منظر يحرق الدم .. للأسف بقى عادى عند ناس كتير .

**E_Farid** · 17-03-2008 02:44 PM

اعذرنى يا إسلام ...
وبرضه النداء باسم الاب فيه احترام ولا ايه

ولا يهمك، :)

وكده احنا متفقين اننا لازم نتصرف بإيجابية تجاه المناظر دى ومينفعش نسكت عليها،

كل الحكاية بس انى مختلف معاك شوية فى اسلوب التصرف..
:)

**Goodle** · 17-03-2008 03:17 PM

المشاركة الأصلية كتبت بواسطة OlaOsman

الأخ احمد عطية.. دي وجهة نظرك.. ان لما حد يشوف منظر زي كده في أتوبيس او كافيه يخليه في حاله و ما يبلطجش على الناس.. رأيك و له مننا الاحترام :)

انا بس عايزة الف نظر حضرتك لحاجة و هي ان اعتراضنا على ان ده بيحصل في مكان عام.. و زي ما انت عارف طول ما الواحد في مكان عام فالمكان ده مش ملكه هو بس.. و لما يعمل حاجة بتأذي غيره يبقى هنا نقول له لأ اقف عند حدك عشان منظر زي كده بيأذيني و اكيد كمان بيأذيك انت كمان.. و لا ايه؟

و بعدين ما تقولليش يعني ان اي حد مهما كان مش قادر يتجوز كمان مش قادر يلاقيله مكان مؤقت يتدارى فيه هو و اللي معاه.. متهيألي الشباب بيعرف يتصرف في الموضوع ده كويس اوي و مش بيغلب.. طيب ليه بأه يعرضنا احنا للأذى؟ لو عليه هو و اللي معاه ربنا اللي يحاسبهم مش احنا.. بس ما يبقاش الموضوع عيني عينك كده.. بجاحة و قلة أدب و أذى لكل اللي بيشوف المناظر دي.

و تذكر كمان يا احمد ان رسول الله صلى الله عليه و سلم قال في حديثه من "رأي" منكم منكرا فليغيره.. و خد بالك من كلمة "رأي".. يعني اللي نشوفه هو ده اللي احنا مسؤولين عن تغييره.. اما ما وراء الجدران فماحدش فينا مسئول عنه.. انما ما تقولليش ان حد واخد البت بتاعته في آخر أتوبيس "عـــــــام" و تقول لي نفضحه.. هو أصلا ما استترش هو و اللي معاه عشان نفضحهم.

يسلم فومك يا علا يا بنتي :)

والله العظيم معاكي حق.. وانتي كده جبتي من الآخر

**hamdy** · 17-03-2008 03:19 PM

طبعا يا جماعة انا استفدت من ارائكوا كلكو وحبيت اجمع كل النقط اللي استفادتها منكو طبعا

هي في الاخر منظومة كاملة و نقدر نطبقها كلنا

1 - الايمان بالله عز وجل واليقين في ثوابه و عقابه ونقدر نعمل كده بالعلم واشرف العلوم معرفة اسماء
الله و صفاته لانها تقتضي محبته

2 - الحزم في تعاملنا مع اخواتنا وبناتنا افقول الحزم مش الضرب و الاهانة كلام واضح والاهتمام بيهم
شوية مفيش مانع انك تمنعها من النزول لو لبست لبس مش كويس او تعرف اصحابها مين كويس

3 - نقطة مهمة وهي القدوة المراة التي نزلت من بيت اهلها اذا لم تجد فيك انت او في امها قدوة
حسنة فهنا الكارثة فاحرص علي ان تكون انت اولا قدوة عشان تصدق منك اي حاجة

4 - توفير البدائل يا جماعة لو جالك عريس لاختك عنده دين و خلق ومعندوش فلوس متودش الدنيا
قادم عنيه اي حد ممنا اكيد هو عريس دلوقتي و اخ بكره هيبقا اب فيسروا علي الشباب و لا
تعسروا و الصيام للشباب
5 - مواجهة المنكر في اي مكان في الجامعة في الشغل في البيت طبعا مع مراعاة القاعدة ان تغير
المنكر بغير منكر وان تدعو الي المعروف بمعروف والواد الي احنا ضربناه او كسفناه او
احرجناه النهارده مش هيبطل عشان احنا عملنا كده

