اربطها صح تعيشها صح

**kamalsalem** · 24-09-2010 08:14 PM

الحمد لله اولاً... وثانياً منهم لله اللي خلو الدنيا كده ع الغلابة

**vBulletin** · 24-09-2010 08:18 PM

هههههههههههههههه اللة يرحمة

**ahmed elsherif** · 25-09-2010 02:31 AM

المشاركة الأصلية كتبت بواسطة Magdyahassan

مابلاش تجيب سيرة مرتضى ياباشمهندس انت ناسى انك بلديات احمد شوبير وممكن يفتكر ان هو اللى زقك عليه ويقفلنا المنتدى

امممممممممم

عندك حق يا باشا المفروض فعلا الم نفسي لحسن يجيب ملفاتي تبقي مشكله وكلنا فداء نايل موتورز

**MASERATI** · 25-09-2010 02:58 AM

المشاركة الأصلية كتبت بواسطة karim_monir

منكم لله
ولسه ياما هانشوف

السلام عليكم و رحمة الله و بركاته

مشاركة جامدة جداااااااااااااااااا .

بس مش عارف ليه , أنا حاسس أن فيه علاقة بينها و بين القاعدة رقم 12 و لا يمكن أنا غلطان .

ولا أقولكم , أكيد أنا غلطان , الطيب أحسن .

مازيراتى كواتروبورتيه

**aymanay32** · 25-09-2010 10:14 AM

المشاركة الأصلية كتبت بواسطة amro1965

سومعه بطل يركب اتوبيسات لشغله واستخدم رجليه ووفر ثمن البنزين لعلى بابا والاربعين حرامى
سومعه بقى ياكل طقتين ليه وعائلته ووفر الطقة لعلى بابا والاربعين حرامى
سومعه اقتصد فى المياه ووفر لعلى بابا والاربعين حرامى شلالات المياه فى حماماتهم وعلى سيارتهم
سومعه باع عربيته المستعملة وترك الطريق لعلى بابا والاربعين حرامى
سمعه سرب عياله من التعليم علشان يبقوا شغالين فى عزب على بابا والاربعين حرامى
سمعه سكن المقابر ووفر الاراضى لعلى بابا والاربعين حرامى يمرحوا فيها على كيفهم
سمعه اخرس لسانه بعدما صوت لعلى بابا والاربعين حرامى واعطاهم توكيل عام فى التصرف فى هدومه وهدوم عياله البالية
سمعه عود نفسه دائما برفع اكف الضراعه لله حتى يكشف الله الغمه عن على بابا والاربعين حرامى
سمعه عود نفسه ان يمشى بالظلام حتى لا يراه خياله ويبلغ على بابا والاربعين حرامى علية
سمعه وضع حجر على بطنه حتى لا يأكل ويشعر على بابا والاربعين حرامى باحتياجة للاكل
سمعه اصبح يتعمد ان لا يمشى فى السوق حتى لا يرى اللحمه فيغمى عليه
سمعه ااااااااااااااااااااااااا ااااااااااااه منك يسمعه

سومعة مفروض يعرف ان البلد دى اتباعت و بقت مش بتاعته و ان هوه كمان اتباع معاها و هو الان عبد مملوك لعلى بابا و يعرف انه لازم يوهب اولادة لعلى بابا و يديهمله هدية يعمل فيهم اللى عاوزة
و ممكن كمان على بابا يطلب مرات ابنه فى ليلة الزفاف على طريقة فيلم brave heart ماهو احنا بنعيش الايام دى او داخلين عليها

و على بابا مش الحاكم لاء دة الاقطاعى بتاع العصر الحديث

**amarakl** · 25-09-2010 01:05 PM

يالا بينا نحمل حمله قوميه لمغادره مصر ونعيش فى مكان تانى أحسن لينا من القرف اللى شايفنو هنا
نحكم عقلنا ونهاجر كلنا

**Karim_Monir** · 25-09-2010 01:48 PM

تصدقو فعلا ان كيلو اللحم وصل 65 جنيه
والطماطم 7 جنيه
انا مش متخيل اسرة من اب وام وطفل واحد مرتب الاب 300 جنيه
لاء
500 جنيه
ممكن ياكل ويشرب ويركب مواصلات ويدخل ابنه تعليم مجاني اللي مابقاش مجاني ويلبسو هدوم ويعيشو ازاي

حسبي الله ونعم الوكيل

منظر ماقدرتش اصوره عشان ماحرجهاش

واحدة ست شكلها موظفة ولابسة كويس
واقفة عند الخضري
بتحاول تنقي طماطم يمكن استعمالها من القفص اللي بيتحط فيه زبالة الطماطم
اللي ريحة القفص تخليك تبعد عنه مترين مش هاقول فيه ايه عشان في ناس بتقرف

حسبي الله ونعم الوكيل