الموضوع: Punto ولا Verna

المشاركة الأصلية كتبت بواسطة ashouhdy

توت هى صورة توقيعك انت كنت ع الخامس ولا الرابع ؟

عشان عندى لما بكون ماشى 100 ع الخامس ال ار بى ام 2.7
انت ع 90 2.6

الرابع يا باشا تقريبا .......... دي صورة قديمة قوي .

الخامس غالبا على السرعة دي هيايجيب 2 أو 2.1 حاجة مشابه لكدا

المشاركة الأصلية كتبت بواسطة ahmed_nubira

1- قطع غيار رخيصه
2-اى حد يفهم فيها
3-لو حبيت تبيع 100000000 واحد هياخدها
4-تكييف محترم اوى
5-موتور قوى جدا وسحب خرافه
6-سواقه سهله وابعاد مش متعبه زى بعض العربيات
7-لما بتتظبط بتبقى شيك ولما بيركبلها جنوط الثبات بيتعدل
8-موفره فى البنزين ومش حوووت
9-عمليه جدا ومبتقولش لا وعيوبها معروفه
10-توكيلها مهواش حاجه تعيبها لانك تعرف تتصرف معاها بره (مهياش i30 ولا سوناتا)


فى مميزات كتير جدا بس انت مش واخد بالك

مع احترامي طبعا و ديه مناقشة,
انت بتتكلم عن حاجة تقضي الغرض في الوقت الحالي, بس سؤال و انت مسافر و ماشي 100 ولا 120 حتبقى متطمن؟ و من جهة عملية فا ديه سيدان و التانية هاتشباك...ديه حتشيل شنط كتير بس مش حتسلك في زحمة مصر العظيمة :d و العكس صحيح... من ناحية عمر الموتور فا دي حاجة غنية عن التعريف في الفيات + انها كامة واحدة....أنا معاك البونتو معقدة عن الفيرنا جدا و كلها كهربة و سنسورز... بس ما تنساش بردو تاريخ فيات و لو هما شايفين ان الحاجات ديه عيوب ما كنوش عملوها...أنا عن نفسي أركب عربية أنا متأكد أو واثق في الهندسة اللي متصنعة بيها و اللي تريحني نفسيا و اللي لو لا قدر الله حصل أي مفاجأة على الطريق ابقى متطمن اني ممكن أفاديها...و لو على قطع الغيار كله موجود في شارع صلاح الدين في اسكندرية بأسعار كتير حسب بلد الصنع و الجودة ده غير الاستيراد طبعا و معلش طولت عليك :)

المشاركة الأصلية كتبت بواسطة karimalaa

انت بتتكلم عن حاجة تقضي الغرض في الوقت الحالي, بس سؤال و انت مسافر و ماشي 100 ولا 120 حتبقى متطمن؟ و من جهة عملية فا ديه سيدان و التانية هاتشباك...ديه حتشيل شنط كتير بس مش حتسلك في زحمة مصر العظيمة :d و العكس صحيح... من ناحية عمر الموتور فا دي حاجة غنية عن التعريف في الفيات + انها كامة واحدة....أنا معاك البونتو معقدة عن الفيرنا جدا و كلها كهربة و سنسورز... بس ما تنساش بردو تاريخ فيات و لو هما شايفين ان الحاجات ديه عيوب ما كنوش عملوها...أنا عن نفسي أركب عربية أنا متأكد أو واثق في الهندسة اللي متصنعة بيها و اللي تريحني نفسيا و اللي لو لا قدر الله حصل أي مفاجأة على الطريق ابقى متطمن اني ممكن أفاديها...و لو على قطع الغيار كله موجود في شارع صلاح الدين في اسكندرية بأسعار كتير حسب بلد الصنع و الجودة ده غير الاستيراد طبعا و معلش طولت عليك :)

يعنىايه تقضى الغرض
الاتنين بيقضوا الغرض....وعلى فكره الفيرنا على 100 و120 مش وحشه خالص معقوله.....