6 - شغل الفراغ بما ينفع ققلكو علي افكار
فكرت تحفظ القران او الصحاح فكرت تعمل بحث عن رحلة وتطلعها انت واصحابك
فكرت تتبني وجهة نظر وتدافع عنها لاخر يوم من عمرك وتبقا هي الشغل الشاغل ليك
والتنويع في تغيير روتين الحياة اقرا كتاب غير طريقك من البيت الي العمل خدش دش دافي بليل :(

**Goodle** · 17-03-2008 03:28 PM

المشاركة الأصلية كتبت بواسطة e_farid

والأخوة المدخنين يحاولوا يفكروا كده لو قاعد فى ميكروباص وبيدخن وحد طلب منه بإحترام انه يطفى السيجارة مش هيطفيها بسهولة ؟

ولو واحد قام داخل فيك شمال ومزعقلك وقالك ان السجائر حرام ياترى هيكون رد فعلك ايه ؟

أكيد فهمتم قصدى.

على فكرة انا اسمى اسلام فريد.

بس يا إسلام شرب السجاير مش زي أفلام البورنو اللي بتكون في الاوتوبيس ... وللا إيه؟؟

السجاير في أماكن مسموح بيها للتدخين.. والناس بتبقى عارفة إذا كان المكان ده مسموح فيه بالتدخين أو لأ

لكن مفيش مكان عام بيسمح بجلسات المساج والحضرات اللي بيكونوا سقعانين وبيدفوا بعض في عز الصيف..

يبقى رد فعلك للراجل بتاع السيجارة اكيد مش زي الشخص بتاع "الحرارة" :) :)

انتظر رأيك

**ahmedateya** · 17-03-2008 03:48 PM

ارجوا منكم اخد الموضوع ببساطة و لكل منا ان يقول وجهة نظره
و انا شايف اني صح و انتوا شايفين انكو صح برضه مش مشكلة خالص
و لسة عند رأيي و مقتنع بيه ولا اعيب عليكم فكركم و انتم احرار في ذلك

و ملخص رأيي ان ما يتعلق بالمنظر الموصوف ان النصيحة هي ما نملك لهؤلاء و اخدوا بيها اخدوا...ما اخدوش هم احرار...و في الغالب احنا لسة فينا بقايا حياء هتخلي اي حد تنصحه في الموقف ده يتكسف على دمه
و لو بصتله بصة معبرة ممكن برضه يتكسف

لكني ضد استخدام العنف و اسلوب التجريس و الزعيق و الشتيمة و الكلام ده

العنف لا يولد الا مزيدا من العنف

و الاختلاف في الرأي لا يفسد للود قضية

**Migo123** · 17-03-2008 03:53 PM

لكني ضد استخدام العنف و اسلوب التجريس و الزعيق و الشتيمة و الكلام ده
العنف لا يولد الا مزيدا من العنف

+10000000000000000

**Dr Ahmed** · 17-03-2008 04:02 PM

إنحراف بشع فى التفكير يصور لأى شاب إن حل موضوع "الكبت والحرمان" المزعوم هو الإنحلال..
مجرد دعاوى جاهلة من شباب ضالين ميعرفوش عن النبى حديث ولا من القرآن آية وكل اللى فى دماغهم شوية ضلالات من الغرب ومطربى الراب.

**Goodle** · 17-03-2008 04:07 PM

المشاركة الأصلية كتبت بواسطة Dr Ahmed

إنحراف بشع فى التفكير يصور لأى شاب إن حل موضوع "الكبت والحرمان" المزعوم هو الإنحلال..
مجرد دعاوى جاهلة من شباب ضالين

بسم الله الرحمن الرحيم:
وإذا قيل له اتق الله أخذته العزة بالإثم
صدق الله العظيم

**Hossam.Hamdy** · 17-03-2008 04:25 PM

المشاركة الأصلية كتبت بواسطة ahmedateya

انا على العكس شايف ان اللي انتوا و الناس بيعملوه ده بلطجة على الخلق...
ايه اللي هتستفيده لما تفضح او تؤذي واحد بيعمل حاجة زي دي؟
انتوا عارفين الحياه بقت عاملة ازاي؟
انتوا عارفين الكبت وصل لفين؟
الناس دي لو كانت لاقية مكان تاخد فيه حريتها ولا لاقين يتجوزوا كانوا عملوا كده من الاول؟
هل همة مثلا عندهم حلول تانية و بيعملوا الموضوع ده روشنة؟
ده في حديث ما معناه انك متفضحش اخوك المؤمن ليبعتلك الي يفضحك!
و بعدين هما حرين حتى لو فاضحين نفسهم...

