اشتري JETTA ، OCtavica ،Civic؟

**inspiron** · 24-09-2010 04:00 AM

أولا يا ريت الناس تبطل إشاعات وكلام ملوش أساس من الصحة...

ثانيا ولا الجيتا ولا الأوكتافيا كمبريسور التكييف بتاعهم بيبوظ..والعيب ده كان موجود في 2006 - 2007 فقط وتم علاجه في الموديلات الأعلي.

ثالثا بالنسبة لموضوع الفتيس...فتيس الجيتا من أول 2009 في مشكلة ( dsg ) وهو ده اللي بيبوظ..ما قبل ذلك مفيش أي مشاكل.وفتيس الأوكتافيا والفانتازيا مفيهومش أي مشاكل في جميع الموديلات..وسواء الجيتا أو الأوكتافيا يراعي الإلتزام بمواعيد تغيير زيت الفتيس ( كل 60000 كم ) واللي مش بيلتزم بالكلام ده هو اللي بيصادف مشاكل بتكون نتيجة إهماله وإسترخاصه في صيانة عربيته..

رابعا سيفيك مييييين دي مع إحترامي لكل اللي راكبينها عشان تتقارن بالجيتا أو الأوكتافيا...

1- مينفعش أقارن ياباني بألماني.
2- صاج الياباني غير الألماني.
3- ثبات الياباني غير الألماني.
4- إعتمادية الياباني غير الألماني.
5- متانة الياباني غير الألماني.

-- توكل علي الله و هات جيتا 2008 أو فانتازيا 2009..وصدقني هتتبسط جدا

**Hondawy_2008** · 24-09-2010 04:28 AM

المشاركة الأصلية كتبت بواسطة inspiron

رابعا سيفيك مييييين دي مع إحترامي لكل اللي راكبينها عشان تتقارن بالجيتا أو الأوكتافيا...

1- مينفعش أقارن ياباني بألماني.
لا ينفع طبعا ايه المانع !!!
2- صاج الياباني غير الألماني.
معاك حق بدليل السيفيك واخدة 4 نجوم في اختبارات الأمان الأوربية
3- ثبات الياباني غير الألماني.
صحيح السيفيك أتبت من الجيتا و الأوكتفيا بمراحل و لا يماثلها في فئتها الا السوبارو اليابانية بردو :)
4- إعتمادية الياباني غير الألماني.
فعلا السيفيك أقل سيارة في الأعطال بفضل الله
5- متانة الياباني غير الألماني.
تمام علشان الألماني أتقل في الوزن شوية وده بيخليها عالطريق بطة في الجري... حاجة على حساب حاجة

-- توكل علي الله و هات جيتا 2008 أو فانتازيا 2009..وصدقني هتتبسط جدا

مع احترامي ليك مفيش أعلى من السيفيك في فئتها غير البي ام و المرسيدس

لو بننكلم عن سيفيك و باسات طبعا الباسات تكسب لكن سيفيك و جيتا اسمحلي السيفيك تقطعها

**beeboo2005** · 24-09-2010 04:38 AM

المشاركة الأصلية كتبت بواسطة hondawy_2008

لو بننكلم عن سيفيك و باسات طبعا الباسات تكسب لكن سيفيك و جيتا اسمحلي السيفيك تقطعها

يا راجل ده كلام. طب على مهلك شوية, أيش جاب السيفيك للجيتا. حد يقول الكلام ده. ده حتى واحد قريبى كان نفسه يجيب الجيتا بس فرق أكتر من 57.000 ألف جنيه وقتها بين العربيتين منعه من ذلك. و لحد دلوقتى كل ما نشوف بعض يثنى على الجيتا (على فكرة أحنا أشترينا نفس السنة 2008 بفارق شهرين) و كل منا ركب عربية الأخر كثيرا.
آه السيفيك رائعة و أحسن يابانى فى فئتها، أنما أحسن منها اعتقد لن يوافقك أحد مطلقا فى هذا الرأى.

**inspiron** · 24-09-2010 05:14 AM

المشاركة الأصلية كتبت بواسطة beeboo2005

يا راجل ده كلام. طب على مهلك شوية, أيش جاب السيفيك للجيتا. حد يقول الكلام ده. ده حتى واحد قريبى كان نفسه يجيب الجيتا بس فرق أكتر من 57.000 ألف جنيه وقتها بين العربيتين منعه من ذلك. و لحد دلوقتى كل ما نشوف بعض يثنى على الجيتا (على فكرة أحنا أشترينا نفس السنة 2008 بفارق شهرين) و كل منا ركب عربية الأخر كثيرا.
آه السيفيك رائعة و أحسن يابانى فى فئتها، أنما أحسن منها اعتقد لن يوافقك أحد مطلقا فى هذا الرأى.

