هل يجد فرق فى تيل الفرامل بين m11 و 516

**hemaa_82** · 21-09-2010 11:31 AM

المشاركة الأصلية كتبت بواسطة egypt0777

حضرتك ده مش عاوزه فن او ذكاء فولازى

العربيتين تجميع ابو الفتوح مش وحده ابو الفتوح

العربيتين و كل عربيات ابو الفتوح بيركبلهم نفس جوده قطع الغيار مش ال ام 11 هى المميزة وهى اللى بيركبلها درجة اولى

نصيحه ليك بس من غير تعصب ابقى ابتدى اكشف على التيل و الطنابير من اول عشر الاف وانت طالع عشان التيل فعلا بياكل فى الطنابير و بيعمل ريجة و بالتالى غصبن عنك حتلاقى ان التيل خارج سليم كامل و الطنابير عماله تتاكل يا حلو و ياما تخرطها يا تغيرها لو نسيت وقلت التيل لسه فيه

وعلى فكره ده مش حالى ده حال معظم اللى معاه الاسبرانز

طبعا لازم يطلعلك واحد من بتوع صحابنا يقلك ازاااىىىىىىىىىى ده التيل قاعد معاية فوق ال 100 الف ولسه مغيرتوش و الطنابير لسه فبريكة

ارجو ان تكون المعلومة وصلت

بيغيروا الطنابير علي الضمان .... انا غيرتهم في ابو غالي .... و لو لا قدر الله و عملت ريجة هتحس لان الabs هيشتغل مع اي فرملة و كمان علي الفرامل الهادية هتحس ب رعشة في الفرامل .....

**samehsalem** · 21-09-2010 11:34 AM

يا هيما باشا هو خلاص مصمم ان العربيات زفت بما فيها ..ده ممكن لو العربية اتخبطت وهيا واقفة لا قدر الله يقولك برده بسبب ابو الفتوح...هههههه

**odaoda** · 21-09-2010 02:42 PM

انا شايف ان اصلا معظم التيل بيصفر مش فالاسبيرانزا بس فعربيات تانية كتير
كمان الناس لازم تعرف ان التيل قطعة اتهلاكية جدا جدا جدا وبتختلف من الاستخدام من شخص لاخر
وكمان انواع التيل الموجودة الان شالونها مادة معينة بتجيب سرطان فالموضوع زادا لطين بلة
بلنسبة للعضو اجيبت ارجو اننا نقدر انة اتقرص من عربيتة ودة وارد بلنسبة لاى عربية
خصوصا انة دافع فيها مبلغ وقدرة بس الناس التانية ببردو متصادرش على راية يعنى هو قال راية
انتوا كمان بتقولوا رايكم والحمد الله ربنا يباركلكم فعربيااتكم ماشية زى الفل والاسبيرانزا اكتر عربية صيننى منتشرة
وملاكها كتير
فلو فى حالة او اتنين او حتى 100 مقروصين فدة قضاء الله والحمد الله على كل شئ وهما لما بيخشو يقولوا حاجة على عربياتهم يبقى من دافع خوفهم علىكوا برضو
المهم الحمد الله على كل شئ وربنا يحفظلكوا عربياتكم ويفك كربك يا استاذ egypt ويرزقك باحسن منها ان شاء الله

**esam722** · 21-09-2010 03:22 PM

على فكرة موضوع التيل اللى بياكل فى الطنابير موجود فى انواع تانية من العربيات زى اللانوس مثلا مش الدايو بس دة الشيفورلية كمان
المشكلةان الموجود فى السوق المصرى قطع غيار جودتها سيئة للغاية ودة لانعدام الضمير وحسبى الله ونعم الوكيل

**egypt0777** · 21-09-2010 04:14 PM

المشاركة الأصلية كتبت بواسطة samehsalem

يا هيما باشا هو خلاص مصمم ان العربيات زفت بما فيها ..ده ممكن لو العربية اتخبطت وهيا واقفة لا قدر الله يقولك برده بسبب ابو الفتوح...هههههه

تصدق يا عم سامح سالم

حرام ان الواحد يقول على التيل زفت
عارف ليه

عشان الزفت ده بنستفيد منه فى حجات كتيرة بنرصف بيه الطرق و بنعزل بيه المبانى

فعلا العربية حرام نوقل عليها زفت يبقى كده احنا ظلمنا الزفت

ومش لاقى وصف سيئ عشان كل الاوصاف السيئة حرام نظلمها واحنا بنوصف العربية

**samehsalem** · 21-09-2010 04:52 PM

يا باشا انا بحب الزفت اللي دافع فيه فلوس مدام الزفت ده مريحني وعلي فكرة الزفت انواع برده يعني ممكن الزفت اللي معايا يكون انضف من الزفت اللي معاك مش اكتر من كدة وياريت برده متزعلش من كلامي معاك.....وربنا يبارك لكل واحد في عربيته ويسترها علينا انشاء الله....

**attiahf** · 26-09-2010 04:15 PM

بمناسبة الزفت وقطع الغيار واعتقد انكم فاكرين موضوع علبة الدركسيون اللى اتغيرت على 2500كم تخيلوا ان بعد 500م فقط اى على 3000 العلبة باظت تانى...انا زهقت بالفعل ومش عارف اعمل اية بجد. وبعدين الفرامل بقت سيئة جدا ومشوارها طويل رغم ان اخر مرة "لما غيرت علبة الدركسيون" بلغتهم وقالولى ان فى هواء فى دايرة الفرامل وهما صلحوا المشكلة بس رجعت المشكلة تانى
انا مش عارف المشكلة فين بالظبط...اعتقد ان مصصمين العربية فى الصين عملين حسابهم ان العربية تعقد على الاقل 3 سنسن بدون مشاكل جوهرية لكن علشان يحصل دة قبل العربية ما تكمل سنة؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟
وحسبى اللة ونعم الوكيل

**hamadaeng2003** · 19-05-2012 06:06 PM

وبعد ده كله والكلام ده ماعرفناش برضوا تيل ال 516 بيركب على تيل الام 11 وهل ال م 11 بيركبلها اى نوع تانى تويوتا او لانسر ارجو الافاده

**esam722** · 24-05-2012 12:33 AM

المشاركة الأصلية كتبت بواسطة hamadaeng2003

وبعد ده كله والكلام ده ماعرفناش برضوا تيل ال 516 بيركب على تيل الام 11 وهل ال م 11 بيركبلها اى نوع تانى تويوتا او لانسر ارجو الافاده

يا صبر أيوب انت لسه مستنى رد على سؤالك
متزعلش منى بس بصراحة انا لفت نظرى فعلا ان ناس كتير دخلت على الموضوع ومنهم انا واتكلموا فى حاجات كتير الا الحاجة الرئيسية ههههههههه
معلش مش هقدر افيدك علشان مليش احتكاك بالعربيتين ....بس متابع باهتمام
تقبل مرورى