علي بركة الله وبعدالااستخاره هشتري نيسان صني 2011اتوماتيك ex

**Mohamed.Mohsen** · 18-09-2010 04:16 AM

بسم الله الرحمن الرحيم
علي بركة الله وبعدالااستخاره هشتري نيسان صني 2011اتوماتيك ex اير باج فرامل اي بي اس باذن الله
ارجو من الاعضاء الافاضل افادتي لانضم لاعضاء منتدي الصني واعطائي مشورتهم ونصحائحهم في
-افضل موزع وافضل سعر؟؟؟ واسرع وقت استلام
-كيف اطلب تغيير الطنابير والضفيرةالموتور من المصري للياباني عند الاستلام من التوكيل
-خلاصة تجربة وراي اي من ملاك 2011 الاتوماتيك في استهلاك البنزين ونشوفية ودبدبة العفشة وصوت الموتور العالي
-افضل الوان 2011 وهل في لون سيلفر جراي او سكاي جراي
-هل الموزعين المعتمدين السبع واتو ايجيبت ومودرن موتوز فقط وهل شركة عربيات لم تعد موزع معتمد
-افضل نظام عند الشراء بتسبة تمويل 75% كاش وتقسيط 25% لمدة ستة شهور او سنة بالكتير واين اجدها ومع من اتعامل وهل في هذه الحالة يلزم تامين شامل علي السيارة حتي انتهاء الاقساط وتكون الرخصة عليها حظر بيع .
مع خالص الشكر والتقدير لحسن تعاونكم

محمد محسن

**khela** · 18-09-2010 09:31 AM

الف مبروك مقدما وان شاء الله مش حتندم

**maxpayne2010** · 18-09-2010 11:33 AM

الف مبروك وانا كمان بفكر فى العربية ديه بعد ما فقدت الرغبة فى الاكسنت او الافيو
ولان افكر فى الصنى بسبب الحجم وقوة الموتور وايضا اسم الشركة ولكن الصراحة كل ما افكر فى عربية واقرا مواضيع عنها فى المنتدى الاقى الاعضاء بيقولوا فى العيب الفلانى والفلانى والطنابير والاكر وحاجات كده تخللى الواحد يصرف نظر عنها يعنى الصراحة حاجة غريبة اوى
وياريت حد من المالكين يدلنا على احسن وكيل علشان التعامل ويا ريت حد يقوللى هى موجودة عند المصرية للسيارات ولا لاء ويا ريت لو حد يعرف موقع المصرية للسيارات او رقم تليفون فرع دمياط اكون شاكر جدا ليه
والسلام ختام

**mohamedhamam** · 18-09-2010 12:30 PM

إختيار موفق و ربنا يتمم على خير و ألف مبروك

**MaZaGAngeE** · 18-09-2010 12:54 PM

صني من اكتر السيارات نقاشا في المنتدى
و كمان من اكتر السيارات انتشارا في السوق
و لكن
تصميم و تكنولوجيا العربية قديمة تقريبا من 2002
كمان سعرها قريب جدا من سعر عربيات تانية احدث و بنفس الكفاءة زي بروتون واجا و فيات لينيا و لانسر بوما مع فرق التكنولوجيا الاحدث بالترتيب لينيا بعدها واجا و في الآخر بوما اللي زي صني كده قديمة بس من 2007
مش موافقك انك تشتري عربية 2002 بسعر و موديل 2010

مميزات العربية : سهولة التداول , سهولة الصيانة خارج التوكيل
عيوبها : ضيقة , التكييف مش قوي كفاية , التابلوه شكله قديم, مش ناعمة , يقال بتاكل بنزين لكني مجربتش النقطة دي , كراسيها مش مريحة
طبعا ده تقييم شخصي و تجربة سيارة اختي اوتوماتيك 2008 و مركبتش العربية كتير عشان اقدر افيدك اكتر
هتلاقي مواضيع كتيره بتتكلم عن العربية بالتفصيل الممل لكل مسمار فيها

**Ahmed.TV** · 18-09-2010 12:55 PM

المشاركة الأصلية كتبت بواسطة avatar

بسم الله الرحمن الرحيم
علي بركة الله وبعدالااستخاره هشتري نيسان صني 2011اتوماتيك ex اير باج فرامل اي بي اس باذن الله

