ماهي اضراا الترامادوول ........

**Karim_Monir** · 19-09-2010 11:52 PM

المشاركة الأصلية كتبت بواسطة haitham10

وكلنا معزومين عند الدكتور احمد في الصيدليه علي شاي وحبايه مجانية لكل عضو والاستاذ كريم يرحلنا علي قسم الشبهات في المنتدى ههههههههه

ما تخافش
معتقل المغول موجود
بيتراحله ب ابوللو واحد ابوللو
وشكل ابوللو هايبقي ميكروباص قريب :-)

**Ahmed Samy** · 20-09-2010 01:04 AM

المشاركة الأصلية كتبت بواسطة karim_monir

كلمت الدكتور اللي عملي العملية وسالته قاللي ارميه في الحمام فورا لانه مخدر

من ساعتها مرمي في العربية

طب هو قاللك ارميه في الحمام

ترميه في العربية ليه

ماهو يا النية موجودة ومش هاين عليك

يا اما العربية هي الحمام ......زاوعي يا كريم الفرش الجلد يغرك وقت زنقه

ريحة الأمونيا دي مابتروحش ههههههههههههههههه

**A7MED_PHARMA** · 20-09-2010 01:10 AM

المشاركة الأصلية كتبت بواسطة ahmed samy

طب هو قاللك ارميه في الحمام

ترميه في العربية ليه

ماهو يا النية موجودة ومش هاين عليك

يا اما العربية هي الحمام ......زاوعي يا كريم الفرش الجلد يغرك وقت زنقه

ريحة الأمونيا دي مابتروحش ههههههههههههههههه

طالما لسه في العربية
يبقا كريم بك ..يقدر يمشي عكسي ويعمل أي مخالفة هوا عاوز يعملها
طالما معاه الفانوس السحري
أقصد الشريط السحري

**heshamzaky** · 20-09-2010 01:43 AM

أدى أخرة الدماغ البايظه هههههههههههههه

**MAX_PIN** · 20-09-2010 02:14 AM

لاحول ولا قوة إلا بالله
ربنا يعفوا عن الناس اجمعين

**SkyBird** · 20-09-2010 04:15 AM

التعليقات مش طبيعية انا وقعت من الضحك هههههههههههههه
بس ليا تعليقات طبيه بسيطه
هقول المزايا والاضرار
المزايا ان الواحد يستخدمه كدواء طبي
الترامادول والحشيش بيطولوا فترة الجماع للي عندهم سرعة في انهاء العلاقه ودي حقيقة مش وهم وسيبكم من كلام الجرايد
ليه؟
لانهم مسكن قوي كما ذكر الجميع وده بيسبب ان مقدار الحساسية sensitivity بيقل تماما (انتم فاهمين طبعا مقدار الحساسية بيقل في ايه)
وممكن يوصف 50 مجم او 100 مجم ترامادول مع 25 مجم فياجرا وتكون ان النتيجه فعلا ان القط بيبقى اسد
(الوصفة دي للقطط اما الاسود فخليهم في حالهم )
طبعا الموصوف ليهم الطريقة دي هيكون مرتين او مرة في الاسبوع
فمفيش خوف من الادمان
الاضرار
الادمام ثم الادمان ثم الادمان
مشكلة الترامادول ان الاثر النفسي ليه لايمكن توقعها لاي شخص
في ناس تنام وناس تسهر يومين وناس تنبسط وناس تتيس وناس تكره اليوم اللي خدت فيه ترامادول من الغثيان ويمكن الترجيع
المشكلة في الناس اللي هتنبسط
الخوف انهم يحبوا هذا الاثر عليهم والانسان بطبعة ضالته السعاده فتبدأ مرحلة البحث عن الترامادول فيلجأ للموزعين غير الشرعيين فتبقى الخسارة الفلوس والصحة
طبعا خسارة الفلوس بتهد بيوت اما
خسارة الصحه مش لانه بيدمر خلايا المخ والكلام الي ملوش اساس علمي لا
خسارة الصحة لان الجسم بطبعة فيه مواد مسكنه للالم بيفرزها طبيعي ومع استخدام الترامادول والمسكنات المخدرة من عائلة المورفين لمدة طويلة يحل محل المسكنات الطبيعية للجسم فاذا انقطع استخدام الترامادول فالجسم يصبح فارغ من كل انواع المسكنات الطبيعية والصناعية فيحس الانسان بالام رهيبة في جسمه
فيكون التحدي امام الانسان انه ازاي يرجع المسكنات الطبيعية تشتغل في جسمه تاني
او ازاي يبطل الادمان
والطريقة هي
بيكون بتقليل الجرعة من الترامادول واستخدام مسكنات اخرى اقل اثرا ( بالاضافة للمهدئات في الحالات الصعبة ) لاعطاء الفرصة للمسكنات الطبيعية في الجسم للعودة للعمل حتى الوصول لمرحلة انقطاع استخدام الترامادول نهائيا ثم الادوية الاخرى والعودة بالجسم طبيعي الى مرحلة النظافة من الادوية تماما
وعلى فكرة مدة العلاج مش طويلة ممكن تخلص الحدوته في اسابيع قليلة
انا بكلمكم على اساس انكم شباب مثقف وواعي اما لو عاوزين اسلوب التخويف والترويع فموجود في الاعلانات والجرايد والافلام
دمتم بوافر الصحة و ......... السعادة