إنت راجل بتفهم..وبرده مع إحترامي لصاحب الرد مع الأخذ في الإعتبار أسلوبه المستفذ وكلامه العجيب اللي ملوش أساس من الصحة..مش معني إنك راكب العربية إنها تدخل في مقارنة مع اللي أحسن منها بمراحل..أه كل واحد شايف عربيته دي بوجاتي فيرون..لكن إحنا هنا بنتكلم في حقايق..وعجبا يا أخي من اللي إنت بتقوله ده.قال إيه..قالك ثبات السيفيك الأعلي في فئتها.برافو عليك..لأ وكمان مفيش أعلي منها غير بي إم ومرسيدس..الله الله الله...إستني بقي شوية علي الردود العسل اللي هتشوفها

**Hondawy_2008** · 24-09-2010 12:59 PM

المشاركة الأصلية كتبت بواسطة medo_2060

اهو الى مينفعش فعلا الى انت بتقوله دا... وصدق او لاتصدق يا صديقى civic vti بالفم المليان كمان احسن من الاتنين...بس مش كل الناس هتوصلها الحته دى

+111111111111111

لعيب و الله

**Hondawy_2008** · 24-09-2010 01:07 PM

المشاركة الأصلية كتبت بواسطة beeboo2005

يا راجل ده كلام. طب على مهلك شوية, أيش جاب السيفيك للجيتا. حد يقول الكلام ده. ده حتى واحد قريبى كان نفسه يجيب الجيتا بس فرق أكتر من 57.000 ألف جنيه وقتها بين العربيتين منعه من ذلك. و لحد دلوقتى كل ما نشوف بعض يثنى على الجيتا (على فكرة أحنا أشترينا نفس السنة 2008 بفارق شهرين) و كل منا ركب عربية الأخر كثيرا.
آه السيفيك رائعة و أحسن يابانى فى فئتها، أنما أحسن منها اعتقد لن يوافقك أحد مطلقا فى هذا الرأى.

لعلمك الخاص الجيتا مكسيكي مش ألماني و فعلا مينفعش نقارن مكسيكي بياباني

ههههههههههه
و بعدين 57 ألف مين دي السيفيك الهاي لاين ب 190 ألف يعني أغلى من الجيتا

**Hondawy_2008** · 24-09-2010 01:12 PM

المشاركة الأصلية كتبت بواسطة inspiron

إنت راجل بتفهم..وبرده مع إحترامي لصاحب الرد مع الأخذ في الإعتبار أسلوبه المستفذ وكلامه العجيب اللي ملوش أساس من الصحة..مش معني إنك راكب العربية إنها تدخل في مقارنة مع اللي أحسن منها بمراحل..أه كل واحد شايف عربيته دي بوجاتي فيرون..لكن إحنا هنا بنتكلم في حقايق..وعجبا يا أخي من اللي إنت بتقوله ده.قال إيه..قالك ثبات السيفيك الأعلي في فئتها.برافو عليك..لأ وكمان مفيش أعلي منها غير بي إم ومرسيدس..الله الله الله...إستني بقي شوية علي الردود العسل اللي هتشوفها

بص أنا ركبت بي ام 318 و أقسم بالله العظيم السيفيك أحسن منها و أريح منها في السواقة يمين حيحسبني عليه ربنا مش أنت

**haythamkmal** · 24-09-2010 02:11 PM

اللى ركب السيفيك هو اللى عارف قيمتها، انا راكبها من سنة 1992 تقريبا بكل موديلاتها، وطبعا كل فترة بيجيلى احساس سخط على العربية ، بس دايما فى اللحظة دى بتصادف انى اركب او اسوق عربية ثانية ومنهم اللى انت بتقارنها بيهم وارجع اركب هوندتى واقول الحمد لله فالتحيا الهوندا.
السيفيك تعنى الثبات والقوه والامان وندره الاعطال وهذا اهم ما يميز السيفيك ، والله بدون مبالغة خلال تقريبا 18 سنة مفيش عربية من اللى راكبتهم عطلت منى غير مرة واحد وكانت سيفيك 92 ex.

-

-

الموضوع: اشتري JETTA ، OCtavica ،Civic؟

LinkBack

أدوات الموضوع

عرض

-

-

المواضيع المتشابهه

ينفع ب ١٧٠ ألف اشتري jetta بنيكل على أطر النوافذ؟

Jetta or Lancer EX sport or Honca Civic

JETTA OR CIVIC

JETTA OR CIVIC

مطلوب vw jetta 2007 a/t او honda civic 2007 بحالة الزيرو

الكلمات الدلالية لهذا الموضوع

المفضلات

المفضلات

ضوابط المشاركة