الحمد لله العربية لحد دلوقتي عاملة معاي 1070 كيلو

تقييم بسيط
العربية بجد تحفة كفاية انك راكب عربية حاسس انك مختلف عن باقي الناس وبجد الناس بتعاملك علي انك راكب رينو (يعني مش حاجة عادية)
سحب العربية كويس والتسارع ممتاز
استهلاك البنزين لحد دلوقتي معقول وبيقل مع التليين جوه البلد 9-10 لتر /100 ك و الطوالي حوالي 6-7 لتر بس انا لسه ممشيتش مسافات طويلة يعني لحد دلوقتي اعلي متوسط سرعة وصلته 27 ك في الساعة
التكييف تحفة بجد انا ديما مخليه علي تاني علامة خضرا في درجة الحرارة والمروحة علي واحد وشغال تمام ز السحب بيتائر حاجة بسيطة لو انت ماشي علي الاول يعني في الزحمة بس علي الطوالي مفيش ادني مشاكل
عفشة تمام بسم الله ماشاء الله
انوار العربية تحفة
وسع انتو كلكم عارفينه
شنطة العربية تحفة كبيرة وشكل متنظم رائعة
العربية كذا مرة خدت بيها غرزة بجد تمام بس بصراحة كانت السرعة 80-90
الصالون رائع
الكلاكس والزجاج خلاص الواحد ايه خدت عليه
عزل الصوت انت وقافل الزجاج معزول تماما عن الخارج
عزل صوت الماتور مش مسموع وانت جوه العربية خالص
شكل العربية بصراحة عاجبني جدا مش عارف ليه مش عاجب ناس بس دي مسألة اذواق




ركبت 4 ورا في الكرسي واتنين جنبي وطلعت ونزلت كباري بسم الله ماشاء الله العربية تمام مع العلم ده الساعة 4 عصرا والشوارع كانت زحمة جدا من الزماللك لحد فيصل العربية زي ما تكون فاضية وده طبعا والتكييف شغال بس كنت مشغل المروحة علي 2
فيه عيب عندي بسيط لما اروح الصيانة اقولهم عليه لمبة الابواب في التابلوه لو اني خدت فاصل و حاجة جات تحت العربية وانا ماشي بسرعة بتدي نور لمدة ثانية يدوب تقدر تلمحها بس لو ماشي بطيء حتي لو خدت كذا مطب مفيش حاجة بتظهر

ده تقيمي البسيط حبيت اساعد بيه اي حد حابب يشتري العربية زي ما الناس كلها في القسم ساعدتني واستفدت من تقيمهم

ربنا يبارك في ما ملكت ايدينا ويكفينا شرور انفسنا

العربية محتاجة ايه:
دلايات
فرش ارضية وفرش شنطة وياريت لو ينفع تغطية فرش السقف علشان ميدبهدلوش
باركينج سنوسر ( الحمد لله عرفت ابعاد العربية )
عايز حل لون العربية فيراني بيلم تراب كتييير