**nouranwar** · 20-09-2010 04:19 AM

المشاركة الأصلية كتبت بواسطة SHNORY

لالالالالالالالالالالالال الالالالالالا
الانعزال مش مطلوب للمدمن
لازم يحس بدفء وحنان الناس من حواليه
وعلشان الدفء والحنان
انا جايب شوال فحم في العربيه بره يا ياقوت ابعت حد يجيبه وولعهولنا
انا تعبت من النكد وعاوزين نفرفش شويه

هههههههههههههههههههههه

**nabaster** · 20-09-2010 04:52 AM

انهارده كنت اول يوم انزل الجامعه

عامل فيها نشيط بقي وهلتزم :)

والاقيلك دفعتي عباره عن اطفال في عمر الزهور وكل واحد عايش الدور بقي حاجه تفرح اصراحه :(

اكبر عيل فيهم اصغر مني ببتاع اربع سنين تقريبا

كله كوم والبنات الي كان حد مبلغهم انهم رايحين حفلة ديسكو دول كوم تاني

في وسط تاملي لهذه الاشكال الضاله الغريبه

كان في عربيه راكنه قدامي ومتفيمه

انا كنت فاكرها مفيهاش حد

لاكن طلع فيها كذا حد ومش حد واحد بس

لاقيت باب السواق بيتفتح وهاتك يا قيء وترجيع وصحابه الي في العربيه كلهم خرجوا بيتفرجوا عليه من بعيد

انا خرجت من العربيه وقربت من الواد لاقيته شكله مش طبيعي وعنيه حمرا

ومن ريحة العربيه عرفت انهم كانوا بيحششوا

سندت الواد وطلعته بره العربيه وقلتله اخدت ايه تاني مع الحشيش

بصلي وساكت

قلتله اتكلم علشان اقدر اساعدك وتفوق من القرف الي انتا فيه ده

قالي اخدت برشام واول مره ليا

قلتله تراما؟؟

قالي ايوه

قلتله حد من اصحابك بيعرف يسوق؟؟؟

قالي ايوه وشاورلي علي واحد

قلتله تروح اي مستشفي وتاخد معاك اي شريط فاضي

قولهم انك اخدت ده بالغلط علشان تعمل غسيل معده ومتعرضش نفسك لاي مسائله

الواد الي قالي عليه بيعرف يسوق مكنش عايز يتحرك اساسا ولا يجي يساعد زميله

بس اتحرج من الموقف وركب العربيه واخده ومشي

وانا مشيت بعد كده ولسا معرفش عملوا ايه

A.Yakout

-

-

الموضوع: ماهي اضراا الترامادوول ........

LinkBack

أدوات الموضوع

عرض

-

-

-

-

-

-

المواضيع المتشابهه

ماهي البطاحات

ماهي الكامة

ماهي الكساحات ؟

ماهي بلد منشأ الكورولا

ماهي Glx

الكلمات الدلالية لهذا الموضوع

المفضلات

المفضلات

ضوابط المشاركة