السلام عليكم ورحمة الله


أخويا محمود ( الشهير بـــ بيزو الرهيب )
تالتة ثانوي السنة دي
محمود فجأة ..بقا طوووول الحيطة...وصوتها بقا أعلى من العربية إلي ماشية من غير شكمان
محمود دلوقتي في عز سن المراهقة
وعامل لنا مشاكل في البيت
دايما صوته عالي...وكل ماحد يكلمه يجعــــر ويقول أنا راجل .. أنا راجل
أقرب مرة
أختي كانت جاية زيارة لينا مع أولادها
كان المفروض إن أنا هروح أجيبها بالعربية..علشان معاها الأولاد والشنط
وأنا رايح أجيبها..لقيت محمود بيجعر زي عوايده
ويقولي""إختك إتصلت بيا أنا ..وأنا إلي هروح أجيبها..مواصلات"
أقوله :""ياحبيبي ..طيب مالعربية موجودة..تعالى أروح أنا وإنت "
يقولي:"لا ..أنا مش عيل صغير .. أنا راجل..وهعرف أجيبها لوحدي...أنا راجل"

على أي حاجة ..صوته يعلى
ودايما بيتربس دماغه ..يعني لو عاوز حاجة ..مش بيطلبها..لااا
لازم يجعر ويزعق وهوا بيطلبها

مش عارف إيه إلي حصل..ومش لاقي حل
محمود بجد بقا مصدر إزعاج في البيت..صوته دايما عالي..وفاكر إن الرجولة معناها الصوت العالي وتربسة الدماغ
أعمل إيه في الواد ده؟؟