معلش يا جماعة تعالوا نتكلم بصراحة....

اغلب الناس هنا ميسورين ماديا...يعني كونك عندك عربية ايا كان نوعها فده بيصنفك من علية القوم في مصر و ارجوا ان محدش يضحك لأن دي حقيقة لو قارنا عدد السكان بمجموع العربيات

يعني فينا اللي متجوز و اللي خاطب و اللي بيدور على ابن او بنت الحلال...بالعربي كده فيه امل

طب و الناس اللي مشلاقية دول يعملوا ايه؟ نعدمهم في ميدان عام؟
و ممكن كمان يكونوا ولاد ناس بس الظروف مش مساعداهم برضه..

اه الانحلال موجود و بكثرة نتيجة لسيادة مفاهيم خاطئة كثيرة و ده في العالم كله و مالوش دعوة ببلد الازهر ولا بلد لاس فيجاس

لو دققت في الافلام على الhot baird هتلاقي ان المصنف 12+ ده هتلاقي فيه مناظر لا تناسب السن ده مطلقا (و اسف في التعبير) SOFT-CORE و السبب ن معاير ما يمكن مشاهدته اتغيرت عالميا و المقصود ال RATE +16..+18 كده

و معلش قول للمعرفة الكندية تستحمل شوية لغاية لما ترجع كندا بلد العفة و الطهارة

و من الافضل ان كل واحد يهتم ببيته و اسرته و يحاول يحميهم من و يعلمهم الصح من الغلط بدل ما يمشي يلطش في الخلق و يعمل نفسه عنتر جبنة ؟ :)

اكيد مش بلطجه انت شايف منكر لازم تغيره....المفروض الموضوع ده يتم بالكلام مش بالخناق طبعا.....
مفيش حاجه اسمها كبت...الكبت يخليك تحضن و تبوس فى الشارع....واللى بيعملو كده ناس من علية القوم...انا عند البيت عندى في شارع مظلم بليل تلاقى البهوات بيمارسو الزنا فى العربيه...وتقولى كبت....
هو لو فى دين و تربيه و اخلاق مكانش هيبقى التفريج عن الكبت كده....كان الواحد هيرجع لربنا وربنا يحفظه...انما نبقى عاملين زى القطط والكلاب في الشارع؟؟؟؟!!!!!

الرسول عليه الصلاه والسلام قال هيجى زمن يتم فيه الزنا فى الشوارع زى الحيوانات.....مفيش اى دين فى الكون يقول عندك كبت ازنى...
ياراجل ده الحيوانات بتتكسف...تخيل كده وانت خارج من المسجد بعد صلاة العشاء تلاقى عربيه قدام المسجد واثنين حبيبه فيها,دول المفروض ياخدو بالجذمه هما واللى سايبنهم كده
الواحد لو متربى وعارف دينه هيخاف....انما احنا مش فالحين غير فى تقليد الغرب في الهيافه...نزل البنطلون و طلع البوكسر...طبعا عشان نبقى مجتمع متحضر وماشى مع التقدم...انما الدين ,اقلب ياعم .
والله طول ما احنا كده عمر البلد ده ما هتشوف خير و هتفضل العيشه ضنكه عشان كل واحد يقول خلينى فحالى...

الموضوع: منظر يحرق الدم .. للأسف بقى عادى عند ناس كتير .

LinkBack

أدوات الموضوع

عرض

-

-

-

-

-

-

-

المواضيع المتشابهه

علاج السرطان بالذهب ,, لسه قدامه كتير اوى للأسف

انا بكرة رايح صيانة 1000 والعربية عاملة 900 كيلو عادى ولا مش عادى ؟

صيانه الالف للجميله كارينز وتصرف يحرق الدم

10000ك فى 8 شهور ونصف كتير ولا عادى؟؟

الكلمات الدلالية لهذا الموضوع

المفضلات

المفضلات

ضوابط المشاركة