بس ايه ياباشا موضوع تسلك فى الزحمه دة ...مش فهموا...دة مش سبب يا استاذ كريم يعنى....على كده اجيب سيات 133 ........بالنسبه لعمر الموتور الافتراضى بتاع الفيرنا كويس طبعا....دة ياراجل الشباب هرسنها فحت ردم.....البونتو اللى مش بتاعت كده....البونتو فى نظرى عربيه زى ما بيقولو lite يعنى عربيه مدنيه تمشى فى المدينه توفرلك بنزين تعاملها بحنيه عربيه حريمى من الاخر ....مش بتاعت شباب وشد وسفر وسرعات...لو بصيت من الناحيه التانيه هتلاقى البرافو عربيه حرق وشد وغرز وقد ما تقول قول...عشان بس محدش يفتكر الكلام على فيات كلها.....ونقطه قطع الغيار مهما كانت لصالح الفيرنا طبعا

على فكره انا مبحبش الفيرنا خالص ولما ركبتها فى المعرض حسيت انى راكب عربيه سوزوكى سوفت تاكسى طالع عينه (مع احترامى لملاكها)....بس لو هنقارن بالبونتو... الفيرنا اقوى واكبر واوسع واريح فى الصيانه وليست معقده بالنسبه للبنونتو

المشاركة الأصلية كتبت بواسطة tutankhamoun

أنا واحد من الملاك القدامي للبونتو ( ركبت منها عربيتين )

خامات داخلية ( مفيش فرق بينها و بين الفيرنا - الأثنين بلاستيك و الفرش عادي )

خارجيا تقريبا الصاج معقول في الأثنين .

الشكل البونتو أحلى بكتير ...........
توفير البنزين البونتو من غير حرق على الموتور .
القوة في صالح الفيرنا طبعا

التكييف بتاع البونتو تأثيره ضعيف في الحر الشديد .... و بتاع الفيرنا تلاجة .
التكييف مش بيأثر على سحب العربية الفيرنا و بيأثر تأثير خفيف على البونتو و لو مركب معاك حد هاتحس بالوزن و بالشد هايقل قوي معاك .
موتور البونتو صغير 1245 سي سي ..... عزم قليل و حصان قليل و لكن السيارة جميلة قوي لغاية 90 أو 100 .... بعد كدا تجميع السرعة ضعيف ( بس أحنا مش هانطير يعني )
الثبات معقول لغاية 110 أو 120 ...... و العربية خفيفة و في سرعات أعلى من كدا بتحس بالعربية و بالطريق ( الثبات بيقل )
يعُتبر ثباتها زي ثبات الفيرنا .

أنا شايف أن عيب الفيرنا الوحيد ...... الشكل ( دي أذواق ) و الأنتشار
و الأنتشار ده ميزة و عيب
ميزة - اعادة بيع سهلة جدا بعكس البونتو اللي لها زبون مخصوص .
ميزة - أنتشار قطع غيار في كل مكان .

العيب
العربية موجودة مع كل الناس و مفيهاش تميز من ناحية الشكل .

و مش شايف أي فروق ما بين العربية أنها ايطالي و التانية مصري ........
الفيرنا عربية حلوة و أثبتت نفسها لفئة معينة من الناس و هي عربية بتستحمل جامد و حمالة قسية بجد .

راي موضوعي وممتاز

لأ مش موضوع سيات 133 يعني :D :Dlol
بس قصدي لو في مكان يقضيها بالعافية مش حياخد السيدان ده على الحجم يعني و أختلف معاك في موضوع الموتور فا ميكانيكيا أكيد فيات تتفوق زي ما قلتلك الموتور كامة واحدة فا حتستحمل عدد لفات أعلى منغير مشاكل و بلاش ندخل البرافو و الجراند و كده عشان دي فئات أعلى بكتير...الفيرنا 2 كامة...أكفأ و كل حاجة و الشباب هرينها ليل نهار بس أهم حاجة...حالتها حتبقى ايه كمان 10 سنين مثلا؟ يعني الفيات عرفينو و مجربينو و مفيش شارع في مصر مافيهوش 128,127,131,132 اللي بقالهم 40 سنة تقريبا...هل الفيرنا كده بردو؟ و لا حيحصلها زي اللي حصل للأكسنت القديمة اللي قليل لما تلاقيها في اسكندرية...و بعيد عن كل ده...أي ان كان المبلغ اللي معايا و حجيب بيه عربية....أول حاجة حبصلها هي الأمان(euroNCAP crash test , فرامل , ثبات , تحكم) و بعد كدة بقى أشوف ارتب الباقي حسب الاحتياجات.
بالحق لو النوبيرا اللي معاك أوتوماتيك ايه أخبارها؟

لا النوبيرا اللى معايا مش اتوماتيك....مانيول بس عفشتها زى العسل....تخد المطب كأنك راكب سافينه تنزل وتطلع اكنك فى دريم بارك هههههههههه
بس والله ثابته الحمد لله على السرعات