الموضوع: زيت الفرامل بينقص بدرجة ملحوظة جدا

رحت انهارده
الميكانيكي نزل تحت العربية وبص على كل حاجة وعلى الطنابير وعلى الخراطيم ملقاش اي تسريب
لقى التسريب في الخزنة بتعت الزيت بقول فيها كوتش ضارب وبيسرب الزيت في السيرفو روح هات طقم اصلاح
روحت جيبت طقم اصلاح ب35 جنيه وعلبة زيت 10 جنيه وركب يااسطى ركبنا وقعدنا نحضر نحضر نحضر لحد مارجلي وجعتني من كتر التحضير ومفيش فايدة المهم دورنا العربية لقينا كمية دخااااااااااااااااااااااا ان رهيبه طالعة من الشكمان ولا اجدع عربية مفوتة!! ولا عربية رش النموس قول للميكانيكي في ايه ايه اللي حصل قالي ده الزيت اللي تسرب منك من الخزنة ودخل السيرفو ورحنا مبطلين العربية وفكينا الخزنة وقعد يدخل الفوطة جوه السيرفو ويطلعها ملاينه زيييييت ويعصرها ونفس الحوار كده تلات اربع مرات لحد ما الزيت خلص وجبنا مسدس الهوا ونفخنا الباقي لحد ما بقى حاجات بسيطة وركبنا الخزنة وحضرنا ومشيت وكان في دخان بسيط لحد ما وصلت البيت مكنش في دخان نهائيا بس الزيت كان نقص شوية صغيرين معرفش بقى هينقص تاني ولا ايه النظام
انا مغموم وزعلان مبحبش اضيع وقت وفلوس في حاجة مش نافعة بحس اني غلطت لما روحت للميكانيكي لو كان قلي غير الخزنة من الاول كان افضل وانضف وسيبه من شغل العك ده

امشي يومين كده واشوف اخبار الزيت ايه واقولكم نقص ولا لا وربنا يسترها

مش عارف و الله ايه الموضوع ده و شاكك ان يكون عندك تسريب من الماستر الرئيسي لجو السيرفو اتصحك تروح لبتاع فرامل يفك الماسر و السيرفو و يشوف المشكلة فيه علشان المفروض مفيش زيت يروح للسيرفو اصلا غير لو فيه تسريب من الماستر و تنفيس من جوانات السيرفو نفسة
حاجة تانية مفيش سكة توصل زيت الفرامل للموتور علشان يدخل لغرف الاحتراق و يطلع من الشكمان