بص شوف الاهرام بيفبرك الصور إزاي

**Ahmed Nouh** · 19-09-2010 03:53 PM

المشاركة الأصلية كتبت بواسطة ghazy12

و اكبر دليل على كلامي, شوف كم المعلنين كل يوم (خصوصاً الجمعه) في الجرايد دي..!!!!! بالهبل

أصدمك :)

الاخبار والاهرام مفيهاش ارقام رسمية للمبيعات تروح للمعلنين علشان يعرفوا مين بيشترى ولا حتى حد بيهتم بالارقام دى

ده حتى المجلات الصغيرة نفس الكلام

الاعلان على اسم الجهة المعلن عندها من باب الفشخرة وسد الخانة , بمعنى ان الناس دى لو مباعتش نسخة توحد ربنا برده عندهم اعلانات

كلها علاقات مش اكتر

**Karim_Monir** · 19-09-2010 04:06 PM

الاهرام فقد مصداقيته معايا من سنتين
والاخبار من اكتر من سنه لما خالد اباظة بقي ينشر صور البنات العريانه في ملحق اخبار السيارات

من يومها مامديتش ايدي اشتريهم
ولو لقيتهم بالصدفة عن والدي مابفتحهمش
مع انه غلط كل شهر لازم اتعرف على المحيط بيا بس اخدت على عاتقي عدم فتح الجريدتين دول مطلقا
وبكتفي باخبار الانترنت

خلونا اضحوكة العالم منهم لله

**Ahmed Nouh** · 19-09-2010 04:23 PM

المشاركة الأصلية كتبت بواسطة ghazy12

ازاي يا احمد الكلام ده..؟؟!!!!

انا كنت اعرف ناس شغالين في الاهرام, و كانوا بيقولولي اسعار الاعلانات في الاهرام كام..!!

اعلان قد كف ايدك مش اقل من 200-250 ألف جنيه...!!!!! تقريباً ألوان

و مثلا ازاي موبينيل و فودافون و اتصالات مش بتدفع..!!! و الجرنال بيجيب مرتبات منين؟؟

صعب قوي الكلام ده يا احمد... ده على كده كان اتخرب بيتهم, و سرحوا كل الصحفيين من زمان

دخل القنوات و الجرايد و المجلات معتمد بشكل اساسي على الاعلانات, من غيرها بيوتهم تتخرب

انت مفهمتش قصدى , فعلا اى جرنال او مجلة فى مصر كل دخلها من الاعلانات

ده كمان اى جرنال او مجله بتبيع الطبعة خسرانة وكتير كمان وبتعوض خسارتها من الاعلانات لأن اسعار الطباعة غالية والعدد بتاع المجلة الشهرية مثلا بيتكلف 10 جنيه طباعة فى حين انه بيتباع ب 7 ولا ب 5

اللى انا اقصده بقا ان حجم المبيعات بتاع الجرايد دى فعليا محدش يعرفه ولا حتى الجرنال نفسه , اى جرنال او مجله لما بتروح تعمل عنده اعلان بيقولك هو بيطبع كام نسخة لكن محدش يعرف بيبيع كام نسخة

علشان حكاية انه يعرف باع كام نسخة دى محتاجة شركة بموظفين بس تقولك كل طبعة اتباع منها ايه ورجع منها ايه واتوزع منها مجانا ايه , يعنى لو الجرنال مباعش ولا عدد المعلن مش هيعرف فبالتالى الاعلانات بتبقى كلها على الصيت والعلاقات مش اكتر مش حسب دراسة للمبيعات والكلام ده

ده اللى اقصده

**ghazy12** · 19-09-2010 04:37 PM

المشاركة الأصلية كتبت بواسطة Ahmed Nouh

انت مفهمتش قصدى , فعلا اى جرنال او مجلة فى مصر كل دخلها من الاعلانات

ده كمان اى جرنال او مجله بتبيع الطبعة خسرانة وكتير كمان وبتعوض خسارتها من الاعلانات لأن اسعار الطباعة غالية والعدد بتاع المجلة الشهرية مثلا بيتكلف 10 جنيه طباعة فى حين انه بيتباع ب 7 ولا ب 5

اللى انا اقصده بقا ان حجم المبيعات بتاع الجرايد دى فعليا محدش يعرفه ولا حتى الجرنال نفسه , اى جرنال او مجله لما بتروح تعمل عنده اعلان بيقولك هو بيطبع كام نسخة لكن محدش يعرف بيبيع كام نسخة

علشان حكاية انه يعرف باع كام نسخة دى محتاجة شركة بموظفين بس تقولك كل طبعة اتباع منها ايه ورجع منها ايه واتوزع منها مجانا ايه , يعنى لو الجرنال مباعش ولا عدد المعلن مش هيعرف فبالتالى الاعلانات بتبقى كلها على الصيت والعلاقات مش اكتر مش حسب دراسة للمبيعات والكلام ده

ده اللى اقصده

فهمتك يا باشا, و كلامك منظقي... انا اللي فهمت كلامك في الاول غلط معلهش

بس هل انت شايف لو اي جرنال اتعرف ان الناس مثلا مش بتشتريه و مقاطعاه, هيجيله بردو
اعلانات حتى لو بالصيت او بالعلاقات..؟؟؟؟ ده اللي اقصده...

