الموضوع: لو خطيبتك كدبت عليك هتعمل ايه؟

بص يا باشا لو انا مكانه مرضاش انى اكمل معاها
انا شايف ان كل واحد متمسك جدا برأيه فى الردود على الموضوع ومش هتوصل لحل اخير او تقوله يعمل ايه بالظبط لكن رأيى الشخصى لا ميكملش معاها والموضوع مفيهوش لا خراب ولا حاجه على البنت فيه بنات كتير مبتتجوزش من اول خطوبه وبعدين دى خطوبه محدش بيقول طلق مراتك عشان كدبت عليك.
البنت سقطت فى الكلية سنه طب ايه المشكلة ؟ هيعلقولها المشانق مثلا؟! تكدب ليه؟
ليه الناس بتعمل خطوبه قبل الجواز؟ اظن علشان كل واحد يعرف عيوب التانى مش الغرض منها ان طرف يربى الطرف التانى ويأدبه .

المشكلة انها كدبت على اهلها و دة الاهم ودة مؤشر سلبى ممكن يكون سببه ضعيف مثل الخوف او قوى مثل عدم ثقة او ترابط بينها وبين اهلها علما ان الكدبة دى كبيرة و هايصاحبها اكيد كدبات اخرى(دايما الكدب بيجر صاحبه) وان سبب كدبها على اهلها سببه رغبتها فى الارتباط ليس بالمقنع ! انا شايف انه على البر و ممكن ينسحب ولو مرتبط بها لابد ان يختبرها فى كذا موقف عشان يعرفها

المشاركة الأصلية كتبت بواسطة shnory

لو هو مكدبش كدبه قبل كده في حياته
ولا لاوع ولا خان ولا عمل اي حاجه غلط يسيبها
وهو ودماغه بقي يحدد ان كانت دي كدبتها الوحيده ولا هي محترفه
محدش يطلب حق لنفسه وهو مش بيديه للناس

أنا فى مثل رأيك مين ما كذبش ملا ما عملش أفلام الجدعنة انة ما يكذبش و هى كمان أعترفت بخطأها بس متأخر شوية بس يكبر دماغة أكيد هى عملت كدة مش عشان هى عجوز شمطاء و عاوزة تتجوز و السلام بس كذبة نسبيا هايفة عشان تضمن العريس و السلام دى كلها كدة حوالى 20 سنة بالتقريب لسة شوية بس أهم حاجة ما تكونش كذبت فى المهم مش السن فى سنة و خصوصا انها أصغر منة مش أكبر و لا حاجة

المشاركة الأصلية كتبت بواسطة mohamedbook

الحوار بتاع الكدب انها رسبت سنة هي ايل لاهلها كده من قبل مايخطبها يعني هو لما جه يخطبها كانت معرفة اهلها انها ناجحة \هي كدبت علي اهلها مش عليه وبعدين عرفتة
ومفيش حد يقلي ان هو ملاك ومبيكدبش غير المؤمن الي علي حق هو الي مبيكدبش
وصلوا علي رسول الله ومتخربوش علي البنت

كلام جميل و عاقل مشو المراكب السايرة ما توقفوهاش طاما أخلاقها كويسة تبقى كذبت بس عشان تتخطب أنا ممكن أعتبرها تفكير طفولى و السلام هو حا يدايق بس ممكن نمشى الاهم عدم الكذب فى المهم و يفترض انها رسبت فى 3 مواد فبتعيد السنة و فى الاعادة فن و استفادة يا جدعان كبرو دماغكم و سيبو الامور تمشى طالما بالحلال

على فكره غلط جدا اللى بيقلك ان طالما ابتدت حياتها بكذبه هتقضيها بعد كده كذب..بالعكس هو خليه يشد عليها شويه ويحسسها بغلطها ويخليها خلاص تفتكر انها خلاص خسرته وتعيط شويه وبعد كده يلم الدور..وصدقني عن تجربه بعد كده هتكره حاجه اسمها كدب ومش هتفكر تعملها في حياتها بس طبعا لازم يعملها test كل شويه عشان يختبرها ومفيش مانع انه يدور في ماضيها كل ده بس عشان يطمن ويتأكد انها كذبه بريئه
وبصراحه انا شايف ان البنت ده كذبت عليه عشان بتحبه وده مبرر قوي لبنت صغيره وملهاش خبره في الحياه والحب يغفرلها كل التفاهات ديه..باختصار يكمل معاها عادي جدا بس يحسسها بغلطها ويقولها تعالي نفتح صفحه جديده ونتعاهد انا وانتي ان احنا منخبيش على بعض اي حاجه مهما كانت تافهة ويحلفلها انها لو كدبت تاني حتى لو في حاجه صغيره هتبقى نهت حياتهم بنفسها لازم برضو من شويه الtests اللى قلتلك عليها عشان يبقى مطمن 100% ياريت توصله كلامي وفي الأول وفي الآخر هو أحسن واحد ممكن يحكم على الموقف لاني هو اللى عايشه وملم بكل تفاصيله