أزمة مراهقة.........مفيش حل؟؟

**moody1** · 18-09-2010 08:57 AM

المشاركة الأصلية كتبت بواسطة dr-mohamed

والله ما شفت مشاركتك يا ميدو احنا الاتنين بعتنا في نفس الوقت ونفس الكلام تقريبا
بس علي فكرة المشكلة مش هتقل في الكلية بالعكس هتزيد وبعنف مع وجود الكلية وجو الكلية والبنات وعدم اللزام بالحضور ووووووووووووووووو وبلاوي اسئلني انا

لا يا دكتور هو فعلا هايتغير فموضوع احترام الكبير لما يدخل الكلية

كمثال

فثانوى الطالب ممكن يشد مع المدرس عادى

انما لما يخش الكلية هيعرف انه يوم لما يزعق للدكتور فالمحاضرة

هيتسوح

يعنى ياما فيها رفض لو المعيد طلع حنبلى و عمله محضر عند عميد الكلية

او دكتور المادة ممكن يستقصدو و يسقطو فى مادته كذا تيرم

و حتى انا برده لما كنت فالمدرسة فاعدادى و ثانوى ماكنش فيه مدرس بيعرف يكلمنى لانى شخصيتى قوية و كانو بيتشطرو عالعيال العبيطة التانية

انما لما دخلت الكلية بقيت اقلق ارد على اى دكتور او معيد

طبعا كنت برد جامد بس فسرى هههههه

مش خوف

انما انا عارف انى تحت سلطتهم

زى برده لما اى حد يجى يشتغل مهما يكون مبيستحملش كلمة من حد

انما لما مديره فالشغل يزعقله اكيد هيسكت كتقديرا لموقعه

علشان كده لما اتخرج لازم اعمل مشروع اكون انا مديره

**Adham** · 18-09-2010 09:00 AM

اوعي يا دكتور يكون بيضرب حاجة

**A7MED_PHARMA** · 18-09-2010 09:53 AM

المشاركة الأصلية كتبت بواسطة adham

اوعي يا دكتور يكون بيضرب حاجة

منا قلبي مش مستريح من الناحية دي
ربنا يستر

**Adham** · 18-09-2010 04:01 PM

حاول تتكلم معاه بصيغه غير مباشرة عن انك بتشوف مدمنين شباب في اعمار صغيرة بييجوا الصيدلية و يشتروا سرنجات او ادوية كحة و مابترضاش تبيعلهم و بتعمل مشاكل و ان صعبان عليك الشباب اللي مضيع نفسة دة
و شوف رد فعلة حايكون اية و تعبيرات وشة

**lordfear** · 18-09-2010 05:34 PM

استخدم معاه اسلوب التلبيس

لبسو فى الحيطة فى مواقف مش المفروض انة يتحط فيها عشان هو لسة مش جاهز مش نقص فية

مش حاجة هو عايزها بس لا زود عليها

**ams** · 18-09-2010 06:49 PM

اللى ياكل لقمتى يسمع كلمتى

الراجل يروح يصرف على نفسه الاول

**ASKAFRAWY** · 18-09-2010 07:14 PM

ممكم يا دكتور احمد يكون فعلا بيتعاطى حاجة مأثرة على مزاجه...طيب ما تحاول تتعرف انت على اصحابه و تشوف تصرفاتهم ايه زي اخوك ولا لا انا مع رأى القاله العضو The_Last_Rebel
وفيه موضوع بيتكلم على سن المراهقة والاسباب البتخليهم يفرضوا سيطرتهم على الاباء وكان فيه حالة اخوك محمود الجاعورة وكان نفس على الصوت كان دة وسيلة لتوصيل اراؤه و انه هو الصح...هى فترة و هتعدى وهو نفسه هيعترف بغباؤه بعد كدة لكن انت لازم تساعده لانك مريت بالمرحله دى وعارفها وفاهمها

**A7MED_PHARMA** · 18-09-2010 07:53 PM

مختصر الكلام
أنا شبه متأكد إن محمود تمام..مش بياخد حاجة
محمود على كل الجاعورة بتاعته دي...ماتوصلش بيه لدرجة تعاطي حاجة
هوا فجاة كده
زي مايكون صحي الصبح..لقا نفسه راجل
فقال بقا يعيش دور الرجولة(حسب خياله)...بالجاعورة والعند الغبي

**الغزالى** · 18-09-2010 08:09 PM

المشاركة الأصلية كتبت بواسطة ams

اللى ياكل لقمتى يسمع كلمتى

الراجل يروح يصرف على نفسه الاول

صدقنى يوم ما هاتتعامل مع ولادك بالمنطق دة لتشوف خناقات ومشاكل للصبح ,, معلش هوا الناس بتخلف عشان يتحكمواا و خلاص ,,,, خلاص ما على كدة كريم منير صاحب المنتدى هوا الى يتحكم فينااا ,, طالما هوا الى بيصرف علية ,,, ( مجرد مثال للتوضيح ) ,,, هوا دة نفس الفكرة برضو يعنى انت تقعدنى فى البيت وتفضل تتحكم فيا طالما بتصرف عليا امال ها تتعلم ازاى وتجرب ازاى طالما انت عايزنى اعمل الى فى دماغك ,,
---------------
وعلى فكرة انا من الناس الى الحج بتتعامل معايا ساعات بالطريقة دى ويقولى فى اى مشكلةروح اصرف على نفسك وصدقنى انا من جوايا بئى فى حاجة كدة فى قرارة نفسى انى عايز اشتغل عشان اصرف على نفسى ومحجتش لية فى حاجة واروح واجى براحتى طالما الى ياكل كلمتى يسمع كلمتى ,,