يعني مهما كان بردو, مستحيل شركه تدفع لجرنال علشان تعلن عنده و هي عارفه ان ماحدش
هيشوف الاعلان ده لان الجرنال مش بيبيع اصلا, او سمعته زفت فالناس مقاطعاه مثلا...

علشان كده بقول ان حلهم هو اننا نقاطعهم تماما, فطبيعي الاعلانات هتقل لان كل المعلنين هيكونوا
عارفين موقف الناس من الجرنال... فهيوقفوا اعلاناتهم, الجرنال بالتابعيه هيخسر كتييييير, و ساعتها
يبقى يطلع اسامه سرايا في التليفيزيون يقول انا مش هعتذر, و يستخف بعقول الناس بحجج فارغه...

احنا اتفضحنا يا ابوحميييد و ماحدش سمى و لا هيسمي علينا اصلا...

**amir** · 19-09-2010 04:45 PM

المشاركة الأصلية كتبت بواسطة adham

هو الصور بتاعه اغلاق البئر كانت متفبركة ؟؟؟؟

دول عرضوا فيديوهات عال سي ان ان و بلومبرج

لو كدة يبقى ك.... السرايا حايبعت السي في بتاعتة لبريتيش بتروليوم قريب قوي ههههه

كان في صوره نازله لما كانو بيقولو ان الغطا اللي ركبوه قفل التسريب و كانو جايبين صور من تحت الماء و فبركوها و الصور الاصليه كانت غير واضحه المعالم و رجعو اعتذرو لما الموضوع اتسرب
و القصه دي كانت علي ياهوو فاينانس

المشاركة الأصلية كتبت بواسطة ghazy12

احنا اتفضحنا يا ابوحميييد و ماحدش سمى و لا هيسمي علينا اصلا... :_alshmokh08[1]:

اهدا يا ابو غازي
احنا بعون الله مش محتاجين حاجه منهم لا سمح الله علشان الفضيحه تبقي بجلاجل
احنا كشعب و كدول عربيه لينا من الصيت و السمعه ما يغنينا عن الحاجات اللي بتحصل اليومين دول
عايزكم بس تدخلو علي ياهوو و تتباعو الاخبار اللي بتنزل و اللي قلبه جامد يقرا التعليقات و اللي بيتكتب فيها

**Abo_Lina** · 19-09-2010 04:56 PM

المدرسة التعبيرية التشكيلية المهلبية

**mfarag** · 19-09-2010 06:30 PM

المشاركة الأصلية كتبت بواسطة ghazy12;3873051314

[SIZE=5

علشان كده بقول ان حلهم هو اننا نقاطعهم تماما, فطبيعي الاعلانات هتقل لان كل المعلنين هيكونوا[/SIZE]
عارفين موقف الناس من الجرنال... فهيوقفوا اعلاناتهم, الجرنال بالتابعيه هيخسر كتييييير, و ساعتها
يبقى يطلع اسامه سرايا في التليفيزيون يقول انا مش هعتذر, و يستخف بعقول الناس بحجج فارغه...

احنا اتفضحنا يا ابوحميييد و ماحدش سمى و لا هيسمي علينا اصلا...

يا جماعة دة لو الجرنال قطاع خاص يبقى صاحبة يهمة المكسب و الخسارة

انما دول ميهمهش غير الكبار

و الخسارة مش مهم ماهى من جيب الشعب

هما دافعين حاجة من جيبهم - مال سايب

دا حتى انا فاكر ان احد الصحيفيين لما هاجم ابراهيم نافع لما كان ماسك الاهرام قال ان الجرنال مديوين بحوالى مليار جنية

بس مش مهم - الباشا عمل من وراءة هو وولادة ملايين ( ان مكانش مليارات )

واللى هيدفع الديون دى احنا

بالضبط زى تلفزيون الريادة المصرى اللى بقى محدش يشوفة- هى دى عزب البلد -

ودول هما اعوان الظالمين و الفاسدين و هيفضلوا يدافعوا عنهم و يحكوا عن انجازتهم

يلا يا حلوين ادفعوا باة