ربنا يوفقك باذن الله فى الاختيار والاستلام

ارجو من الاعضاء الافاضل افادتي لانضم لاعضاء منتدي الصني واعطائي مشورتهم ونصحائحهم في

الصنى عربية محترمة جدا وفى موضوعات كتير اوى مفتوحة حاول تقرائها لسبب , لانك حتلاقى فيها تعدد للارلء فى النصائح حتفيدك , وغير الموضوعات المثبتة اللى فى القسم , والموضوعات اللى موجودة فى كل صفحة وفيها مشاركات غنية جدا بالمعلومات فى كل صفحة

-افضل موزع وافضل سعر؟؟؟ واسرع وقت استلام

افضل موزعين اتو ايجيبت ومودرن والسبع

-كيف اطلب تغيير الطنابير والضفيرةالموتور من المصري للياباني عند الاستلام من التوكيل

محدش حيغيرهم الا لو اكن فيهم مشاكل لقدر الله , ومش اى مشكلة تقرائها عند حد بالتالى تعرف انها عامة , لان ده رائ خاطئ , وبتكون دى مشاكل فردية
وبعدين العربية 2011 فى حساسات لترشيد استهلاك البنزين , عشان يكون افضل من الاول
وباذن الله تكون الامور معاك ميسرة

-خلاصة تجربة وراي اي من ملاك 2011 الاتوماتيك في استهلاك البنزين ونشوفية ودبدبة العفشة وصوت الموتور العالي

صوت الماتور مش عالى والله
اى حد يقول كان ماشى 120 و130 او بيقرص على اى غيار يبقا طبيعى كدا ان الماتور صوته عالى
وبعدين لازم يكون صوته عالى على السرعات العالية لانه سير جنزير
ومعروف اى عربية بتعدى سرعتها 120 صوت ماتورها بيكون عالى عشان لو كان سير الكاتينة جنزير
وبعدين عاوزين سير جنزير محترم يعش لفترة ولا عايزين صوت ماتور واطى على السرعات المنخفضة !!
نرضى الشعب المصرى ازاى
اذا كان التيدا اليابانى اللى جاية من دار ابوها فى اليابان على طول على هنا صوت الماتور بعد 120 مسموع وعالى بس علو صوت الماتور مش مزعج يعنى ومش لدرجة مثلا مش حتعرف تسمع اللى جنبك وهو بيكلمك
والعفشة رائعة وخصوصا بتتحسن بعد ال5000 وعفشة اى عربية يابانى محترمة جدا , بس انت زود الكاوتش نيتروجين
وفى موضوع لسه فى القسم مفتوح للاستاذ محمد عباس واتكلمنا فيه عن فوائده اقرائه وحيفيدك جداااا
وعشان كدا خد جولة فى القسم حتفيدك جدا لان حتلم منها معلومات قيمة

-افضل الوان 2011 وهل في لون سيلفر جراي او سكاي جراي

افضل 3 الونات من وجهة نظرى ( الفيرانى الجديد- السماوى - النبيتى)

-هل الموزعين المعتمدين السبع واتو ايجيبت ومودرن موتوز فقط وهل شركة عربيات لم تعد موزع معتمد

السبع مودرن اتو ايجيبت يونايتد والعالمية للسيارات دول اللى اعرف انهم موزعين معتمدين, اما عربيات معرفش والله

-افضل نظام عند الشراء بتسبة تمويل 75% كاش وتقسيط 25% لمدة ستة شهور او سنة بالكتير واين اجدها ومع من اتعامل وهل في هذه الحالة يلزم تامين شامل علي السيارة حتي انتهاء الاقساط وتكون الرخصة عليها حظر بيع .

بخصوص التقسيط انا معنديش اى فكرة والله
بس اللى اعرفه ان لو عديت النسبة دى مبيكونش عليك حظر بيع

مع خالص الشكر والتقدير لحسن تعاونكم

محمد محسن

اهلا بيك يا استاذ محمد ونورتنا فى قسم نيسان
وباذن الله تستلم على خير
وربنا يعطيك خيرها ويكيفك شرها
ومرة تانية اهلا بيك عضو فعال ومشارك معانا دايما
تقبل تحياتى
اخوك فى الله
احمد مصطفى