تقييم لوجان 2011 مشوار الزقازيق

**nour_nrc** · 29-09-2010 09:49 PM

كان عندي شوية شغل في جامعة الزقازيق رحت بالعربية ( لوجان 2011)

الحمد لله العربية عديت بيها 1500 كيلو

طريق الزقازيق والزراعي عموما معظم الناس عرفينه اكنك في دريم بارك مطبات ومنحنيات وحالة ما يعلم بيها الا ربنا

اقفل زجاج اللوجان شغل التكييف ظبط الكاسيت بتاعك وانسي الدنيا

العربية بسم الله ماشاء الله كنت بعدي 140 وثبات ولا اروع بالذات في مطبات الهواء

استهلاك العربية للبنزين ممتاز

صوت ماتور العربية بينعم اكتر وبيوطي مع زيادة الكيلو مترات قبل الاف غير بعد الالف

امتصاص المطبات رائع عفشة ممتازة

عزل العربية رائع ( بصراحة انا مشيت بفيرنا علي الطريق ده وكنت حاسسس ان العربية مفتوحة من تحت وسامع كل حاجة ) بس ياجماعة ده عيب بجد الواحد من تعوده علي اللوجان بركب عربيات اصحابي دماغي بتوجعني بسرعة من صوت عزل عربياتهم دي بصراحة نقطة حق تقال علي اللوجان عزلها ممتاز

الفرامل بجد تسعفك في اي وقت ( غير اي عربية في نفس الفئة انتو اكيد عارفين قصدي ) لاني النهاردة ماشي ومعدي 120 وعايز اعدي العربية اللي قدامي النترا هو خد اشارة شمال ونا حبيت اعدي من اليمين وواحد تاني 128 علشان عايز يتكلم في التيلفون ياخد من اقصي الشمال لاقصي اليمين انا لقيت نفسي خلاص قربت منه خالص بس الحمد لله اني راكب رينو لقيت نفسي عادي بقف والم العربية بالفرامل ومفيش مشكلة بتاع 128 وشه راح الوان لانه عارف نفسه هو كده اللي غلطان بس انا متكلمتش مشيت علطول ( الحمد لله)

معلش طولت عليكم بس انا حبيت اقولكم علي الاخبار اول باول

نصيحة : ياريت محدش يجري بسرعة باي عربية انا عن نفسي بشد باللوجان بس علشان اعرف امكانيات عربيتي بس ان شاء الله ما جريش تاني الا في حدود المعقول يعني طريق زي طريق الزقازيق الزراعي ده اخره 100 بس انا استهبلت وعديت 140 الحمد لله ربنا سترها

**MoHaMed HaMeD** · 29-09-2010 10:24 PM

ربنا يستر طريقنا جميعا وبارك للك ف سيارتك وتقيممك صحيح تماما

**mido_cs7** · 29-09-2010 10:33 PM

الحمد لله تمااااااااااااااام اوي

**ashrafkemo** · 29-09-2010 10:39 PM

عزل العربية رائع ( بصراحة انا مشيت بفيرنا علي الطريق ده وكنت حاسسس ان العربية مفتوحة من تحت وسامع كل حاجة ) بس ياجماعة ده عيب بجد الواحد من تعوده علي اللوجان بركب عربيات اصحابي دماغي بتوجعني بسرعة من صوت عزل عربياتهم دي بصراحة نقطة حق تقال علي اللوجان عزلها ممتاز
من اجمل مميزات اللوجان لدرجة اني باستمتع بالقيادة في الدوشة والزحمة وذلك لعزلها الممتاز

**gebreel** · 29-09-2010 10:40 PM

ربنا يباركلك فيها يا رب

**El.Hossieny** · 30-09-2010 11:32 AM

ربنا يباركلك فيها يا باشا و ان شاء الله تعمل بيها 1000000000 كيلو و انت في اتم صحة ان شاء الله .... و فعلا من اجمل مميزات العربية العزل الداخلي للكابينة .. ممتاااااااااز ... بجد بيخليني افصل خالص عن العالم الخارجي

**nour_nrc** · 30-09-2010 11:37 AM

شكرا ليكم جميعا وربنا يبارك لكم في سيارتكم

**bishoy02010** · 30-09-2010 12:22 PM

ربنا يباركلك فيها

**tamer61** · 30-09-2010 01:54 PM

ولسا يا باشا لما تعدي ال3000 كم العربيه حتتحسن أكتر و أكتر و بعد صيانة ال 5000 و تربيط العفشه حتلاقيها إتحولت معاك. ربنا يباركلك فيها ويسترها معاك.

الموضوع: تقييم لوجان 2011 مشوار الزقازيق

LinkBack

أدوات الموضوع

عرض

تقييم لوجان 2011 مشوار الزقازيق - انشر الموضوع فى :

-

-

-

-

-

-

المواضيع المتشابهه

تقييم لأداء الصني في مشوار من أسوان للقاهرة

محتاج لانوس او فيرنا او لوجان من الزقازيق

تقييم لوجان 2011 بعد 1000 كيلو

ما سبب نقص المياه فى القربه بشكل ملحوظ بعد كل مشوار - لوجان

تقييم اللوجان بعد 200 كيلو و اول مشوار على السريع

الكلمات الدلالية لهذا الموضوع

المفضلات

المفضلات

ضوابط المشاركة