تاكيهات الشاهين

**sab3aawy** · 20-03-2008 12:30 AM

المشاركة الأصلية كتبت بواسطة eldeplomasy

ضبطها الحمد لله والصوت راح وبقى الموتور ناعم

بس بصراحه مش حاسس بفرق في السحب ولا استهلاك البنزين ولا السخونه كله زي ما هو ماعدا الصوت طبعا

فهل ممكن اعرف هي كده اضبطت ولا لازم يبقى في فرق في كل دول علشان تكون اضبطت وشكرا جزيلا

هو غالبا التاكيهات عندك كانت مفتوحة ، وده زى ما اتفقنا بيكون اثره فى الصوت بس ، لا اثر له فى السحب او استهلاك البنزين لكن أثره على المدى الطويل بيكون فى تآكل الكامة فكويس انك ظبطتها

وغالبا مش هتحتاج تظبطها تانى غير بعد فترة طويلة ان شاء الله، لما تكمل 70 ألف وللا 80 ألف

**sab3aawy** · 20-03-2008 12:53 AM

المشاركة الأصلية كتبت بواسطة Qamar

لو ممكن نتقل على الاستاذ سبعاوي و بقية الزملاءو يقولو لنا مزايا الشاهين و ليه هي ليها طعم تاني مختلف؟
بصراحة أنا شوية أحس ان الشاهين دي نعمة و ساعات أبقى عاوز اغيرها بأي حاجة دللوعة شوية. لكن كل معارفي(القليلين) بيقولولي "بلاااااش . ها تندم يا جميييل"
أنتو أيه رأيكم؟
علمابان استخدامي أغلبه سفر(170 كيلو. يوم شغل و يوم لأ)

بص ، الحاجات اللى فى الشاهين اللى مش هعوضهالك اى عربية تانية هى

1- نغمة موتورها الناعمة مش هتلاقيها فى عربية تانية فى فئتها ، صوت موتورها عالى لكن ناعم جدا
2- احساسك العام بمتانة السيارة وانت قاعد جواها، ولو انها لا تقارن من وجهة نظر الأمان بالسيارات الاحدث لكنها بتديلك احساس انها متينة جدا
3- رؤية جميع اطرافها من مكانك على كرسى القيادة وسهولة العبور بها من خرم ابرة
4-عدم قلقك عليها لمعرفتك ان اتخن قطعة غيار فيها تمنها ربع جنيه
5- عدم تأثر صاجها الخارجى بسفالات الجلوس على السيارة ولعب الكرة