الموضوع: كل ماتريد معرفتة عن هوندا سيفيك الجيل الخامس

المشاركة الأصلية كتبت بواسطة arabmarket

طب سؤال تقنى بقه ازاى اخف من الفيرنا في حين انها اتقل من الفيرنا ؟؟

لان انا ملاحظ العجيب فى الهوندا انها تقيله وبتسحب !!

من كام يوم كان واحد صاحبى كان سايقها وللعلم صاحبى ده شغال سواق ليموزين يعنى ماشاء الله داس فى كل انواع العربيات العاليه وكان مسافر معايا القاهره من اسكندريه وسالته الهوندا وانت راكبها بتديك احساس اى عربيه قالى احساس واحد بس وهو قياده المرسيدس !!

قولتلو ليه قالى تقيله وبتسحب نفس المرسيدس وده حقيقى انا بحسه وهو ان الى معاه هوندا يلاحظ انه لو طاير وسرعته خرافيه وشال رجله من على البنزين هيلاقى العربيه بتتقل وبتقف بسرعه مش كده ولا دى تهيؤات :b4_592:


ايه السبب بقه هل ده حاجه تقنيه فى الهوندا ؟

شوف ياباشا

اول سبب من اسباب الثبات المفرط للعربية دية انها عريضة يعنى

ثانى سبب نظام التعليق بتاعها متقن اوى ومصروف علية جامد الصراحة كتعليق خلفى مستقل + وصلات متعددة وفى الامام 4 مقصات 2 علوى و2 سفلى + شرائح تحميل مستقلة + نظام مضاد للانقلاب وة هتلاحظة وانت بتاخد ملف بسرعة عالية هتحس ان جسم العربية هو اللى بيتحرك مع ثبات شاسية السيارة فى الارض حتى مع مطبات الهواء السيارة بتنزل وتطلع ماتخليش العربية اول لما تلمس الارض تنحرف جهة يمين او يسار

ثالث سبب : التوزيع المثالى لوزن السيارة تقريبا تورزيع العربية دية 50% فى الامام و 50 % للخلف لان فعلا مافيش انحراف نهائى لجسم السيارة حتى مع ضغط الفرامل بقوة ماتحسش ان العربية وشها مال لتحت

رابعا : طول قاعدة العجلات

خامسا : العربية دية المقص الخلفى بتاعها بيفتح بعد سرعة 130 كيلو متر بحيث انى يخلى العربية الكاوتش بتاعها من اسفل خارج لبرة لضمان الثبات التام على الطريق وهبقى اصورهالكوا مرة

سادسا : ان السيارة قريبة من الارض وللاسف اللى الناس مش عارفينة ان ارتفاع السيارة 15 سم عن الارض بس المشكلة انك عشان تحس بيهم ركب جنوط مقاس 55/195 R15 واتفرج على ارتفاع العربية

فية بقى حاجة وانا بحاول ادور عليها

لو انتوا كة اتفرجتوا على مقارنة البى ام M3 والعربيات العالية دية فى الثبات هتلاقوا انهم بيختبروا مثلا ال M3 وخدت فى اختبار الSKIDPAD نسبة 93 والهوندا حققت 91 الموديل دة بدون اى انظمة وانا بدور اصلا على الفيديو دة عشان اثبتلكوا كلامى

وعموما عشان تبقوا عارفين بردة اية و الSKIDPAD :

دة نظام بيتم بية اختبار ثبات السيارة عن طريق التسارع الافقى

وبيتم ذلك عن طريق حلقة دائرية مغلقة بيتم اختبار السيارة فيها وبيكون معروف قطر الدائرة دية ومحسوب

وبيتم حسابة عن طريق بداية خروج السيارة عن المسار المحدد وبيتم تحديد المسافة التى خرجت عنها السيارة

وهوريكوا مثال فى الاختبار
YouTube - 2009 Porsche 911 Carrera vs. 2009 BMW M3 - Car and Driver

وفعلا الهوندا تقيلة حتى مع الوزن الخفيف دة وجرب كدة تزق هوندا ولا حاجة وانت تعرف

وفعلا احساسك صح لما بتشيل رجلك من على البنزين