مربي دوجلاس فظيعة كده كبيرة اوي) قلتله اه اصلها على راجل.. اتكسف ومشي.. وبالمناسبة دي احب احيي الست الكبيرة اللي راح احد الاشياء دي يرقص قدامها راحت مدياه كباية ميه ف وشه. وهما فعلاً كانوا بيعملوا زي شغل الكباريهات يروحوا يرقصوا قدام كل ترابيزة شوية

الاول رجالة الفرح الكبار (اللي معظمهم رتب في الجيش عشان عيلة مراتي كلهم طيارين ورجال جيش) خرجوا من القاعة، وبعدين الشباب اللي زيي اللي فاضل فيهم نخوة، وبعدين الستات الكبار، وبعدين البنات المحترمين... ومفضلش مع امينة غير صبيانها والعريس والعروسة.

انا بقى نفسي اعرف... ليه شاب عنده 20 سنة بالكتير يشتغل صبي رقاصة؟ او بمعنى اخر حاجة زي الفتاحة كده؟

الشغل الشريف راح فين؟ ومحدش يقولي ماهو يعملوا ايه.. والله لو واحد فيهم قاللي هشتغل صبي مسحراتي هقوله اكرملك

الشباب دول بيناموا بالليل وهما راضيين عن نفسهم؟

Mr. Douglas ده اللقب اللي امينة نفسها اديتهولي... بقى كخة؟ هو الراجل دلوقني بقى حاجة تكسف؟

هي امينة نفسها مستفيدة ايه من وجودهم حواليها؟ هل نزعى عندها عشان كان في راجل بيضربها قبل ما تشتهر ف قررت انها تذل كل الرجالة اللي حواليها وتحولهم لعوالم؟

انا بجد مستاء.. وبدأت احس انه الجنس بتاعنا في خطر. الله يقرفك يا امينة انتي وفرقة الخواجات بتاعتك.